بنات انتم توكلو على الله ...لا تقولون تقدير ونسبه ونقاط...

كل وحده رزقها بيجيها ماراح تموت الا وهي ماخذه كل شي مكتوب لها


بس انتم ادعو باوقات الاجابه ..والله العظيييم الدعاء والالحاح فيه شي عجيب وعن تجربه ...

وايضا ادعو لغيركم لان دعوة المؤمن لاخيه في ظهر الغيب مجابه ...

واستغفرو وسبحو واكثر من الصلاه على النبي ..

واذا ربي ماكتب لك الوظيفه << لا تقطنين لان ربي كاتب لك شي افضل منها وبالوقت المناسب ..


لاتعبدوه ليعطي ..!
اعبدوه ليرضى
فإن رضى
ادهشكم بعطائه ...

سلااام
سمعت طاري سلخ ليش عيد الأضحى جاء مادريت
عنه ههههه ضحكتيني قصايد يااارب يصدق احساااستس
بكتب في الجرايد(متقدمة على وظائف الأمر الملكي تعرض نفسها
للسلخ بسبب تأخير إعلان النتائج) ههههههه

روعة معنى ( الجَبــــــــــّار)

‏​​‏​‏​ما معنى صفة الجبار؟
الجبار هو أرق إسم من أسماء الله الحسنى،
وأحن اسم،
فالجبار هو الذي يجبر عباده المنكسرين والمحرومين.. 
الجبار الذي لا يترك أحداً موجوعاً،
إذا ذهبت إلى الجبارتطلب عدله وحمايته
فلا بد أن يجبرك.
فهذا الإسم من أسمائه الحسنى هو للمنكسرين الذين أتعبتهم الدنيا،
وإذا كان إنكسار الأذرع أو الأرجل سهل مداواته عند الطبيب،
فإن انكسار القلوب </3 لا يداويه إلا ( الجبار ).
من يلم شملك إلا الجبار.. 
من يمسح دمعك إلا الجبار،
من يجبر قلبك الكسيرإلا الجبار.. 
ومن يخفف مواجعك إلا الجبار، 
هل عرفت الله بهذا الاسم؟
إذا نزل بك هم أو غم ...إذا أصابك ظلم أو مكر
ونمت ودموعك تسيل على خدك ودعوت الله أن يجبر خاطرك 
فإنه تعالى لن يتخلى عنك
 ثقي بالله وقولي :
((ياجبااااار السموااات والآرض اجبرني،،،
جبرآ يليق بجبرك جبرآ.....أنت أهله ووليه))

سألت عن المعدل 2.829من 4 كيف احسبه في المفاضله
ياخساره مافي ولاوحده قدرت ترد علي
والله ماكان العشم فيكم يابنات منتدى حلول البطاله
قال متعاونات قال

ي وخيتي لو اعرف قلتس بس مااعرف للأسف
وهذا حال كثير بنات هنا لو يعرفون ماقصروا

صبايا هذي حوارات اللي تعينوا المفاضلة السابقة
عشان احمسكم كما تحمس القهوة

بنات اللي عندها فكره تريحني ربي يريح قلوووبك
انا باااشرت من يوم الاثنين والحمد لله ارتحت للمدرسه والمديره عسسسل والوكيلات والمعلمات
الحمد لله الحمد لله مره مرتاحه مع ان الطريق تعب بس يهووون لارتاحت نفسيتي
الله شاااغل بالي ومكدرني اليوم جات وحده نفس تخصصي توجيهها على مدرستنا المشكله انو احنا 2 نفس التخصص والفصول قليل وكل وحده مننا حصص قليله والحين صرنا ثلاثه ...؟؟؟؟؟؟
المديره تقول لازم وحده فيكم تطلع انتداب او تطلع من المدرسه بس ماحددت مين وانا والله خااااااااااااا ااااااااااااااااايفه
مابي اطلع من المدرسه لاني مرتاحه والا غلب يقولون الاخيره هي اللي تطلع لاني باشرت قبلها بيومين ..
وانا ماعرف وش بيصير لان لو قسمنا الحصص بيصير حظ كل وحده فينا تقريبا 8 حصص ويقولون الموجهه ماترضى بهالشي
والله يابنات رغم تعب الطريق والشاحنات وضيق الطريق وخوفه الا اني متوكله ع رب العالمين ومرتااااحه في المدرسه

2

يابنات انا داومت من يوم الاثنين وبدأت ادرس يوم الثلاثاء ومسكت منهج اول ثانوي رياضيات مطور مره صعبه والبنات ياقلبي عليهم
مره عليهم ضغط من كثرة المواد وتطور المواد
ونفسيتي من الماده زي الزفت كلها براهين حتى انا اضيع كيف الطالبات
وعليها متأخرين في المنهج حق اسبوعين
يعني الوزاره تغلط واحنا نتحمل الغلط
الله يعننا

3
مرحبا بنات انا باشرت الاربعاء واعطوني رياضيات 1 2 3 متوسط كل المراحل ولا اخذو ولا درس بس بحاول اعطيهم كل يوم ثلاث او اربع دروس عشان يمدينا ... ومالقيت عندهم كتب يعني ماعندي اي فكرة عن المنهج الله يعينا جميعا ....


4

بنات دخلت المدرسه لقيت المنهج واقف ...

تخيلوا شهر ونص ومنهج الرياضيات واقف ..

حرام عليهم منهج مطور ما نستغني ولا عن *** , فما بالك عن حصص شهر ونص ...

صراحه مادري وش اسوي ..المنهج طويييل مره ولا يكفي ..

وبعد متوسط ..

وحصص اضافيه ماقدر اخذ .. لانه منهج واحد ل 3 فصول , يعني اذا اخذت اضافي بيكون 6 حصص بيوم واحد ,,صعب جدا
+ وضعي الصحي ما يسمح

عادي أحذف من المنهج ؟؟؟

5
الله يعطيكم العافيه يارب...

انا الحمد لله مدرستي فيها مدرسه وشالت هي 16 *** وانا 8 حصص لأني بالشهر التاسع ...

بس عالترم الثاني نتقاسم الحصص بالتساوي...

والحمدلله تقول مايدققوا كثير على التحضير وفكرة المناهج المطوره لأنه الماده اصلا عملي (حاسب)...

بس أنا خايفه لأني متخرجه قبل 5 سنوات احس اني نسيت كل شي

6

كيفكم بنات الله يعينا ويعنكم
والله احنا لحد الان ما استقرينا على جدول انا تخصصي علوم ورياضيات ومسكوني دين وكل مره يمسكوني فصل غير مرررره لخبطه
والحين مسكوني علوم من اول الى سادس وشايله هم اول وثاني مررره مفهين ما يدرون وين ربي حاطهم المشكله اول اجلس نص ال*** وانا اسكت فيهم الله يعين بس
وكمان تقول المديره بتمسكين حصتين دين علشان حصص العلوم 8 مره قليله والله اول مره اسمع فيها والمشكله المدرسه الي تعطي المتوسط علوم بس عندها 6 حصص ولا مسكتها مواد ثانيه والله بغيت اتكلم قلت اخاف يصير حزازيات بينا وانا ما ابغى هذا الشئ

7

- بنات يحق لنا ناخذ اضطراراي ولا لا ؟
- ايوة عندنا اضطراري خمس ايام لو مااخدذتيها قبل محرم بتروح عليك لأنها تنتهي بنهاية السنه الميلاديه وبعد محرم تنزل لنا كمان خمسه ايام بداية السنه هدا كلام المديره لي[IMG]http://forum-static.**********.com/images/**********/smilies1/smile12.gif[/IMG] يابنات خدوها لاتروح عليكم
- تصدقين اني اخذت اضطراري من بكره الى اخر الدوامات
من جد طفشت
برتاح شوياات
- بنات ودي اخذ اضطراري قبل يروح علي
بس مستحيه هههههههههههههههههههه

- حبيبتي ليش مستحيه هذا حقنا
ولا احد منكم يقول مستحيه في شي
سواء مناهج ولا عدد حصص ولاشي
اكتشفت يلعبون علينا يالجديدات
انا سكت منهم على الجدول لاني مامسكت حصص الا الاسبوع هذا
وناويه الغياب الاسبوع الثاني
بس ناويه لهم اذا رجعت اغير الجدول مو على كفيهم يمسكوووني اشياء مو لي




ربي يوفقهم ويرزقنا