نفسي انفذ فكره هالمشروع بس المجموعه كيف تتكون بالعربي ماااااااااعرف حد من حارتنا

بالنسبة للدراسة كلفتني (2000) ريال طبعاً بعد الطلبة لأني سمعت مستشاريين ياخذون أكثر والله يوفقه
وبالنسبة للمشروع دوري في الحي بنات يفهمون بالطبخ وأتفقوا وقبل الإتفاق ضعي شروط وبنود للمشروع حتى لا تقعن في مشاكل الشراكة
وإذا ما لقيتي بالحي شوفي صديقاتك وجدي بالموضوع حتى تنجحي موفقه إن شاء الله
وإذا اتصعبتي شي راسليني وأنا بأسوي اللي أقدر علية وراح نساعدك بالنصيحة

اختي ......... سحر العيون

الله يوفقك ...ترى الفكره بالحيل ممتازه ...ومربحه .....وماتحتاج تكاليف كثيره !
وهذا اقتباس لأخت معنا بالمنتدى وهذا كان ردي لها

اقتباس:

المشاركة الأصلية كتبت بواسطة بلاقيود اختي ....دموع حزينه ....وان شاء الله تصير دموع فرح.... ااكد لك بأنه مشروع راح يحصل على نجاح كبير بإذن الله المهم يتم التوزيع كلآً على حسب ماتتميز به وذلك بعد اجتماعات بينكم لتحديدها وقد يكون العمل كلآً في منزلها على حسب طلب العميله ويتم جمعها وتوصيلها للعميله ..... وحددوا التالي بينكم حتى تكون لى العميله عدة خيارت ...فمثلاً أ/ تجيد الأكلات الشعبيه ب/تجيد الحلويات ج/تجيد المقبلات والسلاطات د/تجيد المشاوي د/تجيد الأسماك والربيان (المأكولات البحريه) هـ/الإدامات و/المعجنات ز/ الأرز والمكرونات ح/ إذا وجد بينكم من تجيد بعض الأصناف لدول شرق اسيا( الصيني *الأندونيسي*الهندي*البخاري) اعملوا قائمه مرتبه (منيو) ووضحوا فيها الأسعار +رقم جوال وثابت ووزعزها في البدايه على المعلمات والأقارب وتمنياتي لكم بالتوفيق .

مشكووووووووره يالغالية وأتمنى أي نتعاون جميعاً لأنجاح هذا المشروع بطرقة عرض النصائح لمن تريد القيام به

طيب حنا لو فرضنا قسمنا الاعمال ..
المقضيات والشياء الي بنشتريها كيف نوفر دفعها كيف بيكون التقسيم يعني ؟
وهل بيكون بنسبه لانه احيانا نااس يكون الطلب عليها اكثر ؟؟

حبيبتي بالنسبة لتقسيم الأعمال بيكون حسب شطارة كل وحدة بالقسم اللي تبيه
وأما بالنسبة لرأس المال لا يتطلب الكثير في بداية المشروع فلو كنتوا مثلأً 6 وكل وحدة تدفع 500 يعني 3000 آلاف وتجيبوا الأغراض المطلوبة وراح تكفي وزيادة كمان بعدين تتطوروا شوي شوي (أكل الفص فص حبه حبه)
وبالنسبة للتقسيم زي ما قلت أفضل لو تجمعونها عشان تفتحون مطعم وأيضاً تحسون بلذت تعبكم لأنكم لو صرفتوها بشكل مستمر ما كأنكم سويتوا شي وللأمانة كل وحده تاخذ على قد تعبها وأنتوا اتفقوا

ولو التوزيع يكون لمطاعم حلو بعد مثل بعض المقبلات

فكرة حلوه إذا كنتي مبدعة وترين أنا المطعم سيتعاون معك فهذا شي رائع
الله يوفقك

والله يا سحورة الفكرة ممتازة ... كانت تراودني من زمان ...

وسويت دراسة مبدئية لها .. لكن الا الآن ما اكتملت الصورة عندي ...

انا مهتمة بتجربتك ...

وشاكرة لك طرحك للفكرة ..