[align=center]
اخوي اول شئ السلام عليكم

ثانياً والله الدنيا تخوف وكل شئ فيها يخوف وصدقني هاللي يسوية نابع من خوف بقلب ابوك خايف يشوف تربيه السنين اللي فاتت تروح بلحظة طيش لاتلومة والله من خوفة عليك لاتفكر ان هالشئ شك فيك وبعدين انت راعي فارق السن بينك وبينة انة شخص كبر يبي يشوفك شئ كبير وبمكانة عاليه صدقني وانا اختك ان ابوك نعمة واحمد ربك عليه غيرك ماعاشوا مع ابوهم او امهم اعتبر خوفة حرص عليك وخذ الشئ اللي يسوية بنفس راضية مو بصراخ ولا تفكر تخاصم وتعاند فيه لانة الحين مثل الطفل يبغاله مرعاه منك

الله يرزقك بر ابوك ويرزقني بر امي ويشفيها ويخليها لي
[/align]

سايره ،، يعني عادي سلك له

بالنهايه هذا أبوك ولازم ترضيه ،، صح تصرفاته قويه ،،

بس أنتبه لايكون أنت تسوي أشياء تجيب له الشك

الله يهدي بالك آآمين

وعليكم السلام ورحمة الله وبركاته
يمكن الوالدتربيته في صغره كذافقام يطبق عليكم نفس اللي تعلمه
وهونوع من الحرص واللي للأسف يضركم بدل ماينفعكم
دورك انت واخوانك تغيرون نظرته لكم من خلال تصرفاتكم
حافظواعلى الصلاة بالمسجدطريقة لباسكم يمكن ماتعجبه
هالموضات الجديده اجلسوامعه لاتصدون عنه كثيرحطوانفسكم
بمكانه يعني انت الاب وهوالأبن ووشلون راح تعامل ابنك الكبار
يبون مناالعطف والمحبه والإهتمام

__________________
"لله دُر أمي إذا ابتسمت
تهادت جروح قلبي والتئمت"

خوفه هذا من حبه لك
لأنه عارف الدنيا تخوف وفيها بلاوي كثير
أصبر وتحمل وادع له في كل وقت
تقرب منه أكثر ولا تقصر عليه بشيء مو شرط يطلب أنت اعمل بدون يطلبك
ومهما قال لك قل له أبشر و سم تامر الله يحفظك الله يخليك
وعليك بصلاة المسجد والقرآن
صدقني فراق الوالد يكسر الظهر ويخليك تشيّب قبل وقتك ..
فمهما عمل تحمله واصبر واحتسب
الله يخليه لك ويخليك له

هو مايسوي كذا الاخايف عليكم وخايف انه يصير فيكم شي
وانت راعي فرق السن الوالد جيله غير جيلك
هو خايف عليك بس خوفه يضركم صح ويبين انه غير واثق فيكم
بس سؤال هو يراقبكم؟
اذا لا اجل من كلامك انه اذا تعبت يحرص انه يودني الدكتور وهذا دليل على حبه لكم وخوفه
لاتكبرونها وانتم حولوا تغيرون نظرته للمجتمع

مايخاف عليك الا لى يحبك

وحاول تقعد معه وتفهمه بشكل بشخصيتك انت واخوانك

بس الاكيد ان ابوك بيخاف عليك

الله يستر عليك

وهل انت تستحي وتشمائز من معاملت والدك او والدتك
والدك ووالدتك مستحيل يحبون غير ابنائهم ما عاد والديهم يبون مصلحة ابنائهم
ومن حقهم يخافون عليكك
اذا تزوجت وجاء لك ابناء تحس

هلا اخوي شدتني مشكلتك مع الوالد الله يصلحه ويخليه لكم
مافي انسان كامل ولا اب مثالي هذا شي مستحيل ومثل مافي ابوك شك وعدم ثقه
في ناس غيرك يعانون من حاجات ثانيه في ابائهم ويمكن تكون اقوى واصعب من الي عانيت منه
هذا ابوك لازم تكسبه وتحاول معه بشتى الطرق ولو مد يده صحيح صعبه بس يمون وماظنتي يقدر عليك وبعدين لاتلوم ابوك بلاوي هالأيام هي الي تحد الواحد انه يشك ويخاف بزياده
المهم شيل الخوف الي فيك منه وحاول تتصرف بشكل طبيعي دامك ماسويت شي غلط ليه الخوف
تراحتى لو حسيت انه ماقدرك ولا قدر وقفاتك معليش بيجيه يوم ويحس بقيمتك وبالنهايه انت تآجر ع برك لأبوك
اعذرني ع الأطاله اتمنى اني قدرت افيدك

اشكر الاخوان والاخوات كل اللي ردو وتفاعلو معي
ودعو لي الله يوفقكم
اسئل الله يشفي والدة الاخت مليت ويخليها لها امين
ادعو لي تكفون محتاج دعائكم