العنوسة أسبابها وعلاجها

الغازي · #1 (**permalink**) 22-12-2011, 07:45 PM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

العنوسة أسبابها وعلاجها

ظاهرة العنوسة لدى الشباب والبنات تمثل مشكلة كبيرة تعاني منها الكثير من المجتمعات . ولاسيما أنهم ركيزة المجتمع وعماد مستقبله . واستقرارهم مطلب لدولهم . يتمثل ذلك في قدرتهم على العطاء . وقيادة نهضــة ومسيرة بلادهم . وظاهرة العنوسة نتيجة تراكمات وافرازات سنوات ماضية لعدة اسباب منها :

- النهضة التعليمية واصرار الشباب والبنات على اكمال تعليمهم . واستبعاد فكرة الزواج اثناء الدراسة .

- البحث عن عمل بعد التخرج . وتأمين مستقبلهم والسنوات تمضي سريعا .

- انتظار فارس الاحلام كامل المواصفات من قبل الفتاة ورفض المتقدمين لها .

- التشدد في اختيار زوج البنت من قبل الاهل .- غلاء المهور وتكاليف الزواج . وعدم قدرة الشاب عليها .

- طمع الآباء في مرتبات ابناءهم وبناتهم . وتأخير فكرة الزواج . مما يؤدي ضياع الفرص منهم .

- الرفاهية الزائدةللأبناء التي تؤدي الى الإنحراف وعدم التفكير في الزواج .

- البطالة وعدم توفر فرص العمل لدى الكثير من الشباب .

- القيود المفروضة من قبل بعض الدول . بعدم زواج مواطنيها من الخارج ادى الى عنوسة كثير من الشباب .

- عدم قبول البنت بالمتزوج من امرأة اخرى .

ومن هنا نجد ان الاسباب كثيرة جدا و متعددة ومتنوعة .
واتذكر قول الاعرابية لوالدها عندما اصر ان لايزوجها الا على فارس من القبيلة قالت له : ’يابه العمر يمضي والوحدة عذاب ,
واضرب مثالا واحدا . توجد مدرسة للبنات يعمل فيها 35 معلمة . منهن 25 معلمة اعمارهن فوق 32 سنة ولم يتزوجن بعد .
وهذا امر خطير للغاية يترتب عليه مشاكل كبيرة للبنت وأهلها ومجتمعها .

ولعلنا نضع بعض الحلول لهذه الظاهرة منها :

* يجب ان يعرف كل شاب وبنت انه لايوجد انسان كامل الكمال لله سبحانه وتعالى .

* ان لايكون هدف الشاب جمال البنت والبنت وسامة الشاب
الجمال جمال العقل والروح .

* التخفيف من غلاء المهور . وعدم اثقال كاهل الشاب بالمصاريف الزائدة .

* الاقتداء بقول النبي صلى الله عليه وسلم ’ اذا جاءكم من ترضون دينه وخلقه فزوجوه ,.

* عقد جلسة مصارحة مع الاهل . ووضع الحلول الناسبة .
وان لايفسد الحياء مستقبل حياتك .

* على الآباء تقوى الله في ابناءهم . فهم يدمرون مستقبل حياة ابناءهم وهم لايشعرون .

* اعطاء الشاب والبنت حرية الاختيار من اي جنس او بلد يختارة في حدود ضوابط معينة .

* المواقفة على قبول المتزوج لان هذا هو الاصل كما ورد في القرأن الكريم .

* عدم التدليل الزائد للأبناء . والتربية الصالحة لهم

مشمش وخوخ · #2 (**permalink**) 22-12-2011, 11:14 PM

الله يعطيك العافيه على طرح هالموضوع وفعلآ من أهم الأسباب إكمال الدراسه بس صار إكمال الدراسه شي لابد منه و أشوف إنه صعب الوحده تتزوج رجل متزوج يعني لازم الوحده تقدر مشاعر الزوجه الأولى لأن بعض الحريم إذا تزوج عليها زوجها تطلب الطلاق يعني صعبه وحده تحل مشكلتها على حساب غيرها وتدخل تخرب بيوت الناس>> تقبل وجهة نظري وتشكرات ع الموضوع

الغازي · #3 (**permalink**) 23-12-2011, 03:41 AM

اقتباس:

المشاركة الأصلية كتبت بواسطة مشمش وخوخ

الله يعطيك العافيه على طرح هالموضوع وفعلآ من أهم الأسباب إكمال الدراسه بس صار إكمال الدراسه شي لابد << صحيح كلامك و ممكن إنها تتزوج و في نفس الوقت تكمل دراستها وش المشكلة ؟ وجهة نظري الشخصية منه و أشوف إنه صعب الوحده تتزوج رجل متزوج يعني لازم الوحده تقدر مشاعر الزوجه الأولى لأن بعض الحريم إذا تزوج عليها زوجها تطلب الطلاق يعني صعبه وحده تحل مشكلتها على حساب غيرها وتدخل تخرب بيوت الناس هههههههههه " أضحك على المشكلة نفسها و غيرة النساء سبحان الله " كلامك جداً جداً جداً واقعي الموضوع هنا إن كانت الزوجة الأولى مواقفة و غير كذا مثل ما تخبرين الشرع حلل للرجل أن يتزوج من 4 شرط إنه يعدل بينهم و إنه يكون مقتدر و قادر على الزواج من زوجة ثانية ... إلخ >> تقبل وجهة نظري وتشكرات ع الموضوع

بالعكس يشرفني ردك
و تسعدني وجهة نظرك

الله يبارك فيك إن شاء الله

حُلُمي التدريس · #4 (**permalink**) 23-12-2011, 04:01 AM

من جد الموضووع شائك ومو هين الله يعين ويوفق الجميع
أحيانا بعد يكون ظلم الاهل لبنات اذا كان عندهم اكثر من بنت والكبيرة تبغا تكمل
والاصغر منها ماعندها مشكلة بس يتم الررفض لغااية ماتتزوج الاولى وهذا سبب
يقهر ويمكن يسبب حقد الاخت الصغيرة على اختها
المفترض من الآباء الحين تقلييل المهوور لاني اسمع بالمبالغات عند بعض الناس لدرجة
ان الزوج يدفع مهر للبنت مبلغ وقدره ويدفع لامها وابوها لييش مدري الله المستعان
وتكاليف الزواج اللي تقص الظهر وتخلي الواحد يتكلف فوق طاقته كلها مالها داعي
سبحان الله كلما تيسرت امور الزواج كلما ربي يبارك فيه وبالنسبة للي ماتوافق تاخذ
متزوج سلموا لي عليها الله بيعوضها احسن واخير منه لان نيتها صافية وماتبي تخرب
بيت الزوجة الاولى وبصراحة نشوف كثير زوجات ثانيات تطلقن بسررعة لان فالغالب تكون
نزوة من ابو الشباب ويوم زعلت ام العيال طلق ذا الضعيفة لكن لما تكون الاولى تعبانة او ربي
ماعطاها نعمة الضنا وماتبي تحرم زوجها من هالشي في هالحالة اتوقع عادي كل الاطراف
بترضى تحت جملة(مجبرا أخاك لا بطل) يعني الظروف صارت كذا
وبعدين من اهم اسبااب العنوسة للجنسين عندنا هوو البطااالة فلا الشاب قدر يجمع نفسه ويتزوج
ولا البنت لاقيه شاب يخطبها قاادر يكد عليها
الله يوفق الجميع ي رب واتمنى مااكون طوولت
ومشكور عالطرح

الغازي · #5 (**permalink**) 27-12-2011, 08:30 AM

اقتباس:

المشاركة الأصلية كتبت بواسطة حُلُمي التدريس

من جد الموضووع شائك ومو هين الله يعين ويوفق الجميع
أحيانا بعد يكون ظلم الاهل لبنات اذا كان عندهم اكثر من بنت والكبيرة تبغا تكمل
والاصغر منها ماعندها مشكلة بس يتم الررفض لغااية ماتتزوج الاولى وهذا سبب
يقهر ويمكن يسبب حقد الاخت الصغيرة على اختها
المفترض من الآباء الحين تقلييل المهوور لاني اسمع بالمبالغات عند بعض الناس لدرجة
ان الزوج يدفع مهر للبنت مبلغ وقدره ويدفع لامها وابوها لييش مدري الله المستعان
وتكاليف الزواج اللي تقص الظهر وتخلي الواحد يتكلف فوق طاقته كلها مالها داعي
سبحان الله كلما تيسرت امور الزواج كلما ربي يبارك فيه وبالنسبة للي ماتوافق تاخذ
متزوج سلموا لي عليها الله بيعوضها احسن واخير منه لان نيتها صافية وماتبي تخرب
بيت الزوجة الاولى وبصراحة نشوف كثير زوجات ثانيات تطلقن بسررعة لان فالغالب تكون
نزوة من ابو الشباب ويوم زعلت ام العيال طلق ذا الضعيفة لكن لما تكون الاولى تعبانة او ربي
ماعطاها نعمة الضنا وماتبي تحرم زوجها من هالشي في هالحالة اتوقع عادي كل الاطراف
بترضى تحت جملة(مجبرا أخاك لا بطل) يعني الظروف صارت كذا
وبعدين من اهم اسبااب العنوسة للجنسين عندنا هوو البطااالة فلا الشاب قدر يجمع نفسه ويتزوج
ولا البنت لاقيه شاب يخطبها قاادر يكد عليها
الله يوفق الجميع ي رب واتمنى مااكون طوولت
ومشكور عالطرح

كلام واقعي جداً

الله يعطيك العافية

طويلةبال · #6 (**permalink**) 10-02-2012, 02:56 AM

وبالنسبة للي ماتوافق تاخذ
متزوج سلموا لي عليها الله بيعوضها احسن واخير منه لان نيتها صافية وماتبي تخرب
بيت الزوجة الاولى وبصراحة نشوف كثير زوجات ثانيات تطلقن بسررعة لان فالغالب تكون
نزوة من ابو الشباب ويوم زعلت ام العيال طلق ذا الضعيفة لكن لما تكون الاولى تعبانة او ربي
ماعطاها نعمة الضنا وماتبي تحرم زوجها من هالشي في هالحالة اتوقع عادي كل الاطراف
بترضى تحت جملة(مجبرا أخاك لا بطل) يعني الظروف صارت كذا

بالعكس يعني اي وحدة تقبل بالتعدد تكون نيتها شينه وخرابة بيوت!!! ماشفت الصحابيات خربوا بيوت بعض!!!
يوجد غيرة مانختلف ...واللي تطلقوا فيه بنات تطلقوا وازواجهم مو متزوجين..الطلاق بيد الزوج اذا هو شخصية ضعيفة مشكلة وانا اهيب باللي يبون يتزوجون متزوج اهم شيء فيه الشخصية القوية والقيادية (الرخمة لايعرس ويوهق بنت الناس) والبنت يجب تشرط عليه شروطِ كايده وقبل كل شيء يبين شخصية الرجل في المقابله الشخصية والسؤال عنه!

بالعكس اؤؤيد الواحد يتزوج 4 وين المشكلة !!
(بيتك موجود+ لو كتب ربي لك عيال موجودين + اذا انتي موظفة وظيفتك موجوده+صديقاتك+ اهلك+ طلعاتك(بتقدرين ترفهين اكثر عن نفسك اذا هو عند زوجته الثانية وماتحسين بتانيب الضمير رحتي وتركتيه!!) + نفسك انتي دلعيها لاتنتظرين رجاء من زوجك =اذا انتي دللتي نفسك صدقيني زوجك بيدللك اكثر بعدين التعدد بيفيدك اكثر من ناحية الاولد وانك تهتمين بنفسك اكثر من ناحية الحمل والولاده ماتضطرين تحملين 10 عشان بس زوجك مايتزوج ويتعذر بالعيال

اذكر وحده صارحها زوجها مليونير وعنده اشغال ويبي يتزوج 2 تعذر بالعيال وانه يبي زوجة تسافر معه برا دائما .. قالت اجيب عيال سنة ورا سنة واسافر معك وين مارحت بس لاتتزوج وجابت 12 واحد ماشاءالله
واخرتها تعبت ومعد صارت مثل اول !!!<<<تربية العيال وكل ولد في سن معين يبي له رعاية وعناية والبيت ونفسها ووووالزوج اخر واحد اذا فيه وقت

وبالاخير تزوج وحده ثانية عذره انها مهملته!!!وقبل هي مهملة نفسها!!!
عذر انه يبي العيال اهون اني اهمله!!!!!
الوحده ماتلحق اصلا على نفسها وعيالها وبيتها وشغلها 100%
وخصوصا عند انجاب اول طفل يكون فيه اهمال للزوج

نصيحة لاتخلين زوجك هو حياتك =هو فعلا جزء من حياتك

يعني (الزوج=وسيلة للسعاده تجلب معها وسائل سعادة متعدده تغنيك عن الرجل)

وبالاخير كل واعتقاداته!!
شكرا على حسن انصاتكم

~Rima~ · #7 (**permalink**) 23-12-2011, 06:29 AM

من اسباب العنوسه بالاضافه الى ماذكرت :

- رفض زواج الاقارب والكلام الفاضي بالرغم من التكافوه والتناسب يقولوا لا مانبغى من الاقارب تصير مشاكل

بالإضافه الى التعصب للقبيله البنت ماتأخذ الا من قبيلتها حتى لو ماكان مناسب حتى لو تعنس ماعندهم مشكله
يعني الاقارب لا ومن برا لا ( معادله صعبه) وتخلف..... وهذا واقع طبعا ليس عند الكل

- الزواج من الاجانب الا في حالات معينه

الصراحه موضوع متشعب والاسباب كثيره

الله يعطيك العافيه و مشكور على الطرح

فكة · #8 (**permalink**) 14-01-2012, 10:37 PM

[align=center]سبب العنوسة واضح الحريم أكثر من الرجال واللحين اللي يتزوج ثانية ولاثالثة ولارابعة قلوا
وأنا شخصياً ودي أتزوج "اللحين" قبل "بعد شوي" لكن مافي فلوس

ياخي ليش ماتسوي وزارة رأسين بالحلال برنامج تصرف على المتزوجين اللي مايقدروا يتوظفوا ولا عندهم دخل اما بسبب الدراسة أو غيرها (ألخ...) [/align]

ام الصبرين · #9 (**permalink**) 14-01-2012, 10:56 PM

السلام عليكم ورحمة الله وبركاته
اتوقع الاسباب كثيره ومنها الاهل يعتبرون البنت او الولد توهم صغار وعلى قولتهم خلهم يتمعون بحياتهم لاحقين على الهم ومنها اكيد لاسباب الماديه يعني الشاب ماعنده وظيفه=اكيد ماعنده مهر=اكيد مايقدر يصرف حتى على نفسه كيف يصرف على عائله وسبب ان الشباب والبنات اصلا مو شايلين مسؤلية انفسهم كيف بمسؤليه مثل الزواج اكيد صعب

الغازي · #10 (**permalink**) 21-01-2012, 02:33 AM

اقتباس:

المشاركة الأصلية كتبت بواسطة ام الصبرين

السلام عليكم ورحمة الله وبركاته
اتوقع الاسباب كثيره ومنها الاهل يعتبرون البنت او الولد توهم صغار وعلى قولتهم خلهم يتمعون بحياتهم لاحقين على الهم ومنها اكيد لاسباب الماديه يعني الشاب ماعنده وظيفه=اكيد ماعنده مهر=اكيد مايقدر يصرف حتى على نفسه كيف يصرف على عائله وسبب ان الشباب والبنات اصلا مو شايلين مسؤلية انفسهم كيف بمسؤليه مثل الزواج اكيد صعب

وعليكم السلام ورحمة الله وبركاته

الله يعطيك العافية