السلام عليكم ورحمة الله وبركاته ...
تسلم يمينك اول شي ..

وانا اول شخص اقول مخالفات الشركه الجفالي ( قسم التكيف المركزي جامد ) اول شي شؤون الموظفيين كلهم اجانب من الجنسية الفلسطينيه المعقب و مساعد اداري سعودي فقط . مدير اداري و مدير الخدمات المسانده و مدير مدير شؤون الموظفيين كل المناصب هذه لشخص واحد عراقي الجنسيه . المهندسين من تكيف و كهرباء و سباكة كلهم اجانب من الجنسية الفلسطينيه و الاردنية و جزء هندي و كلهم اعمارهم تجاوزت الستين . السعوديين الفنيين في المشاريع مكلفين باشغال خاصه لمدير المشروع .
وازيد لكم اذا كان في احد من الشباب له معرفه في ادارة الدفاع المدني بسبب وجود مخالفة صريحه في انظمة الإطفاء و عدم الأستماع لتحذيرات الدفاع المدني بسبب من تحت الطاوله . الله المستعان .

يا ريت تيجي الجنه المكونه من الامارة و مكتب العمل و الامانه و الجوازات بسبب وجود كم هائل من المخالفات من اقامات مزوره و وووووو الخ .
واهم شي وزارة الماليه لكشف ارصدة الفئة الفاسده الاجنبية المتلاعبه في الاوراق و سؤالهم من اين لكم هذا مع العلم بوجود مخالفة واضحه في الزكاه وهي عدم تسجيل ما يتقاضاه الموظف رسميا في الكشوف الرسميه .

يارب انت المطلع انصرنا على القوم الظالمين .

ارجوا من الاعضاء عدم اخفاء اسماء الشركات لابد من كشفها للحد من الفساد . امكن احد من الشيوخ اصحاب الشركات يقرا ويكتشف حقيقة شركاته من التلاعب وهو في غفلة البناني و الفلسطيني و الباكستاني و الهندي .

اعطونا فرصه لنثبت من هم السعوديين .

لا اله الا انت سبحانك اني كنت من الظالمين .

والله ياخي مصيبة بمعنى كلمة مصيبة الله يوفقكم وينصركم عليهم يارب

لاحول ولاقوة الا بلله والله مشكله الا مصيبه بجد الله يعين
وينصرركم عليهم
ويوظفون شبابنا بدال هالاجانب الي لاذمه ولاضمير الا من رحم الله
الله يساعدكم

السلام عليكم ورحمة الله وبركاته

السبب طال عمرك من الموظفين الحكوميين ( المفتشين ) جالسين بمكاتبهم واذا جيته وقلت له في شركة مخالفه للانظمه وده يقتلك ما وده يطلع كل يوم يجلس في مكتبه ينتظر الدوام متى ينتهي ( ولا يطلع الساعه 12 ونص عشان يجيب عياله من المدرسه ) ولا يرجع .

من المهزله ان الشركات الكبيره لها علاقه فا اي مخالفه بوسطات ورشاوي تطلع ...

مواقف صارت قدام عيني . ( شركه كبرى سعوديه صارت لها مخالفه وكان عقوبة المخالفة ان يغلق عليها باب التصدير 6 شهور او سنه ) والله العظيم 70 الف دفعوها رشوه 20 راحت للموظف الشركة و50 راحت لموظف الحكومه .

شركة كبيره توظفت فيها مدير شئون الموظفين اردني ولبس الزي السعودي وهندي اقسم بالله شكله سعودي يوم قالي واحد انه هندي ما صدقت وحطين واحد سعودي لا يهش ولا ينش زينه .والباقي من الفلبين .
وتاخر راتبي بسبت مديري المباشر كل يوم مسافر ولا عطاهم تعميد وقلت لمدير شئون الموظفين ( على نياتي بشتكي بمكتب العمل ) قال روح من اصغر موظف الى المحافظ وبكل ثقه .

الدفاع المدني والشرطه والمرور والجوزات والخ اذا تبي معاملات الشركه تمشي وتكون معروفه عندهم يطلبون بعض الطلبات ويقولون سهله على الشركات .. خذ طلبتهم وهذا امام عيني دائم يحصل ( يطلب من الملازم انك تضبط مكتبه وش يبي ( سرميك و شاشه LCD و مكتب فخم وكل الرفاهيه ) ام العساكر حط عندهم الرزنامه حقت التاريخ ( الكلندر) يكون عليه اسم الشركه عشان اذا مرت معامله للشركه شاف اسمها وطالع في الكلندر تذكر ومشاها ..


لك مني أجمل تحية .

حنا لو الله يفكنا من وزارة الفشل ووزيرها كان الدنيا بخير

اعوذ بالله حسد وفساد عيني عينك

الله يكتب لنا كل خير ياكريم

يااارب اكتب لي ولكم كل الخير وارزقنا من حيث لانحتسب

اولا اشكر لجميع الاخوة على المرور وارجو المشاركة بجدية لنجعل من هذا المنتدى الراقي باب لكشف جميع الذباب المسببة لحمى البطالة وراسال رسالة واضحة ان ابناء هذا الوطن عندهم الاستعداد التام لنزع فتيل الفساد المتعلق بالسعودة......همه ياشباب

ارجو من الجميع التفاعل مع الموضوع لكي يكون له صدا كبير . عشان يخاف الوزير لا يلغوا منصبه مثل باقي الوزراء الي رااحو وخاصه العساف الحسودي هذا و وزير التجاره زينل .

وين الحقاق الموضوع هذا ما انطرح من فراغ الا لما طفح الكيل .
حسبي الله على كل واحد ظلمني . حسبي الله عليهم المسؤولين عن الي حنا فيه .