بسم الله الرحمن الرحيم

السلام عليكم ورحمة الله وبركاته

اخواني انا تخرجت من الثانوية العامة طبيعي عام 1426-1427 بتقدير ممتاز
وسجلت بجامعة الملك خالد قسم علوم الحاسب

طبعا درست سنتين ونصف وقمت في الترم الاول لعام 1429-1430 سولت لي نفسي باختراق احد اجهزة دكتور بالجامعة طبعا اكتشفني ورفعت الاوراق الى مجلس الجامعة وفرضوا علي حرمان من الترم هذا والترم القادم
تفاجأت السنة الي بعدها ان المعدل التراكمي ناقص وانهم قاموا باحتساب الاترام الي حرموني بها في المعدل ونزل معدلي بشكل كبير مرة وتفاجأت بوجود انذارين اكاديمية لهبوط المعدل عن 2 من 5 الي كان سبب الهبوط طبعا احتساب الاترام الي قالوا انت محروم من دراستها والحق انهم سوو مثل الترم المعتذر وما يحسب له معدل
( انا قبلت بالعقوبة لرد هيبة الجامعة وثانيا علشان ينسون الدكاترة والطلاب والي سويته )
طبعا درست الترم الاول لعام 1430-1431 على امل اني ارفع المعدل التراكمي وما قدرت وبكذا فصلوني من الجامعة لوجود 3 انذارات اكاديمية ورحت لعميد القبول والتسجيل ولعميد كلية الحاسب وقالوا ما معك الا الي حصل وحاولت وقالولي احمد ربك انا فصلناك بانذارات اكاديمية لهبوط معدلك يعني ما دمرنا مستقبلك واي مجاولة لك للعودة للجامعة بنطلع اوراق اختراقك ونرفع بها للوزارة وللشرطة و0000 الخ

المهم انا سجلت بشهادة الثانوية الي معي في القطاعات الامنية على رتبة جندي وماجت واسجل بالشركات والبرامج التدريبية وكل ما رحت لجهة قالوا شهادة الثانوية قديمة صار لها اكثر من 3 سنوات والحل شباب انا لوني مقدم بعثة زمان كان افضل وكل يوم يمر علي تبدأ نسبة حصولي على وظيفة تنقص واهلي واقاربي دايما يضيقون علي بكلامهم شف فلان الي درس معك بالثانوي وشف فلان توظف وشف فلان تزوج وشف فلان يعني اش اسوي اخترق بنك وادخل السجن وش الحل ليش اذا اخطأ الواحد خطأ في حياته يلغي كل اماله بالله ما يكفي حرماني من الجامعة يزيدون يحرمونا من الوظيفة يعني معقول ان شهادة الثانوية اصبحت علبة تونة لها صلاحية محددة
( طبعا نصيحة لكل متخرج من الثانوية مهما كانت نسبتك او تخصصك لازم تتوظف ولا تدرس في السنة الاولى لان شهادة الثانوية العامة اتضح لي من تجربة عشتها شخصيا ان لها صلاحية محددة وترمي بها )
شباب الي عنده اقتراح استشارة حلول تجارب دعاء تسبيح يقوله والله يوفقكم ويوفق صاحب الموقع موقع اكثر من رائع

الله يعننا ويااك ان شاءالله

اول حآآجه مافيه دعآء محدد إخلص النيه وأحسن الظن بالله وربي ما راح يخيبك ...

وربي ييسر أمرك ....

ماعندي خبره لكن


لو تبتعث ع حسآآبك بعدين حولها ع الوزارة ....


أو التعليم عن بعد ....


أو تدرس في جامعة خاصة ورسومها تكون قرض من الموارد البشريه ....



أو أرامكو وسابك التدريب المنتهي بلتوظيف ....


ودعم شهادتك بأي دورات حاسب ولغة وكذا ...



ولا تيأس ابحث بكل مكآن لا بد ما تلقآ مكآن يقبلك ...




استغفر + قيام الليل + حسن الظن بالله + دعاء الوالدين + الصدقة

وربي ما راح يخيبك


أتمنآآآ الأخوان والأخوات يفيدونك أكثر.... مووفق

اول مرة ادري ان الشهادة لها تاريخ صلاحية حليب مراعي على غفلة

بالعكس اخووووي العسكريه اذا كان طولك اوكيه وخالي من الامراض يبون مثل تقديرك وبعدين

انت توك مو قدددديم مره اعرف واحد متخرج من خمس سنوات تقريبا وتعين بقوات الامن الخاصه رواتبهم حلوووو

وهم يبون اللي شاطر ونسبته حلوه وطوله حليوووو

لاتيأس وبالتوفيق ...

كان ودي ويهون علي لونهم جلدوني 100 جلدة عادي ولا حتى حولوني لقسم ثاني وكلية ثانية في الجامعة وقالوا ادرس من جديد بس يضيع مستقبلي كله هذا الظلم بعينه

تخيلوا سجلت بكلية المجتمع ما قبلوني بالكلية التقنية سجلت ما قبلوني باكثر من معهد ودورة ما قبلوني واخرهم معهد الادارة الدورة الي فيها تسجيل هاالاسبوع لازم يكون خريج ثانوية عامة من عام 1429 وبعدها فقط

فين يروح الواحد يا ناس سجلنا في القطاعات الامنية كلها الامن العام امن المنشات اكاديمية الامير نايف الحرس الوطني الحرس الملكي رحنا نبي حارس امن ما جت

والله السجن اصبح هين في نفوسنا على الاقل اكل شارب محد له فضل عليك وسواليف ولا كل يوم تقدم وتتعب وتسجل وفي الاخير ما فيه شيء لا والشيء الي يقهرك اكثر يستبعدونك قبل ما تقدر ما تقدر تكتب تاريخ الحصول على الشهادة 1426-1427 حاطين خيارات اقل شيء 1429 ليش حنا ارتكبنا جريمة شكلنا بنرتكبها علشان نستاهل الي يحصل لنا

الله يعينك اخووووي

اذا اوضاعك الماديه ماشي حالها ادرس ع حسابك بالاكاديميه الصحيه مثلا

له مستقبل جدا حلوووو