06-02-2012, 02:36 AM
|
 |
عضو مهم
|
|
تاريخ التسجيل: Jul 2011
المشاركات: 249
معدل تقييم المستوى: 78853
|
|
اقتباس:
المشاركة الأصلية كتبت بواسطة عميد أول ركن
سلام عليكم شباب
توي جاي من الجامعة
الله يهديهم مواد اخر ترم حطينها مسائية
----
بغيت اسأل شباب عن وزارة الدفاع كيف وضعها
والنسبة للي تخصصة كيمياء فين يحطونه بأي قطاع
وهل تقديمها مثل ماقدمنا ايام الثانوي تختار الكلية اللي تبي
وعطونا هيك معلومات
|
هلا ومسهلا يالله حيه اخوي عميد ركن
شوف ياعميد اختلاف الراي والراي الاخر لا يفسد في الود قضية ... صح
انا عندي اخوي متخرج الدفعة الى راحت من وزارة الدفاع , المهم يسب ويشتم الساعة الى دخل فيها وزارة الدفاع , ليه , وراه ,,,, انا اقولك ليه اول شي : تعين في السفن , ثم دبرنا له واسطه ننقله من السفن للتموين , ثم يوم نقلناه ومابقي احد الا وكلمناه له لدرجة ان اننا كلمنا قائد القوات البحرية عشان ينقله للتموين , يوم تعين قالوا ... توكم هذا اصلا تعين دورة تأسيسة للتموين وفيه تعين نهائي ؟ يعني بالله عليك هذا حاله او انك تفكر تعيش مثلهم ..!
الزبده شف الحين متقروش ويقول بعينوني تعيين نهائي يا في اسطول جده (الغربي) او يمكن يعينوني في جازان والظاهر توهم فاتحين قاعدة جازان ,وانسى انك تفكر ان ضابط وزارة الداخلية مثل الضابط الى بوزارة الدفاع ...فيه اختلااااف كبير في التعين وفي المكانه الاجتماعية وفي الوجاهه بين الناس وفي كل شي وانا اعطيك الدليل ,, اول شي وزارة الدفاع تعتمد على قاعدات , بينما وزارة الداخلية مراكزهم معروفهم وهي (اقسام مثل الشرطة , دفاع مدني , جوازات وغيرها من هالقطاعات , اما بالنسبة وزراة الدفاع بتجي تدخل دورة تأهيل ضابط الجامعيين على ما اظن في معهد المشاة بخميس مشيط او تبوك وحده من هالثنتين , ثم اذا قعدت 9شهور وانت للحين تراك ما حدد نوع قطاعك, لبسوك بدلتك وقالولك مبررروك التخرج وتم تعيينك في سلاح المهندسين بالقوات البرية بحفر الباطن او غيره, لو عينوك بالقوات الجوية وحطوك باقاعدة الملك خالد بجازان , ولله هنا بتطفشش وتهكره الساعة الى قدمت على وزارة الدفاع .. عموما : هذا نصيحتي ان اخذتها كأن بها , وان مااخذتها انت حر ...
وقبل لا انهى كلامي الى دخل اخوي البحرية يقولي انت بس تخرج من الجامعة وادخلك البحرية واسعى في تعيينك انه يكون في البحرية , لكن انا رفضت وقلت اذا ما جت الامنية ولا بسلامتهم..وهذا الموضوع كنت متكلم عنه انا واخوي موب يوم ولا شهر سنين وحنا نتكلم عن القبول الجامعيين وكيف وضعهم ووكيف تعينهم : يقول الضباط الى عندنا جامعيين هم الوحيدين الى يتعسكرون معنا في الكلية ومساكين متجحلطين , يباركون له ثم يقلون له انت حرس حدود هذا طبعا زي من ( الى هم تخصص إعلام , انجليزي وغيرها من الاقسام الادبيه ) اما الاقسام العليمة اذا صار مهندس ( يحطونه في السفن , ويالله يعينك تبحر السفينة على اسبوعين , 3 , 4 اسابيع عادي الامر طبيعي ولا كانه صار شي .. الا ياحبيبي وزراة الدفاع انحش عنها ولا تقربها ان ما حصل الحرس الوطني , او الداخلية هم الى معروفه اماكنهم وتعييناتهم ,,, بالتوفيق للجميع
واسف ع الاطاله .. واتمنى اني افدتك بالموضوع .. تقبل تحياتي
|
العرض العادي
