سجلت في جدارة وطلع لي انتي مشمولة بالأمر الملكي للتثبيت [ هنا التجمع ]

التاجره ام ناصر · #**311** (**permalink**) 20-01-2012, 09:43 PM

اقتباس:

ايوه طلع لي انه مشكوله بالتثبيت
بس المشكله رحت لتربيه والتعليم قالوا مافيه لك اسم
ويمكن خطاء من جداره
ارسلت للدعم قالوا اني مثبته
وارسلت فاكس لديوان الرياض وكمان قالوا اني مثبته ولازم اراجع التربيه والتعليم !!

لازم تراجعينهم هالاسبوع يشوفون لك حل
اما يتاكدون لك من الثبيت
اويشوفون حل عشان يمديك تسجلين بجداره
ضروري تراجعينهم ولاتتهاوني باقرب وقت
السلام عليكم

اقتباس:

حبيت استفسر من ام ناصر الله يجزاك خير ماقصرتي مع البنات وابي تجاوبيني انا شملني التثبيت ومتخرجه قبل 8سنين ويمكن اكثرررر

بكالوريوس يعني بيكون على المرتبه السادسه اكيد ؟

وهل يحتاج اروح للجامعه القسم النسائي؟

وابي اعرف وش طبيعه الوظيفه ؟

المرتبه المستحقه للبكالوريوس السادسه للتخصصات النظريه والسابعه للعلميه
لو حبيتي تقدرين تراجعينهم عشان تتاكدين انه فعلا مثبته ومافيه لخبطه فالتثبيت
على العموم هم راح يتصلون على الجميع
طبيعة الوظيفه عمل اداري

التاجره ام ناصر · #**312** (**permalink**) 20-01-2012, 09:51 PM

اقتباس:

صباح الخير

انا مثلكم طلعت هالعبارة اني مشمولة بالأمر الملكي بالتثبيت عندي خبرة 3سنوات بأهلية والسنة هذي عاطلة ويجيني حافز .. وماقد تعاقدت حكومي ولامرة

انا بشهر 7 قدمت على معيدة بجامعة الاميرة نوره واختبرت وعديت الاختبار وقابلت وكمان عديت المقابلة ولله الحمد
بس صار اسمي من ضمن الاحتياط
وكذلك قدمت على جامعة المجمعة وسويت بس مقابلة ماكان فيه اختبار بس مدري هل عديتها او لا ؟

سؤالي :

اذا كان التثبيت بجامعة الأميرة نوره بيكون على وظيفة معيدة أو إدارية ؟

طيب المشكلة الحين اني ماعاد صرت بالرياض ؟ يعني اقدر انقل للجامعة الي بمنطقتي او لا ؟

جزاكم الله خيرا

اهلا اختي راسلي الدعم والمسانده وهم راح يفيدونك وين مكان الوظيفه بنوره والا المجمعه
راح تحصلين الرساله بالجنك ميل(الغير هامه) مو الوارد
الوظايف اداريه واحتمال يشمل المعيدات
راح يكون التوظيف بنوره اول للاداريات ثم المعيدات
اتمنى افدتك وطمنينا وش يصير معاك

اقتباس:

طيب ام ناصر الله يوفقك وين قسم شؤون الموظفات في جامعة الاميرة نورة؟

ووين قسم شؤون الموظفين الرجال؟؟ وتتوقعين الاسبوع الجاي يكونون مداومين ؟

شوون الموظفات في المبنى الجديد حي النرجس
وشوون الموظفين مخرج 9
اتوقع مداوميين وحتى لو مومداومين فاكيد فيه من ينوب عنهم

أيامي كلها خير · #**313** (**permalink**) 20-01-2012, 10:19 PM

الله يووفقكم
طيب مافيه احد مثبت في اداراات التربية والتعليم مثلي الاغلب جاامعاات
اللي مثلي ترااسلني خاااص
يعطيكم العااافية

التاجره ام ناصر · #**314** (**permalink**) 20-01-2012, 11:15 PM

اقتباس:

سؤال بنات أنا حالتي غريبه شوي أنا كنت بديله ومتخرجه من ١٠ سنوات واتمنى تثبيتي ومتامله خير بسالكم جتني نفس العبارة بس أنا مقدمه علي جامعة نوره والمهم ماابغي الجامعة لان نظامهم مؤ مثل المعلمه طبعا المعلمه احلي فرررق الحين ايش المفروض اسوي في امل أتنازل عن الوظيفه او ايش الحل ساعدوني ربي يفرج همي وهمكم قبل يفوتني التسجيل بجداره

كيف فرق ممكن توضحين؟؟
طيب لوتنازلتي متاكده انه راح تتعينين معلمه قريب ؟؟
ولو صار تعيين ضامنه انه يكون تعيينك بنفس مدينتك؟؟
بالاضافه لعمل بالمدرسه وعمل بالبيت تحضيير واختبارات وانشطه
راتب الاداريه البعض 6200 ويمكن يزيد لو عندها دبلوم ودورات وخبرات والبعض7000
والمعلمه 8000 وشوي والزياده الللي تفرق عن الاداريه هي نفسها قيمه سكنها او سواقها خارج المدينه ؟؟
مجرد راي والقرار قرارك لكن ياليت تستشيرين وتستخيرين قبل تتنازلين عن وظيفتك
وراجعي الخدمه المدنيه يشوفون لك حل لومتنازله عن الوظيفه قبل ينتهي التقديم بجداره

التاجره ام ناصر · #**315** (**permalink**) 20-01-2012, 11:22 PM

اقتباس:

ام ناصر وينك افيدينا الله يجزاك الجنه

والله يااختي عندي ظروف ومشغوله مرررررره
بالاضافه انه فيه اسئله احاول قد مااقدر اتاكد منها قبل اجاوب عليها
لكن احاول قد مااقدر اني ادخل المنتدى
فالمعذره من الجميع لو قصرت

التاجره ام ناصر · #**316** (**permalink**) 20-01-2012, 11:27 PM

اقتباس:

السلام عليكم ورحمة الله وبركاته

ام ناصر................. الله ينصرك بنصره قولو آمييييييييييييييييييين

وعليكم السلام والرحمه
امين يارب

تسلمين على الدعوه الحلوه

التاجره ام ناصر · #**317** (**permalink**) 20-01-2012, 11:31 PM

اقتباس:

رحت اليوم الجامعة حولوني شؤون الموظفات لشؤون الموظفين قالوا ما عندنا شيء نقوله لك ننتظر الخدمة المدنية ترفع البيانات الله كريم ويوفقني ويوفقكم انا خايفة تطير علي وانا ما عرفت مسمى الوظيفي وأي مرتبة ويطير علي التسجيل بجدارة

تفاءلي بالخير
وموصاير الا كل خير ان شاء الله

اقتباس:

ش سالفتكم كيف قدمتم

عن طريق النت والبعض مقدم ملفه للجامعه اتمنى افدتك عزيزتي

التاجره ام ناصر · #**318** (**permalink**) 20-01-2012, 11:37 PM

اقتباس:

انا مسافرة

وماعندي جديد

انتم طمنوووني وش اخر اخبار جامعة نورة

ام ناصر تتوقعين متى يتصلون علينا ومتى نباشر

!!!

ترجعين بالسلامه
اخر الاخبار التثبيت يبدا من شهر 3
ان شاء الله قريب

التاجره ام ناصر · #**319** (**permalink**) 20-01-2012, 11:39 PM

اقتباس:

بنات الله يعافيكم انا طلعت عبارة مشمولة بالتثبيت مع اني ما كنت متعاقدة ابدا ولااااااا قدمت على اي جامعة
ولا مرة......
اتمنى تفيدوني الله يعافيكم,مع اني راسلت الدعم بس ماردوا علي
وبالتوفيييييييييق للجميع يارب

تحصلين الرساله بالجنك ميل الغير هامه

اقتباس:

اختي جروح منسية الله يوفقك حبيبتي اي الحمدلله لقيت الرد مكتوب انت مثبته راجعي مرجعك جامعة الملك سعود
بس وش اسوي الحين لاني ماقد قدمت على الجامعة ابدااااا
وبالتوفيييييق للجميع يارب
الله يفرحنا جميعاااااااااا بعد طول انتظااااار

يمكن قدمتي من زمان وناسيه موشرط التقديم قريب

او احد اخذ ملفك ومقدم لك

لاتسوين شي هم الايام الجايه بيتصلون عليك ولو مومتطمنه راجعي الجامعه

التاجره ام ناصر · #**320** (**permalink**) 20-01-2012, 11:51 PM

اقتباس:

السلام عليكم

بنات انا طلع لي نفس العباره

اتصلت ع الخدمه المدنيه قالوا راجعي جامعة نوره

المشكله نوره للحين ماعندهم سالفه ونفس الكلام راجعينا شهر3

قسم بالله خايفه احس ممكن يصير فيه تلاعب

الله يكتب لنا اللي فيه الخير يارب

ويرزقنا بكل اللي نحلم فيه

وعليكم السلام
موحاصل الا كل خير ان شاء الله
وانتظري لشهر 3 موبعيد

اقتباس:

بنات السؤال الحين لما قدمنا بجداره وطلعلنا مثبتات وراجعنا الجامعات وقالوا تمام انتم اسماءكم موجوده السؤال المهم كيف بتوصلهم بياناتنا؟؟؟ من جداره نفسها ذاك التقديم القديم يطبعون بياناتنا ويرسلونها للجامعات ولا شلوووون انا يوم قدمت لجامعة سعود كانت معي اوراقي بس مره ناسيه اذا كان السي في موجود مع اوراقي ولا لا مره خايفه من الوضع ابي اتأكد ان بياناتي كامله خصوصا ارقام الجوالات عشان يرسلون عليها تكفون عطوني خبر

اكيد عندهم بياناتك ومعها رقم الاتصال وزياده على كذا لو شفتي المثبتات معك صارو يتصلون عليهم وماحد كلمك راجعيهم على طول

اقتباس:

ألاحظ كثير الي قبلتهم جامعة نوره ت تتوقعون في مفاضله او لا الله يستر حرمونا من جداره وياخوفي مايقبلونا بنوره

لامافيه مفاضله

سجلت في جدارة وطلع لي انتي مشمولة بالأمر الملكي للتثبيت [ هنا التجمع ]

جدارة إستفسارات ونتائج ونقاشات

السلام عليكم ورحمة الله انا سجلت بجدارة وطلع لي هالكلام الغريب انت مشمولة بالأمر الملكي الخاص بالتثبيت ولا يمكنك التقدم للوظائف التعليمية النسوية...

سجلت في جدارة وطلع لي انتي مشمولة بالأمر الملكي للتثبيت [ هنا التجمع ]

تسجيل الدخول

سجلت في جدارة وطلع لي انتي مشمولة بالأمر الملكي للتثبيت [ هنا التجمع ]

جدارة إستفسارات ونتائج ونقاشات

السلام عليكم ورحمة الله انا سجلت بجدارة وطلع لي هالكلام الغريب انت مشمولة بالأمر الملكي الخاص بالتثبيت ولا يمكنك التقدم للوظائف التعليمية النسوية...

سجلت في جدارة وطلع لي انتي مشمولة بالأمر الملكي للتثبيت [ هنا التجمع ]