حلوووه مررره فكرة إن كل وحده تشاركنا بقصة أقاربها المتعينات بمناطق نائيه أنا بصراحه أتمنى أتعين بمنطقه نائيه عشان عدد الطالبات شوي وبكذا بيكون الدوام مريح ,, بس مشكلة السكن وين بسكن ؟؟؟؟؟؟ بنصب لي خيمه وأشب الضو ويازين ماضي أجدادي هههههه

بنااااااااات لاأحد يعتمد على نقاطه توكلو على الله إن شالله خير لاأحد يقول نقاطي قليله لأن سمعت بنات توظفو وتقديرهم جيد وبنات تقديرهم ممتاز ولازالو عاطلات هاذي قدرة الله في تقسيم الأرزاق إنما امره إذا أراد شيئ أن يقول له كن فيكون ,,
حلو إنك تسألين كم وقف الترشيح في المفاضله السابقه على كم نقطه وتتفائلين إذا نقاطك عاليه بس لاأحد أبد ييأس
خلو شعارنا لااااااالليأس حتى لو لاسمح الله ماطلعت أسمائنا ضمن المرشحات نقول الجاي أحلى ,, وبإذن الله كل عضوات هالموضوع يترشحون ونفرح ونبارك لبعض ,,
يــــــالله على بابك ولاخاب طلابك أن ترزقنا التعيين في المكان إللي فيه خير لنا وتنفعنا في ماعلمتنا وأجعلنا ياربي نستفيد ونفيد مماتعلمنا ........

خلاص كيفت نفسي نفسيا انه بيحطوني في قرية مجهووووووووولة ان شاء الله ربي يكتب لي الوظيفة من غير تعب

بس جاتني افكار
اولا شي لازم اخذ بنتي وولدي معي باخذ شغالة للبيت وللبيبي
بنت تدرس اول ابتدائي والولد صغير
المهم اني باخذ البنت معي للمدرسة لاني اتمنى يحطوني بمجمع <<<<<<طموحه
مابيها تطلع قبلي لازم معي
وباسكن في اقرب مدينة للقرية واذا كانت القرية فيها خدمات مثل كهربا وشبكة جوال باسكن فيها اهم شي الجيرررررررررررررانيكونون طيبين وحبوبين والباقي يهون
الاكل وتوابعه كل اول شهر اشتري الضروريات والي ماتخرب اذا تخزنت<<<<<رايحة الفضاء
وش كمان ياربي ...................
احاول اطور نفسي ذاتيا وامارس هواياتي طبعا بعد ماانظم وقتي <<<<تقولون كيف والتدريس والتحضير
اذا بروح قرية اكيد طالباتها قليل
والدوام بدري ينتهي
وماعتقد في تعقيد مثل المدن من مشرفات ومناهج مطورة<<<<<ملاحظين قاعدة احسن الوضع
يارب هونها يارب اكتب الخير كان في الوظيفة او في غيرها
انا ماني شايله هم غير البعد يارب نتعين انا وصديقتي سوا يارب

صباياااااا عندي فكررره حليوووه شو رايكم كل وحده تدق على إدارة التعليم إللي قدمت عليها وتسألهم كم عدد النقاط إللي وقف عليها الترشيح الماضي مع ذكر المنطقه والتخصص يعني مثلآ أنا قدمت على المهد أول رغبه طبعآ
وتخصصي دين
أجي أقولكم بنات المهد وقف الترشيح الماضي على ××
التخصص /دين
هاااااه هل توافقونني الرأي ؟؟ عشان نبدأ من باكر
بس سؤال من أستعلم منه يعني من القسم النسائي وإلا من فرع الوزاره بالمهد وإلا من بالضبط بيفيدني ؟؟؟ ياليت إللي سبق وسألت وفادوها تقولنا من ندق عليه
يالله ياصبايا نبي تفاعل عشان نكون على بينه

حليب بالنسكافيه ههههههههههه ياحلوك مجهزه العده والعتاد الله يرزقك بالوظيفه المناسبه في المكان إللي فيه خير لك ويارب تجتمعين مع صديقتك نفس المدرسه ..