الموضوع جميل جداً

أنا عن نفسي متعامله مع سواق بفان كبير بيني وبينه ستاره مضلله يودين لشغلي و لزياراتي العائليه و للسوق و مرتاحه معه مؤدب خلوق باكستاني

جربت قبل مصري كان يأخرن عن الدوام كثير إلين جاء هذا السواق

أتعامل في الضروره مع ليموزين هندي بس مشكلته يهك على بالعداد وربي ياما دفعت بالميتين ريال على مشوار واحد معه قهرني إلين هاوشته نهب فلوسي عيني عينك وانا عميله عنده و عارف الاهل و كل شي ليه الاستغفال عشاني مره

المهم كرشته

و مره رحت لسوق المعيقليه مع أختي نتقضى و ركبت مع ليموزين هندي ما ادري باكستاني شايب للأمانه محترم جداً ولا عمري صادفت إنسان يقل أدبه


بس تبون الحق أخاف من السعودي حق الليموزين حتى شركات النقل الخاصه ما أركب معه لو هو سعودي على انه رخيص بالسعر ما يقارن بالاجانب

ما أدري ليش والله هل هو من كثر التحذير من الأهالي لا تروحين مع سعودي

أغلب اللي أرفضهم تكون سياراتهم صغيره لو سيارته كبيره و بيني وبينه ستاره كان شي مهضوم ..

موقف حصل لأختي

تقول لي أن زوجها نزلها بمستشفى السعودي الألماني اللي بالرياض و راح لدوامه هذا بالليل

متفقه مع زوجها تروح لسوق العزيزيه أظن كذا اسمه وهو يجي ياخذها مناك
المهم تشيل كرشتها حامل بالتاسع و معه ولدين صغار الكبير عمره 5 سنوات و الصغير 2 سنه تقول وقفت تاكسي سعودي وركبت وقلت له العزيزيه مول و مشى تقول وهو يسوق دق جواله إلا تسمعه يضحك ويقول وينك اليوم ماشفناك بالشقه

تقول جتني أم الركب وبديت أتنافض إلين قلت له سفط على جنب وهي ما وصلت للمكان اللي تبيه أنخرشت ونزلت هي و بزارينها و هو شكله استغرب من تصرف أختي و مشى الله يستر عليه وهي أخذت تأشر على الطريق إلين جاء أجنبي

عاد هذا اللي جان من كلام ه

الموووضوع جميل والمواقف كثيرة ههههههههاااا

مرة من الاياام
طلعت انا وامي لله يحفظهااا طبعااا طلعنا بسبب الحافز علشان نسجل مغثة
وصادفنا ليموزبن جنسيتة هندي وقالنا ودنا للراجحي عاد هو غبي ودنا صرفة نقولة ودنا للمركز النسائية
الا جت ذيك لفة بدوار صدم سيارة ثانية انا انهبلت جتني حالة هستيرية لان الشخص نزل راح يتهاووش مع الهندي والا انصدم مرة ثاانية ماطلع هندي طالع سعووودي مسوي نفسة هندي عاد انا حطيتت رجالي اليمن وانحااش وخليت امي عاد لا احد يسالني وش صاار وسط داائري ياربي

ساس وايل
أنت موظف حكومي؟
انا كنت أكد على خصوصي لين توظفت
حاليآ ودي أطلع ليموزين بس يقولون لازم تكون متسبب
أبي اقتراحاتك
وهل تكفي ساعتين او 3 باليوم يطلع به الواحد مصاريف الشهر
وشكرا

حبيت اشاركم بما آني امسك خطوط من الرياض لمكه والعكس صحيح >>>يعنني


في رمضان العام حملت من الرياض لمكه طلع معي سواديين واختهم معهم وباكستاني

الباكستاني قدام والسواديين ورا ,, السودانية كبيره بعمرها وعندها سكر - طبعا وقفت اعبي بنزين عند محطه اجزالا

الي بعد ماتطلع من الرياض - ع الساعه 12 بالليل - المهم مسكت الطريق - وكل شوي السوداني يقول يااخي انت \

نمت ..قلت له لا ياعمي ,,شوي يقلي انت نمت انتبه للطريق ,,طفشني ,, مع اني مااحب اكسر بخاطر احد او شي

بس جد توترت من صوته , سألني اخره مره ,,قلت له ياعمي انت تبي مكه ولا الخرطوم هههههههههههههههه>>قفلت

بعدها سكت ولا حس ,,مع اني وقفت وتأخرت عشان اختهم تاخذ الابره حقت السكر ,,,

بس نطلب من الله الاجر