بالتوفيق

ويارب نطلع بنتيجه

ماشاء الله تبارك الله الحماس موجود
اهم شيء انه يكون الاعتصام امام قصر الملك بجده بالقرب من دوار الكره الارضيه
لان الحرس الخاص بالقصر خلال 10 دقائق وهو طالع ومجتمع فيكم اذا الملك موجود بالقصر
الديوان الملكي له فتره يكون بجدة وفتره يكون بالرياض ياليت يكون الاعتصام وقت الديوان اللي يكون فيه بجده وهو بالعادة وقت الشتاء
اما في الرياض ياليت يكون امام قصر ولي العهد او النائب الثاني
تدرون ليه لان التفاعل بيكون قوي وسريع

شدعوة !!!!!!!!

انتم حملة ماجستير ودكتوراه ومو لاقيين وظايف ؟؟؟

مصدومة اجل اغسل يدي يعني

ليش كذا طيب !



احسب اللي معاه ماجستير ودكتوراه يتوظف من يتخرج ؟؟

هل فيه احد منكم معه ماستر حاسب من برى وعاطل ؟ وهل معكم خبرة ؟

انا عندي ماستر حاسب من بره وعاطل وبدون خبرة

الله يرضى عليكم دنيا وآخره
دلوني حتى لا اتخبط
وين نسجل علشان نقدر نقدم كحملة ماجستير
لأن جداره قالوا فقط لحملة البكالوريوس والأفضلية للأقدمية
ولو سجلنا بمؤهل الماجستير راح يروح علينا موضوع الأقدمية لأن الشهادة حديثة
فما العمل أخشى أن يطوف علي التوظيف
والحقيقة موضوع حملة دراسات عليا وعاطلين مؤلم جدا
وبالنسبة للتجمع ياليت والله بس الظروف لاتسمح أبدا

رزقني الله واياكم ما تطيب به خواطرنا دنيا وآخره

عاجل - ( هند العبدالعزيز ) أرجع المتحدث الرسمي لوزارة الخدمة المدنية الأستاذ عبدالعزيز الخنين قلة عدد المرشحين أو المرشحات وتعدد الاعلانات إلى مايردها من الجهات الحكومية من وظائف حاملات الدكتوراه والماجستير , وقال : يتسأل البعض عن قلة عدد المرشحين أو المرشحات وتعدد الاعلانات فللايضاح الخدمة المدنية ترشح بشكل فوري على كل مايردها من الجهات الحكومية من وظائف حاملات الدكتوراه والماجستير اللاتي يتسألن عن عدم ترشيحهن أود الاحاطة أنه تمت مفاضلتهن وفي انتظار مايرد من وظائف لهن بالمرتبة التاسعة والثامنة .


حسبي الله ونعم الوكيل .. طبعا يقصد مطابقه العام اللي الي الان ما تطلع منها اسم واحد وفوقها تجاهل لنا ي مطابقه هذا العام

سؤالي والله يجزاء اللي ترد خير
الحين لو نزل وظائف تعليميه احط في جداره الماستر ومو مشكله يحطوني مرتبه البكالوريوس المهم ان نقاطي بتكون اعلى بالماستر وتوظيفي بيكون اسرع باذن الله
والا ماراح يوظفوني اذا شافو الماستر مثل ما قالت لي موظفه في الخدمه المدنيه !!!!

حسبي الله على من حرمنا من الوظائف الاكاديميه او الاداريه وعطلنا هذا الوقت واهدر علمنا وطاقتنا وسعينا
حسبي الله وكفى
*

ووووووماااااات الحماااااااروووووو ولم ياتي الربيعوووووووووووووووووو!

الخدمه المدنيه تعلن فقط ١٢٥ اقل من الاحباط !!!!!!

انا زيك ياساره مو عارفه هل اقدم بالماستر والا بكالوريوس؟
لان من جهه التعيينات كلها بالبكالوريوس وهي الاقدم
وفي نفس الوقت انقهر اذا قدمت فيه لانه بكذا لغيت مؤهلي الماستر بالطريقه ذي

لكن ع حد علمي انه اذا قدمتي بالماستر ماراح تتم مفاضلتك الا على المؤهل اللي حطيتيه
يعني ماراح يحطونا بالبكالوريوس والانتظار شكله بيطول
لكن نسأل الله الفرج

وحسبنا الله ونعم الوكيل

سارة العمر
كلام الموظفة صحيح
من تجربتي اول مايشوفو الماستر على طول ينرفض طلبك

مايبغو يزيدو في الرواتب

وأخر طلبين قدمتهم هم المستشفى العسكري ووزارة التجارة من اللي رفضوني بسبب الماستر
بلد عجيب جدا

المهم الجهة الوحيدة اللي اعطتني منصب لائق وراتب مجزي هم الحرس الوطني