08-05-2012, 11:09 PM
|
 |
عضو سوبر
|
|
تاريخ التسجيل: Jan 2012
المشاركات: 446
معدل تقييم المستوى: 129647
|
|
اقتباس:
المشاركة الأصلية كتبت بواسطة تلميذ الباشا
عميد اعلامي وش اخبارك عساك طيب
ودي ياعميد اسئلك اسئلة:
اولها ليش تفضل برنامج الابتعاث على الاعادة مع أن الاعادة تضمن وضيفتك ؟
ثانيها لوقبلت ان شاء الله في برنامج الملك وش البلد ألي ودك تبتعث فيه؟
وبالتوفيك.
|
ياهلا ومسهلا .. انا بخير دامك بخير ...
اسباب تفضيل البرنامج على المعيديه :
اول شي انا ماصدقت على الله اطلع من الجامعه .. (ام الفقر) وقبل فتره اعلنو عن توفر كرسي لمعيد واحد فقط لاغير وقدمو عليه اكثر من 100 شخص .. واختبارات .. واتواقيع وعقود وام القلق .. وهذا وهم باقي ماعطوك وضعك .. وبين كل فتره وفتره ترسل لهم تقارير .. ويتابعون وضعك كل فتره ...قروووووشه... المهم برنامج الملك عبدالله يرسلونك تدرس وتخلص وترجع واذا تبي تكمل دكتوراه تطلب منهم وبتجيك الموافقه ... وانت دور على رزقك ولا قلق ولاقروشه ولاعقود وتعهدات ومتابعه وتاخذ 7 سنوات زي الحلوين برى ..ومدري وش..
برجع من برى ومعي شهاده .. وبعرف اسوق لنفسي مضبوط .. لاتخاف علي .. وانت تبون الصدق والله العظيم ان ابي البعثه باي شكل واني ابي الماستر ومافوقه لكن الضروف العائليه تحدني من ذا الشي
باختصار .... الله الغني عنهم وعن المعيديه حقتهم ..
وبالنسبه للبلد زملاي طلعو : كندا وامريكا .... اما بريطانيا وهي اللي ابيها(نظااااااااااااااااام) .. للاسف شادين على الوضع شوي من عندنا طبعا ... وسمعت انهم قفلو بابها .. وفكرة الدراسه داخل السعوديه .. او في العالم العربي لا لالا شايلها من راسي ..
واعذرني تاخرت في الرد
التعديل الأخير تم بواسطة عميد إعلامي ; 08-05-2012 الساعة 11:22 PM
|
العرض العادي
