بسم الله ..
بدخل على طول في الموضوع ..
مع العلم انني موظفة في القطاع الخاص في احد المعاهد الأهلية ..
بدوام جزئي .. (( والراتب بخس جدا - الغرض الخبرة )
القصة ومافيها أصبحت تبدلات طويلة عريضة في الإدارة ..ومن حسن حظنا .. طحنا على مديرة لاخبرة ولاعلم سابق ..
المهم : نظرا لكفائتي وخبرتي في مجال الوظيفة على حد قول المديرة تم تكليفي بوقت خارج الدوام الرسمي بالإشراف بدون عائد يذكر (( بالمجان )) ..
رفضت بشرط أن يكون هناك راتب إضافي لكل ساعة إضافية ...
النتيجة : المديرة عديمة الخبرة في مجال الإدارة نكش راسها وعصبت من ردي .. وطلبي بالرغم من انه من حقي .. واقل رد قالته انا المديرة وانا اللي أقرر تداومي دوام إضافي أو مخصوم منك الأيام اللي تجاوزت عنك فيها ((تحلم )) ((( من جد وش تحس فيه ... )) ..مع العلم أنه لايوجد تجاوز عن محاسبتي لأي يوم بل أخطاء من جهتها في إنزال الراتب ناقص وتم تعويضها ..

كل هذا مو مهم ...

أنا ودي أحسن نيتي تجاهها .. واعتبر نفسي مافهمت معنى تكليف ؟
شنو تقصد بالتكليف ؟
يعني تتقطع قطعة قطعة لتسوي اللي وده مديرك بدون مقابل وإلا كيف ؟

نعم اختي

التكليف هو اعطائك مهمة من مهمات العمل عادة تكون خارج الدوام بدون مقابل
او على حسب الاتفاق
والله يصبرك على هالمصيبة

من جد وش تحس فيه / يا اختي هذي المديره وجهه قوي في القطاع الخاص وراتب قليل وبعد لها وجه تقولك بكلفك لاتسمعي كلامها وبينكم عقد وظيفي واي ساعات اضافيه خارج الدوام الرسمي يحسب لك على كل ساعه مبلغ طبعن الحسبه حقت المبلغ الاضافي تعتمد على طريقه حسابيه من راتبك الاساسي والبدلات ..
والتكليف يعتبر عمل اضافي مع نفس الدوام اللي انتي فيه اذا كان داخل الدوام الرسمي وفيه تكليف خارج الدوام الرسمي
طبعن التكليف في الدوام الرسمي تقدري تعترضي عليه وتطلبي زياده على الراتب مو مثل اللي تشتغل اقل منك وتاخذ نفس الراتب
والتكليف اللي خارج الدوام الرسمي تاخذي على كل ساعه اضافي مثل ماهو مسجل في العقد.

وفيه وظايف تفتح النفس حتى المدير اذا اخلاقه حلوه لو يكلفني في عمل ثاني وانا قادر عليه بخدمه في عيوني بس هذي باسلوب المديره حقتك قوليلها كل شي بحقه ,,
اتمنى لك التوفيق

للأخ نايف المالكي ..
مشكور على ماتقدمت به من إفادة ..
لكن وتحسبا للمواجهات في المستقبل مع الإمعات ..
أود الحصول على رقم البند في نظام العمل والعمال الذي يدلي مايسمى بعنصر " التكليف " ...
لاهنت ..

أكيد المديرة بتعصب و ينكش راسها (على قولتك) , يعني مع السابقه كنتي تعرفين التكليف والحين نسيتي , هي ايش ناقصها عن الباقين ؟؟ أنتي كنتي راضيه وش غيرك ؟؟ وبعدين هو كذا النظام في المزرعه كل مدير سواء كانت إمراة او ( ذكر ) , سبحان الله يحس إنه من واجبه يسوي كذا لازم يستغلك حتى تثبت له أولاً : الجديَه(خضوع) ثانياً : الطموح(خضوع بلس)
وتتكلمون عن نظام عمل وعمال وعن بند مدري وش , وانتم بالمزاج إذا اخلاقه حلوه ممكن واذا لا ..
تدرين تخيليها وحده أميره طويلة عمر وأجل .. وراح تضبط معك

(المؤامرة مستمرة)


انا بصراحة شايف ردودك على اغلب المواضيع ماهي لايقه بصراحة الاخت جات وتستفسر مو من حقك او حق اي شخص اخر يرد عليها بجلف وتكبر وكلام بايخ

اسمحي لي ان اقول لك لاتدخلي المنتدي وانتي متضايقة من مشاكلك وتسوين اسقاطاتك النفسية هنااا ...