المتفائلة للأبد

العلاقة بين الميزانية و الوظائف كالتالي
الوظائف تنبى وفقا لتخطيط سابق يكون في حدود الميزانيات المتاحة لجهة التوظيف

وتحديد الاحتياج و الشواغر يرفع للديوان

ووزارة المالية هي من يوافق على الميزانيات المخصصة لكل جهة

وهذا يعني أنه هناك وظائف لها ميزانيات و غير مشغولة بموظفين

لكن حملة الماجستير من أمثالنا تجرى لهم مفاضلة وتعيين فوري لوجود فائض في الميزانيات الحالية و عجز وظيفي وشوارع سابقة لم تشغل بموظفين
والعدد الجديد من المعينين تعطيهم الميزانية الجديدة

ولكن النظام الحكومي لو عين الموظف في الأشهر الاخيرة من السنة تأتيه علاوة مع الميزانية الجديدة أو السنة المالية الجديدة وهذا ما لا يريده البعض

يعني لو اشتغلت الان في شهر ذو القعدة مثلا فقط شهر وتأتيك العلاوة للسنة الجديدة بعد محرم بينما الموظف المعين مسبقا ينتظر سنة وتأتيه العلاوة السنوية
أرجوا أن أكون قد أفدت

لقيت موضوعنا في القاع قلت ارفعه علشان مايدخل لعالم الارشيف ..

سلام عليكم

لا جديد يا بنات

احد يعرف خبر متى تزل الاسماء

وهل فيه اسماء بتنزل

تصدقون عاد انا من يوم طابقت اوراقي وانا مو حاطه بالي انه فيه اسماء بتطلع
بس حمستوني بهالتجمع

يارب نسمع خبر يفرحنا

يارب تطلع اسمائنا كلنا يارب

يارب في هذا الساعة
يرزقنا ومين يحب لنا الخير
برزق
هني
غني
قريب
غير بعيد
عاجل
غير اجل

يارب تكون نهاية انتظارنا خير وبشرى ونتوظف عن طريق وزارة الخدمة المدنية وعن نفسي يارب ماتروح أوراقي لوزارة التعليم العالي لان بيكون مصيرها الحفظ فلا احد يعرف الجامعات مثلي لأني خبرة معاهم كموظفة سابقه في احد الجامعات وكمتقدمه لاغلب جامعات المملكة *

اااه بالقلب غصة كل ما أدخل على الموضوع يرتفع ضغطي مع كذا قلت اشارك يالله يقولوا الموت مع الجماعة رحمة تدرون عزيزاتي ان حملة الماستر يمكن عددهم بالالاف... ليش؟؟؟
انتوا شوفوا الوضع انا مثلا خريجة عام 27ماستر في ذلك الوقت كان القبول بصعوبة شدييدة وكان قلة من يدرس ماستر وعدد الطلاب والطالبات قليل في الشعبة بعددها بكم سنة اتفتح الباب على مصراعية وقبلت اعداد هائلة من الجنسين ثم اتى الموازي واعفاء الرسوم وزاد العدد وتكدس الخريجين واللي بعدهم وهكذا... واصبحت شهادة الماستر كانها بكالوريوس.. من طفرتها..
وللاسف لايوجد تخطيط فلا توظيف لهم ولاتقنين في العدد ولا....حياة لمن تنادي
الجامعات العريقة لاتقبل الابالواسطات او عفوا محجوزة لقبيلة فلان واخر علان فتجد القسم يوجد به الزوج واحيانا الزوجة , وابن الاخ وابنة الاخت ...والعائلة كلهاصارقسم العائلة ماهو قسم جامعة وقيسوا على بقية الاقسام الاخرى.. والجامعات الناشئة صارت تتشرط على الخريجين الجدد وتبغى خبرة وووو فاذا انت ناشئة او بقايا جامعة سابقة والان قاعدة تلمي شتاتك اقبلينا وخلينا نلم معاك
او يحصل مثل مايحصل الان جامعات تعلن عن وظائف ومواعيد تقديم واختبارات ومقابلة وبعدين يختفي اي اعلان عن النتائج واحنا ننتظر وننتظر وننتظر.وتمر شهور وسنين ... ومازال مسلسل الانتظار جاريا..
والله وانا صارت لي بلاوي في التقديم والمقابلات....ولا زلللللللللللللت عاطلة بمرتبة الشرف الاولى....<<تحكي قصة حياتها...هههه
لحظة قبل ماراوح بسطر شهادتي معكم ماستر بامتياز قسم ادارة تربوية.. والان شارفت على نهاية الدكتوراه وبامتياز بنفس التخصص.

على فكرة تراهم ما يدرون عن اعدادنا وكانت قضيتنا واعدادنا غاااائبة ووضحتها مفاضلة عام 1430 ومن ذلك العام الى الان احسبوا العدد؟؟؟؟ لاتعليق
اعذروني على الاخطاء الله يفرجها علينا ...امييييين

اي صح على فكرة استثني من كلامي جامعة الطائف عن تجربه والله العظيم الذي رفع السماء بلا عمد انا لما تقدمت لهم ما وجدت اي محسوبيه يمكن صادفه معايه ما اقدر اكد بس تعينت معيده وانا معايا ماجستير بس حسبتها ولقيت أني ما اقدر اطلع من مدينتي فما باشرت الوظيفة وتركتها وعلى فكرة ان قدمت على وظيفة معيده لانهم زي اغلب الجامعات ماينزلون وظائف محاضر يتركوها للقسم البنين او الأجانب في التخصصات الفنية والتقنية واقتراحي للإخوات اللي ممكن تقبل وظيفة معيد تقدم عليهم وهما على طول يأخذوهم ويطلعوا بعثة زي انا لماترشحت اتصلوا عليا وقالوا حتطلعي بعثه على طول الترم القادم امريكا للدكتوراه ولما ترجعي تقدري تقدمي على ترقيه بس تركتهم *