السلام عليكم
اخواني انا مهندس كهرباء قريب اكمل سنه من تخرجي وعاطل عن العمل
تدربت فترة بشركه بس ربي ما كتب اكمل معهم والحين على الله ثم على الاعلانات اللي اقراها
المشكلة مالقيت اعلانات كثيره تطلب مهندسين ولا ادري وين اقدم
لاتقولون لي سابك وارامكو لان القبول فيها يبي له وااااااسطه وكنت مقدم ولاجاني قبول
انا الحين شطبت على كذا شركه بالشرقيه وابي اسال عن شركات الرياض اللي ممكن اقدم عليها
ياليت الي عنده فكره يفيدني
وجزاكم الله خير

اكثر شركات الشرقيه طالبم مهندسين واخر شي شركة العسيس قرت اعلانهم عن طريق المنتدى

وبعدين اذا معدلك جيد راح تقلبك سابك بالراحه

بالتوفيق’’’

انا مهندس مثلك وجلست ستة شهووووووووووور

وماانكتبت لي لقمة عيش في اي شركة

اتوكلت علي الله عز وجل ورحت الديوان

وبعد اسبوع رايح الرياض

نصيحة قدم في ديوان قبل مايقولولك

انتظرررررر حتى يجي دورك

بالتوفيق للجميع

يعطيكم العافيـــه شباب
اخوي هرجك عسل وين فيه قدمت اذا بالشرقيه؟

.
.
.
اخوي حررام عليك ,, تقول مافي وظايف في الشرقية

عندك شركات المقاولات اللي تتبع ارامكو و غيرها ,,, تحتاج مهندسين

انا مهندس كهربائي ,,, خريج يوليو 2007
واتوظفت في يناير 2008 في مجموعة بن لادن

قدم في موقع ارامكو ,, وموقع سابك ,,, و الاتصالات السعودية ,, وشركة الكهرباء ,, وموبايلي ,, و زين ,,, واذا لك خاطر في الديوان ,,, رح لهم واطلع لـ ادارة الترشيح وشوف الوظائف المتاحة

ونصيحة الخير جاي ,,, لا تستعجل ,,, انا عطلت 6 شهور ,, وغيري للحين عاطل وغيري اشتغل من اول شهر

الرزق الله كاتبه قبل تخلق ,,, فلا تستعجل على رزقك ,,,

عليك بـ شركات المقاولة ,,, ترا رواتبهم حلوة ,,, وغير كذا تاخذ منهم خبرة ,, تحطها في عين الشركات وانت مقدم

والله يوفقك ويوفقني ويوفق الجميع يارب

.
.
نسيت أقولك // قدم في بترورابغ ,,, يقولو ان في طلب كثير للمهندسين

عواطلي الشرقية ترانا نفس الحال انا عاطل لي الحين ست شهور واكثر ومعي بكالوريس نظم ملعومات والمشكلة ان دراستنا خمس سنوات لكن الحمد لله لا زال فيه امل وبعدين دور ولا تتعب والرزق جايك جايك بس انت توكل على الله سبحانه ولا تيأس !!