هام وعاجل .. مركز طاقات للتوظيف

عاطل واشهد يازمن · #1 (**permalink**) 20-12-2011, 10:13 PM

السلام عليكم ورحمة الله
اخواني الكرام جاني اتصال من مركز طاقات للتوظيف يقلون بكرة عندك مقابلة قلت للي كلمني وين الموقع قال مخرج 28 شارع المدينة وسكر شكله كان مستعجل الموهيم يا جماعة الخير ابغى وصف الموقع حقهم اللي على مخرج 28 بالرياض ابغاه بالضبط عشان اعطي التاكسي يوصلني على وصفكم وجزاكم الله كل خير والله يوفق من يرد على موضوعي أو يشاهده..
وعندي سؤال بسيط من منكم توظف من هذا المركز وكيف رواتبهم وهل سمعتهم جيدة ولا بس يسحبون فينا من شرق الرياض لغربة وبعدين يقلون نعطيك وظيفة مغسل اموات

مجدي، · #2 (**permalink**) 20-12-2011, 11:18 PM

هههههههههههههههههههههههههه حلوه منك وظيفه مغسل اموات
الله يرزقك وظيفه حلوه ادعي ان شاء الله تجي لي وظيفه حلوه ؟؟
بس بقول لك شي في سوال في مقابله راح يجيكي يقول هذه سوال
هل قدر سرقتي في حياتك ؟؟؟ خخخخخخخخخخخخ سوال غبي صح
الله يسهل امرك
تحياتي

عاطل واشهد يازمن · #3 (**permalink**) 21-12-2011, 01:08 AM

ههههههههههههههههههههههههه
اوما عاد يسألني كذا بس اذا كذا اكيد بجاوب واقول ايه لزوم الطفرة
الله يوفقك ويرزقك بوظيفة تسعدك دوووم

ياشباب وينكم وين موقع طاقات هذا اللي بمخرج 28 تكفون بكرة الموعد

رحمتك ياااارب · #4 (**permalink**) 21-12-2011, 01:12 PM

انا دقو علي رنتين ومالحقت ارد ورحت دقيت عليهم وسجلت اسمي ورقم جوالي ومادقو علي

والله اني خايفه يلغوني من حافز بسبب طاقات الله يشيلهم وانا مافرحت بشئ من الاعانه حسبي الله عليهم

زنبقة · #5 (**permalink**) 21-12-2011, 02:14 PM

طاقات ياخذ مؤهلاتك ويسوي لك اختبار بسيط من ضمنه اختبار انجليزي وشوي حسابات
بعدين يخيرونك في الوظائف الي تناسب مؤهلك وفي وظايف زينه ووظائف لا
بعد ما تختار يخلون الجهه الي اخترتها يسوون معك مقابله وفي ناس توظفو من خلاله
انا هذا الي صار لي
الله يوفقك

يآآ صبر أيوب · #6 (**permalink**) 21-12-2011, 02:42 PM

وعليك السلآم ورحمة الله

ههههههههههههههههه أمآآآ مغسل أموآت توقع وتغسل جثة مسؤلين حآفز لله في الله
يآرب وظيفة مبروكه

ذبحتني الواسطه · #7 (**permalink**) 21-12-2011, 02:50 PM

مخرج 28 عند صناعية العاصمه واسواق الهرم تحصل مكتوب مركز طاقات

رغد الحيآة · #8 (**permalink**) 21-12-2011, 05:13 PM

اخوي دقو عليك برقم ثابت والا جوال ؟؟

عاطل واشهد يازمن · #9 (**permalink**) 22-12-2011, 12:27 AM

بيض الله وجيهكم جميع
ابشركم رحت ولكن للأسف عطوني موعد ثاني بعد اسبوع تخيلو رحت بتكسي بـ 50 ريال روحة و 50 ريال رجعه ويوم وصلت سو لي اختبار قدرات وانجليزي وطبيت في واحد مايعرف يشغل الكمبيوتر تخيلو وحطوه مدرب <<< عمركم شفتو مدرب مايعرف يشغل كمبيوتر
حسبنا الله عليهم يقلون رواتبهم فقط من 2000 إلى 3000 بس

اختي رغد الحياة لا دقو علي بجوال اصلاً بيدقون عليك بجوال ونفس الجوال اللي يدق عليك هو المسؤول عنك والمشرف عليك حتى تتوظفين وبعد الوظيفة ايضاَ..

انتبهو ياعيال ترو اختبارهم صعب 99 سؤال وكل سؤال اصعب من الثاني وانجليزي وحساب يعني مثلاً بيقول لك اشتريت خمس تفاحات واكلت ثلاث وبقي معاك 2 فكم يبقى لك << والله جد اسألتهم كذا غبيه

الله يوفقكم جميعاً يارب