وظائف نسائية \\ المؤسسة العامة للتدريب التقني حتى 12 - 2

التدريب التقني · #**701** (**permalink**) 31-12-2011, 03:40 PM

اقتباس:

المشاركة الأصلية كتبت بواسطة شمس المغيب

السلام عليكم ورحمة الله وبركاته

دبلوم الحاسب عام 1424 مختوم من جامعه الملك سعود
مقبول من المؤسسه ولا مرفوض ؟؟
وهل لابد من توفر الخبره كشرط ؟؟

اقراى الشروط وان شالله تكونين مقبولة

عودك رنان · #**702** (**permalink**) 31-12-2011, 03:44 PM

اقتباس:

المشاركة الأصلية كتبت بواسطة مشكلتي طموحي

اخوي شاكرة لك تعاونك
سؤالي:
ماستر ادارة تربوية هل يناسب للتقدم للوظائف المطروحة؟؟

للأسف لا يناسب
الله يرزقك بأفضل منها

اقتباس:

المشاركة الأصلية كتبت بواسطة ماخليتوآ لي اسم

انا اقتصاد عام يقول لاتوجد فرصة وظيفية
حاولت بكل الطرق بكل المتصفحات بجهازي وجهاز اختي
نفس المشكلة .
واذ كتبت تخصص ملابس ونسيج تطلع لي الوظيفة
المشكلة انو مطلوب بالشششروط
مين اقتصادعام طلعت لة قائمة الوظايف...وش اكتب في خانة مسمى التخصص حسب الشهادة

بكالوريوس اقتصاد عام مسبوق بثانويه مهنيه تخصص ملابس ونسيج
اذا عندك ثانويه مهنيه تخصص ملابس ونسيج اضيفيها وتطلع لك الوظيفه

اقتباس:

المشاركة الأصلية كتبت بواسطة ورده عابره

انا قدمت مدربة دراسات طيب وين موقع الاختبار

اقتباس:

المشاركة الأصلية كتبت بواسطة ورده عابره

تكفون وين موقع الاختبار التحريري انا قدمت بحفر الباطن يعني الاختبار راح فيها يعني يكون
في المنطقه الي قدمت عليها

كل اختبار بيكون بنفس المنطقه

اقتباس:

المشاركة الأصلية كتبت بواسطة لي رب مايخيبني

اش يعني شهاده جامعيه متوسطه ؟؟؟؟؟
أنا حطيت في المؤهل بكالوريوس

وأنا دراسات اسلاميه
وش السالفه ؟؟؟؟

شهاده جامعيه متوسطه يعني خريجات المعاهد التقنيه تعادل دبلوم بعد الثانويه
انتي بكالوريوس دراسات إسلاميه يعني صح اللي سويتيه

اقتباس:

المشاركة الأصلية كتبت بواسطة غربه وطن

السلام عليكم
انا قريت في الموقع انهم محتاجين مدربه حاسب الي في الرياض
قدمت بالموقع واستغرب ما طلعت لي الا وظيفه ناسخه بالرياض
والغريب ناسخه محتاجين دبلوم وانا معاي ماجستير حاسب الي
فأستفساري كيف اقدم على وظيفه مدربه

وظيفة مدربه حاسب مشروطه بالخبره علشان كذا ماتطلع لك .
وتطلع لك الوظائف اللي ممكن تقدمين عليها
وناسخة آله المطلوب دبلوم بس ينفع يقدمون عليها حملة البكالوريوس والماجستير وطبعا الأولوية تكون للأعلى مؤهل

اقتباس:

المشاركة الأصلية كتبت بواسطة شمس المغيب

السلام عليكم ورحمة الله وبركاته

دبلوم الحاسب عام 1424 مختوم من جامعه الملك سعود
مقبول من المؤسسه ولا مرفوض ؟؟
وهل لابد من توفر الخبره كشرط ؟؟

وعليكم السلام ورحمة الله وبركاته
لا مرفوض لانه مو معتمد
وفي حال كان دبلومك معتمد لازم خبره لأن مضى على المؤهل اكثر من 5 سنوات

خنفوشاري · #**703** (**permalink**) 31-12-2011, 03:53 PM

موفق بإذن الله ... لك مني أجمل تحية .

جايه الوظيفه · #**704** (**permalink**) 31-12-2011, 04:06 PM

احد عنده فكرة عن الاسئلة؟؟

حرمان المالكي · #**705** (**permalink**) 31-12-2011, 05:57 PM

ارجوووووووووووووكم جاوبوني

انا تخصص علم اجتماع ولمن سجلت بياناتي طلع لي بالاخير

عفواً .. لا يوجد فرص وظيفية تطابق مقرك و مؤهلك و تخصصك و خبراتك

اش يقصدون ؟؟

متوظفة غصب · #**706** (**permalink**) 31-12-2011, 06:45 PM

انا عندي دورة الرخصة الدولية لقيادة الحاسب
أخذتها عام 2007
ولما أدخل على موقع الادارة العامة للتدريب الأهلي واستعلم عن شهادتي تتطلع بياناتي موجودة
السؤال: هل تعتبر شهادتي معتمدة ويؤخذ فيها عند تقديم طلب توظيف للمؤسسة؟؟

كآآآدي · #**707** (**permalink**) 31-12-2011, 07:14 PM

أنا تخصصي حاسب آلي ومطلوب اكثر من منطقة
بس ما تطلع لي الا ناسخة اًلة

جايه الوظيفه · #**708** (**permalink**) 31-12-2011, 07:26 PM

انا عندي دورة الرخصة الدولية لقيادة الحاسب
ولما أدخل على موقع الادارة العامة للتدريب الأهلي واستعلم عن شهادتي تتطلع بياناتي غير مسجله
وش معناه غير معترف بها؟

ام نواف نيني · #**709** (**permalink**) 31-12-2011, 08:59 PM

انا خريجة جديدة اقتصاد عام وثانوي عادي مو مهنى ماعندي لاخبرات ولادورات ولاشهادات احترافية ياليت تفيدوني هم يقبلون الجدد ابي اقدم في الجوف يالتدريب التقني رد على