السلام عليكم ورحمة الله وبركاته

صباح /// مساء الخير للجميع

طبعاً الموضوع للفائدة وللتسلية ولتوسعة الصدر

اتمنى من كل اصحاب الليموزينات يعطونا بعض مما يمر عليهم مع الركاب والزبائن

خلال تجوالهم بالأحياء

وابدأ انا طبعاً بحكم ان لدي ليموزين


راح اذكر اطرف موقف وهو انه وقفتني حرمة كبيرة بالسن معها اولادها اثنين وتبدو سودانية

يبدو عليها انها شحاذه
المهم مالكم بالطويلة

قالت ابي الفيصلية

طبعاً انا كنت بالنسيم

قلت لها للفيصلية اوديك ب30 ريال
قالت ب25 ريال
قلت لها يالله تفضلي
المهم طول الطريق وولدها اللي عمره ثلاث سنين يلمس شعري ويلمس ثوبي

قلت لها عقلي ولدك يا اختي

المهم طول الطريق وانا افكر وش تبي هالحرمه من الفيصلية المكان الراقي الا انها تشحذ

وقبل اوصل الفيصلية بشوي
قلت لها تبين اطلع مع شارع العليا او الملك فهد

قالت يا اخوي انا ابي الفيصلية مخرج 17


قلت لها وليش ماتكلمتي طول الطريق
قالت انا ما اعرف الطريق وانت ماتكلمت

قلت الله يخليك انا حي الفيصليه وخنشليله وغبيرا ومنفوحه ما اروح لها نهائياً وتكفين انزلي وببلاش وطبعاً المكان اللي نزلتها فيه اقرب لها من المكان اللي اخذتها منه

وبهذا اكون دقيت مشواااااااااار طويل وبدون فائدة بسبة عدم الفهم والتأكد من الزبون

اتمنى من الاخوان اصحاب الليموزينات يعطونا بعض مما شاهدوا

وفيه قصة قوية مع امرأة سوف اذكرها لاحقاً اذا شفت فيه تفاعل

اخوووي القصص هذي من تأليفك يعني انت سواق ليموزين ...

وعليكم السلام ورحمة الله


والله يااني ضحكت على القصة



بس من وين نجيب لك موااقف الا اذا في احد مثل عملك
بانتظار الموقف الثاني

فيلسوف المشاعر ///نعم انا عندي ليموزين

ليه ماتوظفت /// اذا انتي ركبتي ليموزين ممكن تقصين علينا قصة او احد من اصحاب الليموزينات

كان فيه حرمه معها اولادها كثير وبناتها ( يعني امتلأت السيارة بالكامل منهم )
قالت تبي سوق حجاب بالنسيم
وطبعاً المشوار يستاهل 10 ريال
قمت وقلت لها 5 ريال

المهم ركبت معي العائلة الكريمة كل ابوهم
وفي منتصف الطريق جاها اتصال من احد صديقاتها انها تبي تسير عليهم

قالت لي يامحمد رجعنا ماعاد نبي نروح
قلت لها طيب ياخاله انا ابي حق المشوار
قالت نعطيك حقك لاتخاف
هذا انت سعودي تقول كذا
قلت لها انا اترزق الله

المهم رجعتها وعند الباب وتعطيني 4 ريالات وقالت هذولي اربع ريالات

قلت لها خليهم لك وامشي واخليها ( صراحه رفعت ضغطي )

^
تصدق بس لا تزعل اكره اللمزين السعودي

تدري ليش


لان واحد منهم سرق مني

جهازين سوني فايو لاب تب

حقي وحق ولد عمي في المطار


وكانت الرحله دوليه

والله مانسها 14الف ريال سعودي


هذي سواليفكم ركبت معي حرمه


ثقافه رخيصه << اسمحلي


كل العذر لصاحب الموضوع

اعتذر عن الرد لاي رد يريد نحي الموضوع الى منحى اخر

(تهجم - تصفية حسابات - قبلية - وغيرها )

ان لم يعجبك الموضوع لاترد عليه فربما يعجب غيرك

^
انت تبي قصص واقعيه
وهي حصلت لي في شهر 3 مارس 2007

القهر الرحله مابقى عليها شي تخيل بلغت في المطار ولا اعرف عن الجهاز اي شي
الى يومك

انا من ناحيت احرف الموضوع لا ما اقصد احرف بل حقيقه وانا المتضرر

هذا الجهازين كانت هديه من الوالد الله يطول بعمره




ماقصد اسيئ لك او لاي شخص يطلب الرزق

اخوووي فتحت موضوع تحمل كل شي !!!

رد عليه ...

إإيه ههههه أنا ركبت ثلاث مرات

مره لحالي كنت أدرس بمعهد الصباح وكنت تعبانه ذاك اليوم
وتصلت على سواقنا قالي بعيد كان يودي أختي الجامعة

ودقيت على أبوي كان مدري وين وأخوي وكلهم قلت لهم الحين تجون هههههه

وما صبرت لين يجون كنت أبي أروح البيت بأي طريقه

طلعت برى المعهد ووقفت إلا لموزين وأركب ههههههههههه ما أنسى الموقف بحياتي

قلت له أبي كيس قال وشوو قلت كيس قال ما عندي

وأكب كل إلي بشنطتني وأجلس أستفرغ بشنطتي هههههه
ويوقف على جنب لين خلصت استفراغ ههههه