السلام عليكم

اولاً اشكر القائمين على هالمنتدى الرائع والله يجزاهم خير على ما يقدمونه

انا تخرجت هالترم من الجامعة قسم لغة انجليزية ولله الحمد

وعندي استفسار بخصوص تقديم الوظائف وسالفة الديوان

متى التقديم في الديوان اولاً

وكيف يتم التعيين فيه

واذا كنت ابي التعليم وين اروح الديوان او وزارة اتعليم والتربية

سمعت باختبار الكفاءات للغة الانجليزية وش قصته وهل له دور في التعيين

كذلك وش المستوى اللي راح اتعين عليه لو دخلت التعليم

وما فيه مانع ان اسمع نصائحكم سواء في هالوظيفة او ظيفة غيرها

والله يعطيكم العافية

انا ابغى اجابة لنفس السؤال لاني والله متخرجة من 3 سنين ولا قدمت لين الحين

السلام عليكم اخوي
انا متخرجة مثلك .. وبصراحة من اول ما تخرجت وانا انتظر الديوان يفتحون هم يفتحون بين فترة وفترة و اعتقد مرة بالسنة..
الزبدة ادرس كمبيوتر مسائي .. دورة.. لا تقل عن 3 شهور و قدم على كل شي لان الوظايف صعبة مرة
والله يوفقك

والله أنا بعد متخرجة السيمستر اللي راح ولا حولي أحد لا بنوك ولا مستشفيات ولا ديوان مافي الا وظائف1500 حالي حال السواق, أنا أنصحك تكمل دراسة في الخارج

bee_1984 ... حياك الله والله يوفقك وتلقين الوظيفة

Barbie ... حياك الله الله يعين شكل السالفة بتطول انا الحمد لله عندي شهادة حاسب الي لمدة ثلاثة اشهر مع اربعة شهادات تخصصية في التصميم والبرمجة ومثل ما تعرفين مافيه مثل الوظيفة الحكومية نفتك شر من الذل اللي يواجه الشاب السعودي في القطاع الخاص واللي تسمعون به

English guy .... حياك الله معقولة الى هذا الحد مافيه وظائف اقسم بالله اني بديت اخاف بالنسبة للدراسة في الخارج فيه كم خيار مطروحة والله يكتب اللي فيه خير

ولاهنتم جميع على هالمرور

وننتظر رد من احد الاخوان الخبراء