انا اذكر مره وحده ركبت ليموزين مع شايب طبعا اخوي معاي عمره 19

المهم مشغل قرأن والسياره هدوء اخوي نااام وانا وقتها بغيت اموت من الفجعه

ادق اخوي من الجهه الثانيه ابغاه يصحا ولا حياة لمن تنادي والشايب ماسك خط ويفكر هههههه

لين وصلت قريب السوق وبعده كان معهدي جا يكلم اخوي يبي يتوصف وشوي والا يضربه ع رجله

وقام حضرته ومسوي بعد انه مانام بعد ما تقطع قلبي سبعين وصله من الخوف وبعدها حرمت اركب

لو ان شاء الله اتأخر عن دوامي عادي ههههههه


انا بالنسبة لي ما احب اركب حتى مع سواقين الباص ايام الدراسه

و حتى سائق خصوصي برضواخوي معي .. ,,

راح أذكر موقف صار لقرايبي
طبعا هم 4بنات معهم اخوهم وامهم ماشاء الله
المهم ركبوا التاكسي وماكأنه سعوودي المهم البنات مع اخوهم
في جدااااااااااااااااال عن حقووق المرأة وحقوق الرجل وشايلين السيارة
شيييل راح صاحب التاكسي وشغل شريط الجبيلان عشرين في عشرين الوجه
اللي يتكلم عن حقوق الرجل على المرأة وهنا الكل التزم الصممممت وانصدمووا
ههههههههههه

اشكر الجميع على التفاعل بارك الله فيكم

استاذ قاصر الشر


لا تفضح سائقو اللموزين

قبل اسبوع كنت امشي بشارع المعارض والا حرمه متجمعين حولها شباب ومتنرفزه
وتأشر
المهم وقفت لها وتقول لي ودني الشرطه
قلت لها وشفيك وش اللي صاير
قالت واحد ضحك علي وعدني بوظيفة وركبت معه وفجأه معه مجموعة شباب وسرقوا منها لابتوب وجوالين

قلت لها كيف تطلعين معهم انتي مغفله
قالت اللي صار صار
المهم قلت لها تبيني اوديك الشرطه او عند اهلك

قالت لا ودني لاهلي
المهم وديتها لاهلها وسامحتها بالحساب


هذي القصة عبره للبنات

انا اذكر اني كنت اشل عبريه ( اتكس ) قبل 8 سنوات ..
ومره من المرات ركب معي واحد واضح انه سوري او لبناني
بس لابس ثوب وحاط فازلين على راسه ..
المهم كان ساكت إللين وصلنا نص المسافة واللتفت علي
وقام يسولف علي
يقولي انه انضرب برصاص ولا قدر يروح المستشفى
وانه فداء للسعودية وانه فداء للأمير نايف
وقام يسب حكام خليجيين وحكام عرب
اخر شي قام يبكي ..

انا والله ما ادري وش السالفة لانه ضيعني بكثر سواليفه ويطلع من سالفه ويدخل في سالفه
الزبده وصلته .. وسامحته بالحساب ( دريت انه مريض نفسي )

مشكور اخوي عبدالعزيز على الاضافة

السلام عليكم ورحمه الله وبركاته
بقولكم قصه صارت مع واحد اعرفه كداد يقول مركب معاي مصاريه يبون الرياض المهم يقول حنا ماسكين الخط بالليل يمكن الساعه 2
وداعس ابو الشباب الى فجئه واحد واقف بنص الخط يقول وانا اوخر عنه بااخر لحظه ايقووول انا قمت اقرا المعوذات يقول احسبه جن ولا شي سئل المصاريه الي معه قال شفتو الا انا شفته قالو شفناه يقول وانا ارجع وادور يمين ويسار يقول مافي احد يقول انا الحس مخي ويقول الا فيه بجنب الخط عبريه حقت السيول ويضرب النور العالي الا يشوف الرجال منسدح تحت العبريه يقول وانا اقربله وهو يقوم يمشي الا طلع افلبيني سكران يبي ينتحر يقول انا بلشت بالمصاريه الي معاي يبون ينزلون يصرعونه يقول قدامي نقطه تفتيش وبلغهم عليه وجو ويقول اصرعوه صرع ماينساه طول عمره وانتهت القصه شفت الموضوع وحبيت اشاركم
تحياتي لكم

[align=center]
والله بالنسبه لي نفسيا ارتاح اركب بليموزين فيه سعودي او اجنبي يكون ملتحي ومشغل قران > احس بإطمئنان ههههههههههه
مره وحنا راجعين من المستشفى انا وامي ننتظر ليموزين ويمر كذا واحد ويوم يجي شايب سعودي انا وامي هذا هذا هذا وكأننا شفنا مدري وش ههههههههههههه لا جد سبحان الله مانتطمن للأجانب من كثر مانسمع من جرايمهم وثقتنا بأبناء البلد كبيرة بس ياليت كل سائق ليموزين يراقب الله ويتقيه قبل كل شي
وياليت كل بنت تركب مع السائق تتقي الله وتحترم نفسها وتبعد عن كل رذيلة تمسها وتمس دينها واخلاقها

اللي على طاري السواقين والليموزينات ابوي مايثق بأي اسماء ابو فلان وابو علان

ابغى اسماء شركات او هل فيه شركات تكون الليموزينات هذي تبعها ونتفق على سعر معين ويصير يوميا يودي ويجيب ويكون هذا تابع للشركه يعني ابوي يكون عارف مين يوديني واوراقه وكل شي

انا بالرياض وابغاه لشمال الرياض بس

الوظيفه وقعت عقدها بس ماقد دبرت المواصلات
[/align]