ياليتني مادرست؟

مليت ابي وظيفة · #11 (**permalink**) 19-12-2011, 02:41 AM

اقتباس:

المشاركة الأصلية كتبت بواسطة طاح الامل

ياليتني مادرست لو ربيت غنم مع جدتي والله يمكن اللحين انا بخير ياناس والله ولا قومه الصبح اللي اقومها وانا صغير اللين كملت دراستي واخترها كأني اجنبي بدون اقامه والله العضيم واحد في حارتنا معاه خامسه ابتدائي يعني باقي ماخلصت الابتدائيه وعمره مايقارب 28 سنه لايعرف يكتب ولا يعرف يقرأ توظف قبل ثلاثه شهور في وزاره الصحه بالله وش وجهه نظركم

انا ماابغى شئ انا ابغى اصرف ع اولادي والوالده واخواني

[align=center]
السلام عليكم بس بحلقي كلام وبقوله واعذرني على قوله !!

ودي اعرف انت مؤمن بالقضاء والقدر ؟؟

طيب حاسد ولد جيرانكم ليش ؟؟

انت تعرف ان الله خير الرازقين وترا لايرد القضاء الا الدعاء صدقني وضعك يهون عن وضع غيرك في ناس ماعندهم حق الاكل والشرب وفي ناس قريت والله العظيم انهم في خيمة تتخيل شكلهم انت عندك نت وجالس في بيتك وهو بخيمة

قبل تعترض على حكم الله فكر وشوف وضعك وقارنة بوضع غيرك واعرف ان الله قادر انة يرزقك
بس ماجاء رزقك الى الان خليك دايم متفائل لاتتحطم اقسم بلله كل ماجاتنا مصيبة وابتلاء حمدنا ربنا وكل ماقل رزقنا شكرناه اذكر ربك في الرخاء يذكرك في الشدة واوقات ربي يمنع رزقة لهذا الشخص عشان يختبر قوة صبرة وتحمله ويجزية خير بعد صبرة اتمنى اني ماثقلت عليك بكلامي ولاشديت فيه لاني واثقة من كل كلمة كتبتها بتكون لها مردود ودافع قوي عليك ان شاء الله

وحاول تغير اخطائك اللي بالحياة والجاء لربك وادعي وبتشوف رزقك يجي وانت ماتحس بس اهم شئ حط ثقتك في الله .....

[/align]

قمر غلى هيئة بشر · #12 (**permalink**) 19-12-2011, 07:43 PM

العلم نور
وسلاح لك على غيرك من عباده
والارزاق من العزيز الرحيم
اذا اراد لنا شي فيقول له كن فيكون سبحانه رازق خلقه اجمعين

متعوده ع الصدمات · #13 (**permalink**) 19-12-2011, 08:11 PM

طاح الامل
ربك كررريم ولاتخلي الشيطان يلعب في راسك
ومو انت اول ولا اخر واحد بنفس الوضع هذا
والحمد لله على النعمه .. وهذا اختبار وابتلاء من ربك
تحلى بالصبر والله يرزقك من وااسع فضله

موفق ان شاء الله

اكمل الفراغ · #14 (**permalink**) 19-12-2011, 08:30 PM

فيه تقديم على وزراة الصحه زي الي قدمه ولد جاركم على بند المستخدمين

ادخل على المديريه العامه لشؤون الصحيه بالمنطقه حقتك يوضفون مراسل وسائق

حتى الي مامعه شهادي (أمي ) موفق .. انت وش معك شهاااده ؟؟؟

رائد5000 · #15 (**permalink**) 20-12-2011, 12:48 AM

أحساس مترف · #16 (**permalink**) 20-12-2011, 07:16 AM

لا تتحسف إن شاء الله ربي بيرزقك

ماخليتوآ لي اسم · #17 (**permalink**) 20-12-2011, 07:45 AM

اقتباس:

المشاركة الأصلية كتبت بواسطة طاح الامل

حسبي الله ونعم الوكيل ياعمي تدري احرق الشهاده وروح بيع حشيش ومخدرات والله تعيش ملك اما تجلس كذا محد بيطالع في وجهك ولا في وجهي احنا اجانب في بلادنا والاجانب لمن يجون عندنا يعتبرون مواطنين

اعوذ بالله
الحشيش مال حرام وضرر على المسلمين
هالحشيش جاب بلاوي للناس
وكثر القتل , صار الاب يقتل اولادة وكثرت بلاوية
انتبهوا الشيطان يزين لكم المعصية
تموت جوع افضل من مال حرام .

وبالنسبة لدراستك الدراسة مهمة
لو ماتعلمت الكتابة ماعرفت تتواصل معنا وتتسلى على النت
والوظيفة ان شاء الله بتجي لاتستعجل على رزقك توكل على الله
دائما اذ تعسرت اموري ..افرح واقول الحمدلله يمكن معناة ان الفرج قرب لان مابعد العسر الا اليسر
<<فان مع العسر يسرا , ان مع العسر يسرا>>