اهلا بنات انا اول مشاركة لي سجلت عشان نتشارك هم المباشرة متى انا تثبيتي في نورة الله يعجل لنا قريبا

اتصلت على رقم شوون الموظفات اللي كانت حاطته ام ناصر الله يجزاها خير وردت علي الموظفه واخذت اسمي وسجلي وقالت ماعندنا شي الحين ولا وصلنا شي

طبعا هذا الكلام الاثنين اللي فات

هايدي وينك شكلك نايمة ياحبي لك تصدقين مدري ليه احس شخصيتك مرة قريبة مني يارب نصير صديقات بالجامعه ههههههههههههههههه

بنات منو يعرف رقم اداره كليه المجمعه ...

ناس تقول 4 وناس 5 وناس ماعندنا شي مادري هم يصرفون والا مادري متى هالسالفة تعدي على خير لاجدارة ولا كدارة ولا مباشرة للحين

مساء الخير ياصبايا ..خاصة بنات سعود
اليوم رحت الخدمه"رجال ونساء" وطبعا ماطلعت بنتيجة
النساء تقوللي ماعندنا غير اسمك والمكان الي متعينه فيه ..و جهة عملك هي اللي تعطيك المرتبه والمسمى
أما الرجال: قال كلام كثيررر
<اسمه الفوزان أظن> يقول ماوصلنا مسميات وظيفيه ..قاله ابوي في ناس اخذوا التفاصيل من عندكم قال لأ من قال
انا استغربت في بنات كثيرر راحوا وعرفوا مسمياتهم من قسم الرجال شلون يقول هالكلام


المهم قال شي ثاني انا مافهمته
يقول يمكن يبيلها 90 يوم لين توصلنا .<<وشهي هاللي بتوصل بعد 3شهور مادري
انتوا استنتجوا

آخر شي قلت خليني اجرب واتصل ع الجامعه
إلا يرد علي الموظف الله يسعد قلبه ..قال اللي اخذوا مسمياتهم اغلبهم اللي على البنود اما اللي مااشتغلوا قبل مثل حالتي لسه .. بس ع الأغلب >كاتب_مساعد اداري _ ناسخ ..الخ و ع السادسه

وانه التأخير من الخدمه مو منهم والندوب جاهز << المهم انه يهذر ع راسي وانا اقول ايواا ايووا
يعنني فاهمه

بس سالفة ال90 يوم صدمتني

يللا اللي فهم شي من كلامي يعلمني هههههه
اشوفكم بعدين

تو كلمتهم يقول للحين المحاضر ماطلعت من الخدمه ويبيلها شهرين
الله المستعان وانا متحمسه على بالي شهر4.لعلها خيره ان شاءالله.
هذا بخصوص جامعه المجمعه

90 يوم والله الدجاجة باضت وفقص بيضها وصيصانها يطامرون وهم للحين بالبداية قالو كم اسبوع بس ويجي اتصال وحنا نعد متى يخلص الاسبوع والحين بعد 3 شهور خير وش صاير لهم حرقو اعصابنا والمقصود ياصبرني يوصلهم اتوقع المحاضر ولكن المحاضر بمنتدى التثبيت يقولون واصلة وكلمت قبل اسبوعين موظفة قالت انتظرو ثلاث اسابيع تضارب باقوالهم وحنا زي الكورة بالملعب ماندري وين نتوجه