كيفكم يااخوان ان شاء تمام


انا من جده كانت مقابلتي في الرياض ولا اعرف اي شي فيها الا انك تجيلها من الطائف بس

طبعا كنت واثق من القبول المبدئي 90%
لاني اخترت تخصص جندي طبااااخ
لانه اغلب الشباب ماقدموا عليه بسبب المسمى الوظيفي
بس تدرون احنا في زمن حقك ماتاخذه كيف وانته خجول وتراقب كلام االناس اكيد بتفضل زي ماانته

المهم شغلت موتري يوم الاثنين في الليل ووصلت الساعه 8 الصباح

اخذت شقه بس ماجاني النوم ابد ماني متعود على الغربه
ومن صباح اليوم الثاني رحت للكليه تقريبا وصلت الساعه 6 تمام

وجلست اتدفى في السياره المهم هناك صار موقف لي بس اشوى محد جاء معي علشان مايفشلني ويعلق علي

المهم فيه اوادم اشوفهم من بعيد عند البوابه انا طبعا في السياره مانزلت لان بوابتهم مافكوها بعد
شوي واشوف هالاوادم يركضون معا البوابه داخلين سرا
وماتشوفون الا وخويكم نااااط من السياره يركض بالملف ويوم اقرب منهم
الا وهم يطلعون بنغاله متجمعين عندهم شغل داخل الكليه

اشوى مافيه احد جاء معي الا كان تشمت علي طول الخط
ورجعت للسياره مطأ طأ الراس
وانتظرت تقريبا نص ساعه وفكوا البوابه ودخلت لقيت باص منتظرنا نركب فيه لين يتعبا
ويودونا للكليه داخل نفس القاعده
اول مادخلنا المقر حق الكليه جلسونا على الكراسي تقريبا 30 عاطل
وبالدور ياخذون الملفات ويدبسون الاستمارات فيها والصور الشخصيه
وبعدين يقلك اطلع فوق انتظر عند غرفه الطول والوزن
طلع طولي 168 سم والمطلوب 165 سم
قلت في نفسي وانا مسكين اطارد في الامن العام 4 سنوات وطولي يطلع ناقص
اكيد واللي يقيس طولي في الامن رقيب معفن مايعرف السانتي من المتر
لاكن القوات الجويه ماشاء الله جايبين ممرض سعودي يقيس الطول بالصدق

المهم عديت الطول والوزن
وقالوا اللي خلص ينتظر عند الغرفه بالسرى
اللي هي مرحله المقابله
جاء دوري في المقابله الحين احسبه شخص واحد بس
الا وانا داخل على طاووله كبيره فيها رتب تخووف
دخلت وقلت السلام عليكم طبعا ردوا كالعاده بدون نفس
قالي ملازم اول منهم انت من جده قلت ايه نعم
قالي اللي جنبه طيب وش تعرف تطبخ بغيت اقوله اندووومي
لاكن جاني سؤال علا طول وكنسلت الاجابه
قالي تعرف تسوي شاهي قلت اكيد
قال وش تسوي فيه
قلت اكيد شاهي ومويه وسكر وبس
قالي خلاص كذا
قلت ايه كذا

قالي وهوه واثق لا لا لا
اول شي تغلي السكر بعدين تحط المويه
قلت له هاذي وجهه نظرك اما انا لي راي ثاني

وسأل اللي جنبه قالي انت من جده وجايي هنا متعني وش تبي وبعدين كيف اهل جده
يطلعون منها

قلت وبكل ثقه وهدوووء خدمه الوطن تجمعنا وسكتووووا
بصراحه مدري كيف زبطت معي هالجمله
بس اكيد قالوا هذا بكااااش كبير
وانتهت المقابله قالوا لي ان شاء الله يجيك اتصال بعد اسبوعين كذا


ورجعت وانا طالع من البوابه
اخذت حجران
تدرون ليه
رميت البنغاااااااله

امزح معكم

هههههههههههههههههههههههههههههآآآآآآآآآآآآي

الله يوفقك . .و تبطخ كبسه .. . .:P


االله يوفقك .. وتحقق مرادك..

هههههااااااااااي

والله كفو وخصوصا يوم سكت العسكري الي مسوي فيها يبي يعلمك كيف تسوي شاي كان قلت لهه قوم سو لنا شاي بدل الفلسفه

والبنقاله يااعيني مساكين ياولد بس لايكون فيه ضحايا

الله يوفقك ولايرد تعبك

موووفق ياوحش وبالمناسبة لك أسلوب كتابي خطيير وسلس بين قوسين (إبداع)

السلام عليكم ورحمة الله وبركاته

شوي وانتحر

ممكن ترسلي رقمك خاص
انا من جدة وارجع في الرياض مثلك

الله يوفقك ياخوووي ويكتب لك الخير