سجلت زوجتي من أول ما طلع نظام حاقد أووه قصدي حافز

وكل شيء تمام .. حتى نموذج الدخل حطيته كله أصفار ... وفي الأخير كان الرد اليوم على الموقع كالتالي :
لم يتمكن برنامج حافز من تقييم حالة الأهلية لطلبك في هذا الشهر بسبب عدم استيفائك لأحد المتطلبات في الوقت المحدد بحسب أحد الأسباب التالية:

1) السبب الأول: عدم تقديمك لرقم الحساب البنكي (الآيبان) ضمن الوقت المحدد او لتقديمك رقم حساب بنكي غير مطابق لإسم صاحب الطلب.
الوقت المحدد : حتى تاريخ 29 ذو الحجة 1432هـ.
الخطوة التالية: ليتمكن برنامج حافز من تقييم حالة الأهلية لطلبك لإستحقاق الشهر الثاني نأمل تزويدنا برقم حساب بنكي (آيبان) مطابق لإسم صاحب الطلب على موقع حافز وذلك عند فتح امكانية تحديث رقم الحساب البنكي (الآيبان) في الفترة مابين 6 و 13 صفر 1433هـ.

2) السبب الثاني: انك قدمت رقم حساب بنكي (آيبان) مطابق لإسم صاحب الطلب قبل تاريخ 29 ذو الحجة 1432هـ و لكنك لم تكمل نموذج الدخل الثابت ضمن الوقت المحدد.
الوقت المحدد : حتى تاريخ 16 محرم 1433هـ (و هو آخر يوم تم تحديده لإكمال البيانات لتقييم حالة الأهلية لإستحقاق الشهر الأول).
الخطوة التالية: ليتمكن برنامج حافز من تقييم حالة الأهلية لطلبك لإستحقاق الشهر الثاني نأمل الإسراع بإكمال بياناتك بما فيها نموذج الدخل الثابت وذلك قبل تاريخ 13 صفر 1433هـ (اذا لم تكمل بياناتك بعد).

3) السبب الثالث: انك قدمت رقم حساب بنكي (آيبان) مطابق لإسم صاحب الطلب قبل تاريخ 29 ذو الحجة 1432هـ و اكملت نموذج الدخل الثابت و لكن بعد الوقت المحدد.
الوقت المحدد : حتى تاريخ 16 محرم 1433هـ (و هو آخر يوم تم تحديده لإكمال البيانات لتقييم حالة الأهلية لإستحقاق الشهر الأول).
الخطوة التالية: سيتم تقييم حالة الأهلية لطلبك ضمن استحقاق الشهر الثاني.

هذا و نفيدكم بأن باب التسجيل في برنامج حافز و اكمال البيانات سيظل مفتوحا و تقييم الطلبات سيبقى مستمرا و سيتم بشكل شهري.

فما رأيكم .. بصراحه مسخره ...

ايوه اش يعني؟؟ احد يفاهمنا

اختي طلع لها نفس الشي,,

يعطيكم العافيه ياليييت احد يرد علي

يعني ترجع تسجل من جديد؟؟ اش تسوي؟

هي مسخره لكن ماعليك لما يفتح التعديل الله يعينك عدل وان شاء الله ربنا يفرجهاا

ياخي فيه رب كريم ماينسى عباده ومانقول غير حسبي الله ونعم الوكيل

يارب ارزقنا من حيث لانحتسب وارزقنا ومن نحب بالوظايف الحكوميه الرسميه الي تسرنا وترضينا وتغنينا

انا ايضا غير مؤهله والان اتابع الموضوع في الجامعه وبعده صندوق التنميه ثم اخيرا الشيخ حافز

المهم نبذل الي علينا وكل شي ربي يقدمه لنا هو خيره ولحكمه لانعلمها فهو العليم الرحيم الكريم

السلام عليكم ورحمة الله وبركاته

فيه عندك خطوه ما اكتملت يبدو لي

لانه كل الي مادخلو البيانات يجيهم هالكلام

الله يعين زوجتك تدخل على تعديل البيانات من الان وتكتب الايبان من جديد وتحفظ البيانات
وتسوي خروج
وتدخل مره ثانيه بنلقى الايبان موجود استمر ادخل على بيانات الدخل
وحط اصفار وارسال الطلب ويتم ان شاء الله

رايي بصراحة بشارة حلوة
انو تقييم الطلبات شهري

اكيد انت فعلا ماكملت بياناتة
لان اخوي مثلك ماكمل بياناتة وطلع لة نفس الكلام الي طلع لك

اللهم اغننا عن هبة الوهابين بـ هبتك ،،

وأكفنا تسلط المتمننين بـ منتك

اليوم عدلت البيانات اللي يبونها وطلع مافيه شيء جديد

بس نموذج الدخل .. لازم نحطه صفرين .. وبعضها صفر واحد

بس مع أني سويتها من قبل لكن .. البرنامج حق حاقد هو اللي يخطأ الشعب عشان ما يدفع

حاقد == حافز

يعني راح علينا حق شهر ننتظر الشهر اللي بعده ... تعتبر صدقه ههههههههههه

هذا يعني ياأخوي انها أدخلت الايبان بعد 29 /12 وهي مؤهله من الدفعة الثانية في شهر 3
لانها تـاخرت في تعبية البيانات قبل تاريخ 29/12
أو
أدخلت رقم الأيبان باسم شخص ثاني غير أسمها " ليس رقم إيبانها"
هذا ع حد علمي أعرف بنات صار معهم كذا لأنهم أدخلو الايبان هي بداية محرم

الله يعينك ياخوي على شغلت حافز وشروطهم الي ماتنتهي

المفروض يعطون اي شخص عاطل لايفرضون السن لن فيه ناس فعلا محتاج اعمارهم 36 ومافوق وش تبي تخسر حافز حكوميه ولو تدفع لكل شخص 4 الالف بعد ماراح تخسر
يعني الامهات الكبار في السن مالهم شي والشخص العاطل الي عمره بعد 36 ماياخذ رغم انه
عاطل وهذا هو المفروض الي ياخذ والامهات المساكين والحريم فيه منهم مطلقات وفي منهم محتاجات فعلا وفيه منهم من معه بكالريوس ودبلوم وعاطل يعني يستحق لكن توقف قدامه مسالة
العمر والملك عبدالله طول الله عمره وحفظه ماسمعنا في الاوامر الملكيه الكريمه انه شرط السن
خلوا الناس تفرح ياحافز فرحوهم ترى كل المده 12 شهر لاتجيبون شروط اضافيه ولو يلاحظ اي شخص اثناء التسجيل في حافز ليش اذا كنتم ياحافز شرطين السن

السوال هو !!!!!!

ليش اثناء ماسجلوا الناس ووضعوا اعمارهم ليش ماظهر في التسجيل العمر او اثناء كتابة العمر تظهر لائحه او علامة خطا على العمر

ولاننسى موضوع الجامعه وووووووووو الخ

حسبي الله ونعم الوكيل