[align=center]شباب مثل ماوعدتكم

بـ المعلومات

تفلضوا


السلام عليكم رحمة الله وبركاته
يا اخووااان المقابله سهله اهم شي
توقف بحترام كنك عسكري
ورفع الصوت
اغلب الاسئله ؟؟؟
النشيد الوطني
سورة الناس
ما هو الاحسان وشرطه
هل يجوز قتل المعاهد الاجابه لا طيب الدليل ؟
انت في طريق سفر ويوم جمعه هل تصلي الجمعه ظهر ام ماذا وهل تجمع العصر مع الجمعه ؟ الاجابه ما تجمعها بل تصليها كلن في وقتها ....هذا حكم خاص في يوم الجمعه وطبعا تقصر
كم جز القران وكم حزب وواطول سوره واطول اية
الامور الارهابي خذ عنها خلفيه لابد يجيك شي
---



السلام عليكم الحمدلله اليوم خلصت طبي 2
عاد مايحتاج اشرحلكم ركوب الباصات وغيرة لان الشباب ماقصروا
حقولكم ايش صار معي في المقابله 1 طبعا هذي المقابله هي المهمه يعني هي الي عليه العلم تقولون لي ليش
لان الي يقابلون معك لاتقل رتبهم عن عميد او عقيد ويكون بجانبه واحد مدني اعتقد انه دكتور جامعي او عضو في لجنة المناصحه لكن ياجماعه الرجال عنده علم شرعي بشكل ماتتخيلون . المهم
دخلت عليهم بعد ماسلموني استماره مكتوب فيها الطول والتخصص ومخارج الحروف والجرئه والمعرف وتناسق الجسم علويه واسفله
طبعا دخلت عليهم وبعد السلام طلب مني ان اقف ثابت ثم ارفع يديني للاعلى ثم على الجنب طبعا كل هذا من شان يشوف تناسق جسمك ثم طلب مني ان اخذ ورقه وان اقراها بسرعه (من شان يشوف كيفك مع مخارج الحروف) كان مكتوب في هالورقه عن دور امام المسجد في التصدي للجريمة قبل وقوعها ؟

مقابله 2 اعتقد انها مو مهمه لان اللي يقابلون كلهم اعلى واحد رتبته نقيب طبعا قبل ماتدخل عليه تسلم استمارة
تكتب فيها = الجرائد التي تقراها ؟
= هل سافرت الى الخارج ؟ والى اين؟
= والقنوات التلفزيونيه المفضلة؟
= القنوات التلفزيونيه الغير مفضلة؟
=ماهو القطاع الذي ترغب به عند التعين؟
= ماهي المدينه التي ترغب التعيين بها ؟
طبعا دخلت للنقيب للمقابله سالني عن النشيد الوطني وعن اركان الصلاة وعن شروط لااله الاالله؟
ثم السيراو الياقه وما ادراك ماللياقه
اختبار اللياقه ياجماعه سهل بشكل ماتتخيلون طبعا بديت انا بسرعة 11 السرعه هاذي ياشباب لاتتخيلونها ركض وتعب ولازم تمسك الحديدة و.....و.... وكلام فاضي السرعه هاذي هروله مش جري ولاركض يعني الي يهرول منكم 500 متر هذى لياقته ممتازه على السير وعلى السرعه 11
انا كنت اهرول 800 واتعب وحالتي حاله وكنت شايل هم والحمدلله الامور تساهيل
الي ابغى اوصله لكم انكم ماتشيلون هم شي ابدا
لكن احذرواثم احذروا ثم احذروا انكم تتكلمون في المقابله 1 عن شي ماتعرفون معلومات عنه بمعنى جاوب على قد السؤال ولاتتفلسف كثير تراه يحرجوووونك بالاسئله لين تتعب
طبعا كل الاسئله الي عندهم تتعلق بالارهاب لكنها اسئله غير مباشرة عاد انت وشطارتك بالكلام وتنظيم المعلومه
بمعنى لاتخلو اجابتك عن ايه قرانيه او حديث نبوي مثل
قوله تعالى (واطيعوا الله والرسول واولي الامر منكم )
وقوله صلى الله عليه وسلم ( من قتل معاهدا لم يرح رائحة الجنة)
-------





أخواني الله ييسر أمورنا يارب ولا يضيع تعبنا يا الله يا كريم تحقق أحلامنا يارب

أخواني المقابلة الثانية في ضابط رائد مطوع انا طفشني العام أسئلته ماتتغير س1/ من هوا رئيس دولة إيران
س2/ أقرء التشهد س3/ اذكر اركان الصلاة س4/ النشيد الوطني .

أسئلته سهله بس أسلوبه يخلي الواحد يضيع ويتلخبط انا لخبط في التشهد من أسلوبه وقعد يوترني يقلي انتا ماتصلي .

المهم ركزوا معه وحبيت أحطكم بصورة

يارب ياكريم تيسر أمورنا في القبول النهائي
------


لزبدة المزبدة ياطويل العمر

( ابعد عن الخوف والتوتر الامور سهلة جدا اخذها تمشية انا كنت مكبر الموضوع وشايل همة
وتفاجئت ان الموضوع سهل جدا ترى الواحد اللي يخاف ويدقق بالامور ترى مايمشي )

ولد خالي معي في الكشف الطبي في نفس اليوم ونفس مجموعتي ومعه دوالي ولادرى عنها الدكتور وعدى الحمد لله

واسئل الله لك التوفيق وان تتيسر امورك وان شاء الله انك من المقبولين نهائي

ولاتخاف والله الكشف الطبي سهل جدا

اذا قصدك خايف من العملية ماتوقع يقولك شي لانك الحين خلاص مسوي العملية وانت الان سليم مافيك شي

مثلك مثل اي واحد

ولاتنسى تطمنا على كشوفاتك .. الله يوفقك
------


ولله الفضل والحمد في داخلي هدوء راسخ وإيمان بأن رزقي مكتوب من يوم انا في بطن امي

يعني القلق والخوف والتوتر لايزيد ولاينقص من الامر شيء رفعت الاقلام وجفت الصحف من سنوات كثيره

اللي ربي كاتب له القبول راح تتيسر امور وينقبل مهما كان فيه من مشاكل

والله العظيم واحد من الشباب الان ضابط كان ايام التقديم مستبعد قبوله لان اصبع السبابه مقطوع فيه الانمله

يعني مافيه اظفر ,, لاكن عدى والان ملازم اول

أسأل الله بمنه وكرمه انه اذا كان لي خير في الكلية الامنيه ان ييسرها بأسهل الاسباب

وأن كان فيها شر لي فـ يارب ابعدها عني بأسهل الاسباب ,, واكتب لي الخير اينما كان انا وجميع زملائي يارب
[/align]

[align=center]
صراحه انا احب الناس اللي تبشر ماتنفر

فـ نبغى نبدا حملة بشروا ولاتنفروا

كل واحد يبشر المتخوفين والقلقين والا يسكت لان الرزق بيد الله سبحانه

ولد خالي ضابط ( من فمه الى اذني ) قال قسم بالله ان الامور سهله بشكل ماتتصور

وكل واحد تلاقي عنده مشكله بسيطه ويعدي واعرف كثير

اللي اسنانه مندمره وعدى ,, واللي فيه دوالي وعدى ,, واللي فيه عمليه وعدى ,,, واللي فيه لحميه وعدى

واللي لخبط في المقابله الشخصية وعدى ,, واللي ثارت الشكوك حوله انه راعي شراب وحبوب لان واحد من

الشباب كانت عيونه حمراء وشكوا فيه لاكنه عدى


ويقول كلهم انقبلوا نهائي شفناهم في الكلية وزملاء لنا الان

وكم من واحد وهم كثير تلاقيه كل شيء تمام طول + معدل + قياس + كل شيء تمام وتلاقيه في المقابله يقول ابدعت ,, وماينقبل نهائي

فـ المسألة قبل كل شيء مسألة رزق ونصيب

لذلك ياشباب كل واحد لازم يقوي ايمانه وثقته بربه وراح تعدي الامور واللي له رزق بياخذه واللي ماله راح يحصل رزقه بمكان اخر اجمل وافضل

تحيتي لكم [/align]

حياك الله يامهندس صالح

لا الشخص اللي اتكلم عنه من طلبة دبلوم 39 او 38 ناسي والله

حاليا ضابط اتوقع وصل ننقيب لاني من زمان عنه

كان يجمعني فيه واحد من خوياي بس انه انقبل في البعثه والان يدرس في اروبا

وانقطعت عن الضابط ذا

عميد أول ركن
كلام لا تعليق
10 على 10
أهنيك على ثقتك بالله ثم بنفسك , وروعة أسلوبك الجميل
..تقبل تحياتي..

[align=center]الله يسلمك ياليق وبالتوفيق لك ياوحش

شباب هذي مشاركة مميزه لشخص ما ادري من هو ( الله يوفقه )

ياشباب ترى الكشف الطبي سهالات بعد مرحلة الطول والوزن وتقديم الاوراق تاتي مرحلة الكشف الطبي ومقابلة شخصية واحد ومقابلة شخصية اثنين :-

الكشف الطبي اول شيء تمر على عيادة العيون وترى اللي يمديه يسوي عمليه الان ماعنده مشكلة لانهم يدققون واجد ، يعني عملية الليزك ربع ساعة بعدها بيومين او ثلاث ايام وضعك اوكي في نفس عيادة العيون يسوون لك اختبار عماء الالون والأرقام سهله جدا يعني واضحه .

بعدين الطبيب النفسي /- يسالك هل هل هل طبعا كل الإجابات تكون لا لا لانه يسالك هل استخدمت مخدرات وو الخ

بعدين طال عمرك عيادة الاسنان يقول خلني اشوف سنونك ويشوف المقدمة حقت الاسنان يعني فرشي اسنانك كويس وخلها تلمع انا والله كانت اسناني لك عليها من جوى بس من برى اوكي

بعدين تنتقل لمرحلة عيادة الانف والإذن والحنجرة ولافيه تدقيق يمكن الا على الاذان يقولوك مثلا فيه شمع لازم تشيله انا قالي فيه شمعه بالاذان وقال يستحسن تشيله قال خلاص ويختم ولائق .

عاد اخر شيء الله يعينكم تفصخون كلكم يعني سروال الصغير بس هههههههههه يعني لاحد يلبس الضاغط البس القطن واكبر مقاس لان فيه ناس تعال اضحك عليهم ههههه تصفون سرى وتدخلون على الدكتور يقولك وانت ماشي نزل السروال يشوف يتأكد يمكن 5 ثواني ويقولك البس . يعني من جد احراج هههههههههههه بس فله .

بعد مايعطونك الاوكي خلاص تاخذ ورقة انك ماشي تمام بعدين يسحبون منك دم وبول ودم بكرامه بس فيه عصيرات وحركات .

بعدين تروحون لمركز الامير محمد بن نايف الصحي عشان يصورون اجسامكم كلها يشيكون يشوفون فيكم كسور لاسمح الله شيء حاجة .

يعني الأمور كلها ميسرة يا اخوان خلوها على ربكم وان شاء الله بتتسهل ولاحد يحط نفسه انه مقبول دائم كلها ارزاق ونصيب لاتقولي لامعدل ولاطول حسب الاحتياج .

ينصح خلال فترة الكشف الطبي :-

1- النوم جيدا ويفضل النوم بالليل وان يقوم الواحد الساعة 7 صباحا نصيحة لوجه الله لاحد يجي مواصل ترى بتنحاس امورك كلها وبتتشتت افكارك وتركيزك .
2- الإكثار من شرب المياه عشان تنظف جسمك وتسلك مجاري البول اذا كان عندك التهابات لاسمح الله ويفضل عند القيام من النوم .
3- اكل اشياء فيها فائدة للجسم والابتعاد عن المشروبات الغازية والكافي وغيرها والإكثار من العصيرات الطبيعية يعني الله لايهينكم كوكتيل من ماما نورة ههههههههههههه ويفضل اكل الفواكه وخاصتن التين تراه كويس عشان يقوي عندك فيتامين د يعني اللي فيه نقص دم .
4- المشي ولو لفترة بسيطة لانك بتهلك وقت الجري انا العب كورة بس ما اتوقعت اني اتعب زي كذا لان تلف على الملعب مرتين ووقتها كان حار شديد والله يستر من السنة هاذي شكله بزيادة .
5- التقليل من الدخان مع انك تحرقه يوم تمشي ولو تركض بيكون افضل تعود على الجري ونصيحة عشان اللياقة اذا اختبرت لاتجري بسرعه في اول شيء لانك بتتعب في النهاية حاول تمشي تدريجيا بعدين اخر لفة شد على نفسك .

وأي استفسار نحن في خدمتكم وبالتوفيق واسئل الله لنا ولكم التوفيق يا اخوان وتراها في النهاية أرزاق كل واحد بياخذ نصيبه يعني لاتقول ليش ماقبلوني حتى لو عديت بكل شيء دائم قل الحمدلله الحمدلله الحمدلله ماتدري يمكن خيره لك



[/align]

عميد انت ماقبلوك الله يعوضك خير
ممكن اسألك كم سؤال
وشو تخصصك وكم معدلك
انا تخصصي حاسب الي ومعدلي 2.92
هل تخصص الحاسب يحتاجونه كثير

عميد سوري احسب الرساله انت اللي كاتبها مادريت انك ناقلها عن شخص
الله يوفقك