السلام عليكم ورحمة الله و بركاته

اليوم وقبل قليل دقت علي واحدة من برنامج طاقات التابع لحافز و قالت نبغى نحدد معك موعد ،، الموعد بكره الساعة 9 الصباح ،، و اجيب معي سيرتي الذاتية و اثباتي
مدة اللقاء من ساعة و نصف إلى ساعتين

موقعهم مخرج 28 البديعة الدائري الجنوبي مبنى مكتوب عليه طاقات التنمية البشرية ...طبعا سألتها قلتها هذا يعني يعتبر اجراء روتيني او توجيه لوظيفة معينة ،، قالت لا هو عبارة عن مقابلة و تكون عندي مشرفة خاصة فيني هي بعدين توجهني للوظيفة ،،، قلتها يعني هذي تعتبر كخطوة ثانية استكمالا للخطوة الاولى قالت نعم ...

ماشاءلله حسيتهم بسرعة يمشون الله يستر و ان شاءلله خيره ...الاربعاء اللي طاف كان الاختبار و اليوم تحديد موعد ...يارب خير ان شاءلله و ما يكون شئ يصدموني فيه ...بس على الاقل انا اكيد في لقائي معهم راح احط النقاط على الحروف مثل ما يقولون ...لانه اساسا في الامتحان حق المهني اغلبها كنت حاطة لا ارغب عشان مو اي وظيفة يعرضون علي ...

و الله اني ما اطلب اكون مديرة ولا مشرفة ولا شئ بس اطلب حقي الطبيعي في الحصول على وظيفة تناسب شهاداتي اللي تعبت و حصلت عليها لا اكثر ولا أقل .

بنات في احد اتصلوا عليه ايضا ؟؟ و هل في احد سبق وراح مقابلاتهم ؟؟

بس صراحة ما توقعت يتصلون اللحين ..اجل وقت الاختبار المسؤولة كانت تقول 25 يناير على ايش تقصد ؟