ياليتني مادرست لو ربيت غنم مع جدتي والله يمكن اللحين انا بخير ياناس والله ولا قومه الصبح اللي اقومها وانا صغير اللين كملت دراستي واخترها كأني اجنبي بدون اقامه والله العضيم واحد في حارتنا معاه خامسه ابتدائي يعني باقي ماخلصت الابتدائيه وعمره مايقارب 28 سنه لايعرف يكتب ولا يعرف يقرأ توظف قبل ثلاثه شهور في وزاره الصحه بالله وش وجهه نظركم انا ماابغى شئ انا ابغى اصرف ع اولادي والوالده واخواني

هههههههه اقول عندي واحد في الحاره يدرس الان ثاني متوسط ومبسوووووط والي معه تمريض وثانوية و وشهادات اخرى الى الان ماتوظفو وهذا الي يدرس الان ليلي مبسوووط ويضحك علينا ويقول احمد الله اني مااخذت ثانوي على اساس ما اجلس سنتين وبعدين ما يقبلني جامعه ولا وظيفه

حسبي الله ونعم الوكيل ياعمي تدري احرق الشهاده وروح بيع حشيش ومخدرات والله تعيش ملك اما تجلس كذا محد بيطالع في وجهك ولا في وجهي احنا اجانب في بلادنا والاجانب لمن يجون عندنا يعتبرون مواطنين

الواسطه تلعب دور تخلي الي ما معاه شهاده يتوظف والي معه شهاده لا يتوظف ولكن هذه ارزاق تكتب من الله عز وجل الى عبده .
واعلم ان ربك اذا كتب لك الوظيفه سوف تاتي اليك واعلم اذا ربك لام يكتب لك وظيفه فلن تاتيك
افعل الاسباب والباقي على رب العباد ..

لالا ان شاء الله ما توصل هالمواصيل الله كريم

استغفر الله العضيم واتوب اليه يارب يسر أمرنا جميعا

أول شيء مفروض إنك ما تتحسف على الدراسة لان العلم نعمة عظيمة بعض الخلق ما عرفوا قدرها .

وهذا اللي توظف وهو ما معه إلا خامس .. الله يبارك له ويرزقه .

المهم انت اجلس مع نفسك شوي , وروق , واستغفر كثيييييييير , ورتب أفكارك شوي ..وشوي .. وأكثر من الدعاء

والجايات أحسن من الرايحات ..

وعلى فكرة أذكر نفسي وإياكم ترانا في غفلة .. يا ليت نذكر الله ونقرأ القرآن ونستغفر .

كثر من الدعاء والاستغفار وثق بالله وراح تشوف

الله يعين بس ويرزقنت من واسع فضله

انت لابد تتحرك يعني كل يوم قدم في اكثر من جهة عمل
مره بالنت ومره ترسل اوراق
وصدقني
ابدء بالتجارة لو شي بسيط