السلام عليكم

توني جاي من مركز الرياض ، الي صار ياطويلين العمر باختصار

اننا رحنالهم بالموعد الساعه خمس ، جينا بندخل قال العسكري اصبروا لين مانناديكم

ولطعونا في سياراتنا الا 5.45 دقيقه ثم نادوا علينا ووقفنا عند البوابه وقاموا ينادون بالاسماء

الي كانوا معنا اليوم 20 الى 25 نفر ، والاغلبيه على رتبة رقيب وفيه كم وكيل رقيب

ثم قالولنا اصبروا لين يشررف الباص ، طبعا ما جا الا بعد ما ثلجنا وحنا واقفين والدم شوي ويتجمد بعروقنا << طبعا بأستثناء اصحاب الفخامه راعين الفروات

المهم وصل الباص بعد نص ساعه يعني 6 وربع

ركبنا فيه وسرينا على اكاديمية نايف الرئيسيه << مبنى الاكاديميه شكله مرعب ، لاشعوريا تحس لما تدخلها انك متهم حتى اننا لما لمحناها من بعيد خيم صمت رهيب على ركاب الباص

دخلنا لمها ومشينا في سيب ( ممر ) طووووول قريح ، بس حلو تصميمه جاي قزاز على جنبه اليسار وحركات

شد انتباهي كثرة ابو هنود في الاكاديميه وكلهم عمال نظافه ! ولاحظت شي فيهم انك لما تطالعهم ينزلون عيونهم بالارض ، الظاهر انه من كثر الخرش الي يجيهم او ومعذبينهم نفسيا

ادري شطحت واجد ، نكمل قصتنا

ثم اخذونا لكراسي انتظار ، ننتظرهم ينادون على اسمائنا ، بس صراحه قمة الاحترام الموظفين فيها

كل ما مر واحد سلم علينا شوي ويحبون يدينا حتى اننا شكينا بالموضوع

وينادون على اسمائنا ويخلون كل واحد يفضي مخابيه على الطاوله ويعطونه علبه صغيره يعبيها بالي تخبرون لما يدخل الحمام

انتبهوا لازم اكثر من نص العلبه ولا بيقولون لك اعصر نفسك مثل بعض ناس وهو يقول مافيني ههههههههههههههه

بعد ماخلصنا كلنا قشونا بالباص ورحنا للأدله الجنائيه ، نسيت اقول ان الطريق للاكاديمية اخذ بحدود الساعه ، ونفس الشي من الاكاديمية للجنائية هذا ان ماخاب ضني

دخلنا صفينا طابور وزعوا علينا استمارة البصمات وفيه معلوماتنا جاهزه مع الصوره الشخصيه الي عطيتهم

ونمر على جنود وهم يمسكون يدينا ويحطونها بالحبر ويبصمون وحنا نتفرج بلا حول ولا قوة

خلصنا منها وركبنا الباص وعطونا موعد بكرة للفحص في مستشفى قوى الامن

نقاط مهمه توي اذكرها واختم فيها

-الشعر ماطقوله خبر ، ياخسارة العشرت اريل بس واللوك الي راح

-الاوراق الناقصه ماتكلموا عنها نهائيا

-كل مجموعه موعدها حق الفحص بعد يوم من الموعد المحدد

- استغرقت الرحله 4 ساعات

وسلامتكم وايضا دعواتكم وتقييماتكم يا اكارم

عساك مقبول اخوي والجميع انشا الله

عندي نقاط ياليت توضحها هههههه

الاكادميه قصدك الي على طريق الدمام !! ولا مركز التدريب حق الحاير

ثانيا .. قصدك بول ومن قرى بكرامه ولا غيار زيت ههههههههههه

وحضورك بزي رياضه ولا رسمي ..!

وشكرآآ ,

على اواه

اخوي انت اول مارحت لمركز الحاير الى سوينا فية المقابلة الشخصية

ولا رحت على طول اكادمية الامير نايف الى ورا استاذ الملك فهد ؟؟

والله يوفقك

موفق بإذن الله ... لك مني أجمل تحية .