المشاركة الأصلية كتبت بواسطة تسويقار

انت مشكلتك انك صرفت مبالغ هنا وهناك بالبداية وكان المفروض تحسب كل شي وبعدين تقرر ايش تسوي ومن وين تبدأ ...

المشاركة الأصلية كتبت بواسطة تسويقار

يعني حاجز الميزانين ما اعرف ليش رفعته 3 متر .. 3 متر يعني رفعته الي السقف لان متوسط ارتفاع السقف بكل مكان هو 3 متر .....

من حقك انك تحط حاجز بأرتفاع متر ونص فقط وبذكا تنزل تكلفته ....

شوف اخوي راجح ..... بقولك ع حاجه :

الزبون .. وهو نقطة البحث والجذب .. ما يهمه نوع الغساله او صناعتها .. او نوع الصابون اللي تستخدمه

او حتى جنسية العامل اللي في المحل .... لذلك صرفنا على هالاشياء راح تكلفنا لكن فائدتها غير محسوسه ...

لكن فيه اشياء يهتم فيها الزبون : مثل ديكور المحل .. لوحته .. واجهة المحل ....

خليني اضرب لك مثال :

الان انت راح تشتغل بنفس تسعيرة المحلات الاخرى ... صح ؟؟؟؟ يعني لو المحلات تغسل الثوب بــ 3 ريال

انت كمان راح تغسله بثلاثه ريال .. ما تقدر تقول اغسل الثياب بأربعه لان ما احد راح يجيك

اوكي اتفقنا ان التسعيرة وحده

اوكي الان لو سافرت ... وقالوا لك قدامك فندقين اختار واحد منهم .....

هم كلهم بنفس السعر .. خلينا نفترض الليلة لكلا الفندقين بــ 250 ريال ....

لكن فندق منهم مكسر ومافي ديكور ومدخله مو نظيف وحالته بالبلى

والثاني بنفس السعر لكن واجهه حلوة وكشخه ولوحه معبره وغرف نظيفة ....

ايهم تختار ؟؟؟؟؟ اكيد الثاني .. طيب ليش الثاني مو الاول ؟؟

لان الثاني لفت انتباهك بلوحته ... وبشكله العام .... ونظافته .... رغم ان العمال بكلا الفندقين من نفس الجنسيه

اذا الزبون يبحث عن مايلفت انتباهه وما يريحه .. الزبون يبغى يسلم ملابسه لمكان يرتاح له ويحس ان هالمكان متعوب عليه

دايما احنا نحكم على المطهر الخارجي وليس على الداخلي .....

بالنسبة لموضوع ارتفاع سعر اللوحه ... شوف تقاطع المكرونه مع التحليه كله خطاطين .. انت لا تروح للمحلات الكبيرة اللي سعرهم غالي

روح لمحلات داخل الاحياء فيها باكستانيين وسعرهم اقل من المحلات اللي ع الشارع ....

اللوحه يجب ان تكون واضحه وملفته .... الدعايه مهمه راجح ... يقولوا ان اليهود وهم افضل تجار العالم

يقولوا اذا عندك مشروع فضع 90 % من قيمة المشروع بالدعاية و 10 % الباقيه ضعها بضاعه ....

انا ما يهمني نوع وشكل الغساله اللي انت خسرت فيها .. انا يهمني شكل المحل ونظافته وديكورة .. ياخي شي مريح للنفس ...

اللوحه بطول الواجهه بأرتفاع متيرن ونص كأقل تقدير ان لم تكن بأرتفاع 3 متر ....


ولازم تسوي تصميم وتضعه بالموضوع ونشوفه قبل تبدأ فيها