راجح عندي كذا سؤال لو تكرمت ، و عذرًا بتعبك معي .. وش المقصود بالتالي:



مكبس وطني .. هل هو نفسه آلة الكوي؟

أيش المقصود بالبويلر ؟؟ وش مهمته لو تكرمت؟

نشاف امريكي .. طبعًا نشافة هدوم فقط تكون يعني مالها دخل بالـ بطانيات.

غسالة بطانيات .. هل لها أحجام معينة ؟ يعني هل بالوزن فقط؟

غسالة عمود وش المقصود بها بالضبط؟

كذلك سير ملابس وش تقصد به ؟! هل هو لتعليق الملابس و الا ايش؟






و يا ليت توافينا بخطتك لإدارة المغسلة لو تكرمت

شف ياخوي بالنسبة للتكسير اذكر البلدية قالو لازم مخفي تاكد هذا اوحد

2- لاتنسى تاخذ المواسير نوعية ممتازة والصنابير لازم تكون اصلية ولا تراها بتعبك اذكر اخذت الواحد ب 35 ريال

3- غسالات الملابس تاكد من الكهرباء تراها 110 ورأس ثلاثي يعني رتب بين مكان الغسالة والفيش

4- بالنسبة للمواسر المكاين مثل النشاف والمكبس وغسالة البطانيات تراها حديد ومكلفه اعمل حسابك

5-ناموسية للحشرات كشافات شحن

6-فيه فيش للنشاف نوعية المانية له اسم بس ناسيه اتوقع سعره 80 ريال

7-اعمل حساب فتحه تطلع بخار النشاف للخارج

8- الانارة لها دور

9-واذا تسمع النصيحة ترى مشروع المغاسل صحيح مربح باذن الله بس ترى تاجير المغسلة للعمالة افضل بكثير لكن بامكانك متابعه المغسلة 3 اشهر ثم حدد الايجار وانت ابخس اذا فيك حيل تتابع الله يوفيقك لانه يقدر يكسب من وراك في الكوي او الناس الي تعرف عليهم ولا ياخذون فواتير

واي معلومه تحتاجها انا جاهز اخوي

الله يوفقك ويكتبلك الخير والبركة

الله يوفقك ويفتح بوجهك كل أبواب الخير والرزق ولاتنساني من دعواتك لأني ماشي بأول طريق التجارة والله يوفقني ويوفقك ويفتح أبواب الرزق بوجيهنا ولجميع المسلمين

متابعين بإهتمام
الا بأي مدينة وابي شارع المغسلة

أسأل الله العظيم رب العرش الكربم أن يسهل لك الامور وأن يجعله فاتحة خير فى رزقك بأذنه تعالى
ولجميع الاخوان فى المنتدى . اللهم أمين أمين أمين.....

^^^
صباح الفل .,
والله مالنا في المشاريع
بس خذ دعوه ع الصباح ., الله يسر دربك ., ويفتح بوشك الخير والرزق .,
صباحك عسل ياقشطه .,