اخوي عيسى ألف شكر لك على التواصل والاخبار
ماقصرت صراحة بيض الله وجهك
الله يجزيك خير ويرحم والديك
طيب على مايبدو عندك علم بالاسماء !
تقدر تفيدنا .. بحيث نرسل لك اسماءنا وتقول اذا مرشحة او لا ؟
يا الله توفيقك

حبيبتي والحل مع البطالة
عرفت لأني لما سألت الدكتورة أماني عن وضعنا
عرفتني واخبرتني انه تم اختيار المرشحين النهائيين
ومن تعابيروجهها وطريقة كلامها عرفت اني مو منهم
وضليت يوم كااامل في حالة انكار ويمكن ويمكن
لكن يوم اصبحت على اليوم الثاني تيقنت تماماً ان ربي ماكتبها لي
ومخبي لي الاحسن بإذن الله
والحمد لله على كل حال

إنا لله وإنا إليه راجعون
طيب أختي لا تحكمي من الحين
يجوز ماتقدر تصرح بهالشي الين تطلع الترشيحات نهائي
وبين الساعتين فرج

ربي يسخر لنا الخير..
الأرزاق ربي يكتبها ويقدرهـا..
دائما أسألوا الله أن يختار لكمّ..
فالخيرهـ فيما يختارهـ..

مليء الله قلوبكمّ سعادة..
و دروبكمّ نجاحّ وتوفيق..

[align=center]الأيامّ الي قضيناها بالتجمعّ لم تكنْ قليلة..
وعلى قدر التوتر الموجودّ عِنْد فتحِ المُوضوعّ..
إلا أنني وجدتُ بأرواحكمّ إيمان بمُقدرِ الأمور..
و حماسة ترغمُ أصعبْ الظروف بالإنكسارْ..
لا تتخاذلوا هناك فُرصةٌ مُخبئة لـ تبحثوا عنها..
هي مقدرةُ لكمّ و أنتمّ مُيسرين للحصول عليها..

و ما أنسى أشكر..أختي بنت الراجحي
و أخوي عيسى ربي يعطيهم كل خيرّ..
كفوا و وفوا ..


[/align]

حبيبتي انا ابداً مو عجولة بس كان باين انها ترسل لي رسالة واضحة خلف كلامها
حتى قلت وانا عند الدكتورة الحمد لله على كل حال خيره، وماردت بما ينفي توقعي
بس انا احمد ربي واشكره اني عرفت عشان ما احرق اعصابي اكثر من كذا
ويشهد ربي اني ادعي لكم مع نفسي وان شاء الله افرح فيكم قريباً
واخوي عيسى فعلاً ما قصرت اسأل اله ان يجزيك خير الجزاء

لا حول ولا قوة الا بالله العلي العظيم
الظاهر اختي ان تخصصك من التخصصات اللي " ماتخدم عمادة التطوير الجامعي "
واللي يحس بعد ان تخصصه مايخدم العمادة يستبعد حاله من الحين
للاسف هذا اللي صاير
معدلات عالية وحوسة مع القدرات والاختبارات ...
وفي النهاية .. التخصص مايخدمنا
الحياة تجارب فعلاً واكتسبنا خبرة صحيح
لكن انها تسوي مقابلات واختبارات لمختلف اقسام التربية
بعد كذا تجي تقول تخصصك يخدم العمادة في ايش ؟؟!!!
ليش اجل خليتوا المجال مفتوح
كان من البداية اعلنتوا عن التخصصات اللي {تخدمكم}
الموضوع هذا شككني في نزاهة النتائج
واستغفر الله لي ولكم

يا بنت الحلال اللي كاتبه ربي بيصير
سواءً كان تخصصك يخدم ولا لا
تفاااااءلي وربي عند حسن ظن عبده

اخونا الفاضل عيسى ابراهيم ... ياليت تخبرنا عن وقت اعلان الاسماء ...و التخصصات الي قبلوها ...ماقصرت الله يجزاك كل خير...

السلام عليكم
النتائج متوقفه على اعتماد اصحاب الصلاحية ..

وسيتم التبليغ بعد الاعتماد مباشرة ..

بالنسبة لموضوع التخصصات ..
كما ذكرت سابقاً ، لبعض المشاركين في هذا التجمع اخبار ساره ..
واتمنى منهم وضع رد يفيد بقبولهم وتخصصهم ايضاً ..