اولا خلنا نلخص ما دار بيننا بالرسائل الخاصه عشان تتضح الصورة للجميع ..... وبعدها نكمل مع الاعضاء ....

بداية كان مافي اتفاق بيننا على اسم المحل ....

الاخ عالم القهوة يقول نسميه : مغاسل جحا .....

وانا رفضت الاسم .....

هو له وجهة نظره الخاصه واللي تقول : ان اسم جحا معروف عند الكل .. وبيكون علامة بارزة بالشارع

وكانت وجهة نظري انه المفروض ان اسم المحل يـــدل على نوع النشاط او المشروع

فمثلا مغسلة يفترض نجيب اسم يــدل على ان هذا المكان مغسله ... بحيث ان اللي يمر من الشارع

مجرد مايشوف اللوحه يعرف انها مغسلة ... وهنا كان الخلاف بيننا

لكن قرأت عليه المعوذات وآية الكرسي و بالاخير اقتنع .......

الان اتفقنا نسمي المحل اريــــال ... وبيكون باللوحه صورة او نفس تصميم كرتون الاريـــــــــال .... مع ادخال بعض التعديلات البسيط ...

وبكذا اي شخص يمر من الشارع اول ما يشوف اللوحه راح يعرف ان المكان مغسلة حتى السواق اللي ما يعرف عربي راح يعرف

طيب هل يقبل السجل التجاري اني احط اسم اجنبي ؟؟؟

لا طبعا ما يقبلوا بالاسماء الاجنبيه ولكن عشان نتحايل عليهم .... نسمي المحل بأي اسم

ولما نصمم اللوحة نكبر كلمة اريــــــال ... ونحط بأسفل اللوحة الاسم التجاري المعتمد عند وزارة التجارة

بكذا مالهم حجــــه علينـــا .....

الان احنا بتحديد مقاس اللوحه ....

انا مازلت مصر على انها تكون كبيــرة ... والاخ عـالــم القهــوة يقــول انها ممكن تكلف

المشكله دائما تكمن بأننا نبـــدأ المشروع بدون ما نحسب التكاليف ....

اعتقــــد والله اعلم انه حسبها بعقله ولكن ما حسبها ورقيــــا ومحاسبيا كتكاليف ....

المفروض اني احسب كامل التكلفة واكتبها ... ولما اعرف التكلفه كاملة ابدأ انفــــذ الاهـــم فالمهم ...

بمعنى فيه اشياء ممكن أأجل تنفيذها مقابل ان انفــــذ شي اهــــــم ......

الان لو تكلفة اكمال الميزانين بالمحل استفدت منها بشي اخر كان افضل

عموما مكملين ومتابعين ... ونرحب بأضافاتكم دوما .....

المايك معاك راجح ....

كم عمولتك تسويقار من شركة اريال ؟!!!!

نمزح ياخي لاتعصب بس صراحه دعايه قويه

اخوي عالم القهوه ترا بتخسر زباين التايد

بالتوفيق ان شاءالله*

شوف اسم المحل الافضل تسميه مغاسل وليست مغسله هذه الموضه ههههههه

وبعدين تشوف لك كلمة حلوة بعد مغاسل مهوب جحا ههههههه

يعني مثلا مغاسل الورد مغاسل الزهر وتصميم اللوحة انا صممت لوحة محلي عند مصمم مشهور بالنت وصراحة كل من شاف التصميم اثنى عليها لانها مهمه

ومرني اوريك مغسله قريبه من محلي شكلها يفتح النفس وتهبل على قولت البنات هههههههههه

<<<<<<< بعدين يمديك على الوردي ههههههه

وياموسيقار اخبارك يالغالي

انت وين تروح فجأة وتغطس ؟؟؟

ترى اخاف لما تغيب ..

اقول بنفسي الرجال هذا قاعد يسوي شي من وراي ويجي ويخليني امام الامر الواقع ..

:
:
عموما ....

اللحين خلصت دهان منطقة العمل ؟؟؟؟ والا بتجيب المعدات وبعدين تدهن بويه ؟؟؟

انتبه للكلام اللي جاي :

الفاصل بين منطقة الاستقبال ومنطقة العمل لا تسويه جدار ( بلك )

خليها قاطع خشبي .. او جبسن بورد ارخص واشيك .....

للاخوان والاخوات اللي ما يعرفون الجبسن بورد .... هذي صورته ( الجدار اللي ع يمين الصورة ) :


ميزته انه سهل وسريع التركيب ... وسعره رخيص ولايحتاج لياسه او شي


مو بكرا الاقيك جايب خرسانه وبلك وهاتك يا بناء وصب اعمده ....

هل المحل مجهز بباب عشان تقدر تنزل المعدات وتقفل عليها ؟؟؟؟

قبل شوي كنت في السامر وشفت موقعك فرملت باخذ الرقم ابي اسوي فيه مغسله لكن عرفته من الصورة انه لك موقع مميز اهنيك عليه


كم ايجار المحل اش تنصح نسوي مشروع جنبك ؟