وعليكم السلام ورحمة الله وبركاته
لاتستحين ذا حقـك و قولي لهم اللي بخاطرك هـذولا اهـلـك سنـدك و عـزوتـك

وقولي جزاء عمل الخير الي تبين تعملينه و جزاء اللي يساعـدك فيه


والله يوفقك ويعطيك على قد نيتك ابي ادعي لك بصلاهـ الفجر

اختي هاذي بطاقتك ولا واحد في الميه راح يقولك ماتثق فيني ومادري ايش

خليها معك ليش مع أخوووك

انتي طلعي البطاقه ورقم السري مارح يعرفه الا انتي


عطيه اخوك اذا هو الي يسحب بس موو يتحكم فيها


انتي الي تعطينه موو هوو *

انتي اولى بها من والديك خصوصا بانهما غير مجتاجين

جزاكم الله خير يا اخواني
بس وش اقول له ؟؟
وكيف ابدأ ؟؟
خصوصاً إني بروح معاه بكرة أوقع عشان يقصونها البنك لي
ياااااااليت أقدر أفصح عن اللي بداخلي واتجرأ وأتكلم
ساعدوني الله يساعدكم

البطاقه يعطونها لك التاهيل الشامل ويعطونك الرقم السري
وتراها 800 ريال ماهي 800 الف
عندك خبر بهذا الشئ
اخوك فيه من هو اهم منه ابوك وامك واللي مافيه خير لاابوه وامه مافيه خير للناس
اتمنى لك التوفيق

جزاكم الله خير
قلت لكم أخوي مستحيل ياخذ ريال
بس البطاقة لو ماكانت بيدي مشكله
وتعرفون الأب محد يقدر يتجادل معه يعني لابد من الاحترام
كفايه درست 4 سنوات جامعه وماكن يعطيني منها أكثر من 200 كل 3 اشهر
وهو يستاهل والله نظير تعبه علينا ،، بس انقهر لأني ما اقدر اعمل اشياء افكر فيها

أتمنى تدعون لي بظهر الغيب انها تكون في يدي
واكون حرة حتى في خصوصياتي


ألف شكر

شوفي يا اختي
البنك ممنوع يسلم البطاقة لاخوك
انتي راح تدخلي للقسم النسائي وراح تعبين استماره البيانات وراح يعطوكي نموذج توقيع راح يصير لك توقيع معتمد لدى البنك بعدها راح تعبين استماره ثانية وهي طلب بطاقة صراف وبعد ماتنتهين راح توقعين على استلام بطاقة الصراف وراح يعطونك كرت خاص بالبنك مكتوب علية اسمك ورقم الحساب وراح تطلب منك الموظفة ادخال رقم سري خاص بالبطاقة راح تعطيك جهاز صغير وتطلب منك ادخال الارقام
شوفي كل اللي صار بينك وبين موظفة البنك فقط اما اخوك فهو جالس برى البنك ينتظرك يعني انتي اللي راح تفتحين الحساب وانتي اللي عبيتي البيانات وانتي اللي دخلتي الرقم السري وانتي اللي استلمتي البطاقة واخوك برى البنك ولايدري عن شيء
اختي هذا بنك مو بقالة تقولي بروح مع اخوي وبقول لخوي عطني الرقم السري حق البطاقة لا انتي فاهمة خطأ البنك يتعامل مع العميل فقط العميل اللي هو انتي
يعني البطاقة انتي اللي راح تستلمينها والرقم السري ما احد يعرفة الا انتي لاتعلمي برقمك السري احد ولا احد يدري عنه انتبهي هذا رقم حسابك وشوفي يا اختي اذا انتي كريمة وبتعطين الوالده او الوالد روحي انتي للبنك واسحبي المبلغ من الصراف واعطيهم بس انتبهي تعطي بطاقتك احد حتى لو اقرب الناس لك وحاولي انك تستفيدي من مبلغ اعانة حافز يعني يعني كل شهر اصرفي من 500 الى 800 والباقي من مبلغ الاعانة اقصد من ال 2000 ريال حاولي تخلية بحسابك ونهاية السنه راح تجمعي مبلغ لابأس به يعني من 15000 الى 20000 الف ريال
مجرد نصيحة والله يوفقك ويوفق الجميع

الله يوفقك يامحتار
المشكله إن منطقتنا مافيها فرع نسائي
وخلاص أخوي قص البطاقه وكمل الإجراءات وجاب لي الورقة برى ووقعت
وأخذ البطاقه والقهررررررر إنه ماسألني حتى مجرد سؤال إذا تبين البطاقه أو لا
لكن بنتظر أول إعانه تنزل وإذا عطاها الوالد بدون علمي راح اطلبه البطاقه
لأن قلبي حاااااااااااااااامي عليه
وعادي أول إعااااانه تروح بمشيها وفدوه للوالد
لكن قررت بعدها مااااااااراح اسكت

وش رايكم ؟؟

دعواتكم لي الله يحفظكم

الدنيا يا اختي راس كل خطيئه وانتي واخاك تجمعكم الاخوه ويجمعكم بيت واحد فالحكمه والقناعه قلب وعقل يسعد بهما من تملكها واتمنى ان يكون التعامل اخوي قبل ان يكون مادي
وسامحيني اذا اخطأت فكلامي كله من محبه لكما