السلام عليكم ورحمة الله وبركاااته

كيفكم يـاأعضاااااااااء منتدى البطالة بصررراحه انا احس براحه لما ادخل هاالمنتدى وصارلي فتره ابي انزل هاالموضوع بس ماادري وش اللي يمنعني بس عسى خير ان شاء الله
الموووووهم ياطويلين العمررر انا من زماان نفسي اسووي مشرووووع بس طبعا تحطيم الأهل له دور كبير علي صااروا يتريقوون في وفي مشاريعي اللي بالاحلام طبعا
اول شي انا مدرسة بمدرسة اهلية وراتبي 1200 وغير خصومات الإجازات والغيااب وصراحه نفسيتي مرره تعبانه من المدرسة ومن مجتمع المدرسة والاشياء اللي تصير فيهاا
فقلت ليه ماافتح لي مدرسة خاصة انا بماان بنك التسليف يدعم هاالمشرروع وابغى ابدأاول شي بمرحلة الروضة ووبعدين اتوسع واكمل باقي المراحل بس طبعا لقيت التطنيش من اهلي ومافي احد مساعدني مع انه عندي المقدرة على اني ادير المشرروع وابي بس تشجيع منهم بس من جد حطموني وقلت خلاص اصرف نظر عن المشروع ووجا في بالي فكرة المشغل بس المدينة مافيه شارع الا فيه مشغل اذا مو واحد اثنين جنب بعض وانا محتاارة بين المشروعين وانا داخل مزاجي الاول لاني احس اني راح ابدع فيه لانه فيه افكاار كثيره راح انفذهاااااا

اللي ابيه منكم تسااعدوني في دراسة الجدوى لبنك التسليف

وطبعا ابي اشوف رايكم اي مشروع افضل

وسلامتكم

اذا تبين الصدق ..؟؟

والله مدرسه مره كبيره اذا ماكان معك احد يساعدك ..

اما المشغل انا اقول انه مشروع طيب لك ان شالله ..

ماعندي فكرهـ حقيقة عن دراسة الجدوى ..

لكن لااملك الا ان اقول :

الله يوفقك ويسهل امورك ..

تحياتي ..

كان بودي مساعدتك
لكن ماعندي خلفية عن المشاريع هذي.
وبالتوفيق ان شاءالله

ابحثي في هذا الموقع

http://www.4eqt.com/vb/forum116.html

ما شاء الله تفكيرك مثل تفكيري وبعد دراستي للامر رئيت ان المدرسة احسن من المشغل بكثير وان راح اساعدك واشجعك بخبراتي
توكلي على الله وانا اول المدرسات عندك

اختي الجريحه ممكن توضحين لنا كيف المدرسه افضل من المشغل ؟؟

مساء الخير اختي المميزة 2006
1/ اخذيلك فرة على شوارع الرياض تلقين في كل شارع خمس مشاغل وكلها محد يجيها غير في العطلة الاعراس والمناسبات بينما المدارس وانتي مادخلتي عند الباب تسمعين اصوات البنات المدرسة غاصة من البنات اكثر ايام السنة
2/شوفي الدورات الي هالحين قايمة في المعاهد عن المكياج وعن الخياطة وعن الشعر والتنظيف وغيرة في المعهد التديب المهني ومكتب عبد اللطيف جميل والمعاهد الاهلية كلهم يعلمون الحرفةفي اقل من 6 شهور يعني كل وحدة ماتعرف اول تعرف ذى الحين وخاصة ان هذي المعاهد زحمة الان يتعلمون ويسوون لانفسهم والجيرانهم والخالتهم ولعماتهم
3/سمعتي عن الي يصير في المشاغل في الاوان الخيرة من خطف وتصوير و الخافي اعظم
هذى سبب للبنات الخوف من هذي المشاغل بينم المدرسة ادخليه كريمة واخرجي كريمة من مراقبات للطالبات والي داخل والي طالع
4/في الاوان الاخيرة يحرص الاهل على البحث على المدارس الاهلية ويرون انها افضل من الحكومية او بسبب ازدحام المدارس الحكومية

اوافقك في هالراي بس ماحبيت اخلي التعليم مجالي التجاري حاليا
هذي بتكون الثانيه باذن الله
على فكره لو قدمتي على بنك التسليف الظاهر يعطونك قرض اذا كان لمدرسه
اسال وارد لكم خبر

الله يوفقك في الاول والثانية