بسم الله الرحمن الرحيم
السلام عليكم ورحمة الله وبركاته

يا اخوان عسكرية جندي بثانوية وان شاء اللله تكون مضمونه ولا الكلية التقنية
سنتين ومادي بعدين وش يصير وعمري 21 سنة تكفون ابي رايكم وابي راي بعقل
وتفكير تكفون واذا كنت جندي اقدر اخذ دورات بعدين تفيدني في الترقيات ووش هي الدورات
الي ممكن تسرع ترقيتي ولو دخلت جندي بالعمر هذا هل في امل اصير ظابط
ادري زودته شوي بس تحملوني امالي كبيره والله قادر على كل شي

والله انا زيك

انا افكر ادخل العسكريه الحين وانتس با الجامعه وتفيد ان شاء الله في الترقيات

موفق بإذن الله ... لك مني أجمل تحية .

طيب انت وياه ليه ما تدخل جامعه وتكون عند اهلك وتشد حيلك وتجيب معدل جيد جدا وعندك اربع سنوات تضبط فيها لياقتك وتجيب شهادات انجليزي وحاسب وتقدمون بالامنيه ومقبولين زي عينك براسك مو ازين ؟!..


وكلها اربع سنوات وش لكم بالجنود والكلام الفاضي انا مقدم رقيب ومفقوع قلبي ،،، وغلطتي هي اللي ما جمعت شهادات وفلّت أول سنه والا كلها كلام فاضي ،،


راجعوا انفسكم وفكروا زين،،،

تحياتي

اخوي انا سجلت بالتقنيه ودوامي انشالله السبت
با السنتين ذي اجمع شهادات واذا جاء تقديك قدمت بالعسكريه لين يجيني قبول نهائيا بعدها ادخل انتساب جامعه
بس الدنيا ما تجي ع كيفك

مشكورين واتمنى اراء اكثر منكم

وعليكم السلام ورحمة الله وبركاتة
تقول عمرك 21 ياخووووي كمل دراسه وش وراك كلها كم سنه تاخذها فله مع اخوياكـ ومكافئه ((( الا اذا كانت ظروووفكـ ماتسمح للدراسه فالله يوفقك ان شالله ))) اما اذا كان ماوراكـ شي
فشوري من شور ĢϞ̲Ō̲Ϟ

الكلية التقنيه
بعدها وكيل رقيب ولا جنددي


تحياتي

طيب توظف وكمل دراستك يعني تضرب عصفورين بحجر
تحياتي لك