الثنائي المرح
عالم القهوة ,,, تسويقار
طرح مميز بأسلوب بديع ,,
أسأل الله أن يعطيكم فوق ماتتوقعون,, وأكبر مما تأملون ,,
أشكر لكم النوايا الطيبة ,,
ومتابع حتى أول زبون إن شاء الله ....

هذا اخونا 15000 ما قصر بيض الله وجهه

ارسل لي هالتصميم وموضح عليه كل شئ

وننتظر اخونا تسويقار بالاتصال به لكي يرسل له كل ما يريده من اراء وتخطيط

[align=center]
اشكركم جميعا ..

اولا سؤالي للاخ تسويقار بسبب خبرته ماشاء الله .. هل الشارع اللي فتح عليه اخوي راجح شارع تجاري .. يعني: يقدر ياخذ تصريح 24 ساعه او لا .. انتم تعرفون ان اغلب زبائن المغاسل عزاب
وبما انه في السامر فهو قريب من ارامكو (( كمثال )) ارامكو دوامهم شفتات مثل اغلب الشركات

الفكره هذي مطبقه في الدمام في بعض المغاسل لدرجه اني اجي الساعه ثلاثه الفجر احصل عنده زباين من ثلاث الى اربع اشخاص

لكن اللي اعرفه ان التصريح لازم يكون على شارع تجاري .. وايضا التصريح يكون من الاماره فشغلها مهو بسيط. لا تنسى ان هذا الشي يترتب عليه زياده في العماله وزياده في المصاريف ايضا .. ايضا احتمال يكون في مشاكل لا سمح الله وخلافه ::: اذا شفت ان اقتراح ال 24 ساعه مهوب جايب همه .. كنسل الفكره على طول ولا تعيرها اي اهتمام عشان ما تشتت مخك .


النقطه الثانيه :


بالنسبه للوحه حاول . او لازم تكون من اسم واحد فقط حتى تسهل الحفظ وتبقى في البال على طول

وخل اللوحه مثل ماقالوا البقيه بارزه وملفته للنظر مثل اسم اريال اسم جميل وملفت للنظر .. لكن انتبه تظلم هذا الاسم.


ركز معي في هذي اللوحه :




خلها نفس طريقه البروز
لكن الخلفيه خلها سوداء وبدال هيل وزعفران اكتب اريال .. والاضاءه خلها داخل اريال بلون ازرق اللي زي الزينون وبس لاتحاول تضيف اي شي ثاني


اسف عالاطاله واعذرني تراني قاعد اكتب من اي باد وماعرف له الصراحه ومتلخبط هههههههه وخلها على ربك

والسموحه عالقصور
[/align]

بعد التحية,,,,

سؤال إلى أخوي تسويقار وعالم القهوة..

أنا عرضت علي مغسلة للبيع بكامل معداتها ويديرها اثنين من العمالة الهندية،،،

ويطلب راعيها ستون ألف ريال،،، علما انه مؤجرها على الهنود ويستلم منهم شهريا 3500 ريال سعودي فقط لاغير..

وهي عبارة عن فتحتين ،، وفيها مكبسين وطنيين وغسالة كبيرة ونشاف امريكي وبولر,,

وش رأيكم هل المبلغ المراد وهو ستون الف مبالغ فيه,,, وهل اافضل ان افتح مغسلة جديدة،،بدل المستعمله المعروضة علي,,,

علما ان ميزة المغسلة المعروضة علي ان زباينها موجودين وليس مثل المغسلة الجديدة يبيلك كم شهر على بال ماتأسسلك قاعدة من الزبائن...

متــابعيـن لك أخوي عالم القهوة وأسأل الله أن يبارك لك في مشروعك ويكتب لك فيه القبول من الزبائن

السلام عليكم و رحمة و بركاته
مساكم خير و توفيق بإذن الله
فالبداية اعتذر عن عدم ردي لكن ما كان لي علم بالموضوع
ما دريت إلا بعد رساله من الأخ عالم القهوة و ما كنت متواجدة للأسف هاليومين فالمنتدى
بعد قراءتي للردود كاملة
فالبداية الله يوفقكم و يسهل لكم و يجعل الخير و النفع من هالفكرة تعود عليكم
و يتمم لكم الفكرة على خير يا رب

ثاني بخصوص التصميم حابة اكتب لكم رأيي كمصممة
أولا : وضع علبة الاريال ضمن التصميم اعتقد انه غير ذو نفع
أو بمعنى أصح غير ملتفت أو جذاب لأن فكرة أن نرمز للمغاسل برمز أحد منظفات الملابس
فهي عذرا فكرة تقليدية و مكررة
ثاني أنا مع الاعضاء اللي اقترحوا يكون فالتصميم جزء بارز أكثر من غيره
لأنها فالغالب تكون جذابة و فيها فكرة
يعني خلوا تصميم المغسلة فيه فكرة و ليس تقليدي فقط هذا اللي أبي أوصل له
من ناحية المقاسات أفضل أن تكون اللوحة مستطيل أي الطول ضعف العرض أو أزيد منه بقليل
لأن فكرة اللوحة المربعه أحسها راح تاخذ حيز أكبر و ممكن ما تكون حلوة أذا لم يتم ملئها بما يناسب
بالنسبه للألوان أعتقد الألوان المناسبة هي ازرق و ابيض و أحمر مثلا لأني مره حضرت كورس عن
الألوان فكان فيه اقتراحات للاعلانات و من ضمن الاقتراحات ان المسويقين فالعاده دوما يستخدمون
اللون الأحمر للفت النظر و جلب الانتباه مثلا مثل بيتزا هت و كنتاكي و ريد تاق و كثير من المحلات
المعروفة تعتمد على جعل اللوحة باللون الأحمر للفت النظر و الخ....
هذا رآيي لأ أكثر و لا أقل و الله يوفقكم و متابعه لكم