السلام عليكم ورحمةالله وبركاته
سعيدة بانظمامي لهذا المنتدى الرائع

تعبنا من البطالة وجلست البيت وانتظار الوظيفة
قلت اطقطق لي على مشيريع بسيط
بديته مع مجموعه تشاركنا واشترينا اغراض ضيافة (معاميل)وتعاملت مع قهوجيات وصبابات مجربتهم شخصيا
عملت لي كروت تسويقيه وسميت المجموعة
وحطيت اعلانات بكذا منتدى
لي الان سنة ماجاني في بدايتها الايمكن خمس عميلات
اعجبتهم الخدمات والاسعار
واثنوا على طاقم العمل
ولكن لايزال الاقبال محدود جدا
خصوصا لما يعرفون اني مواطنة سعودية



انتظر تحليلكم للمشكلة وحلولكم

اذا انتي بجدة تواصلي معي

والقهوجيه فيه رجال ونساء ولا نساء بس ؟

لا انا بالرياض
دعواتك لي

امين يارب ويوفقك
ويرزقنا الصبر

اولا بخصوص توقيعك انا مستغرب من المدرسات العجز ليش ياخذن زمنهن وزمن غيرهن ؟؟
ليش مايعطون الشابات فرصه ..؟

ثانيا اصبري ولاتيتعجلين ع رزقك


دامك جالسه جالسه وش المشكلة اذا صبرتي ع شغلتك ؟

وعليكم السلام ورحمة الله وبركاته

أظن الخلل عندك في التسويق

انشري نشاطك في المنتديات النسائية

اتفقي مع صالات وقصور الأفراح والاستراحات

وممكن المدارس

الله يوفقك

صحيح آختي أنـآ رآي الخلل فالتسويق
يعني آنشري مشروعك فأكثر من مكـآن
أو فموآقع كبيرهـ على آلآنترنت
مثلآ الفيس بوك آو تويتر
كثير آشوف نـآس بالفيس بوك يسوقون لمشاريعهم الخاصَه
زي الكب كيك وغيرهـ وتجيهم طلبات بالهبل
و موفقه آختي بأذن الله

لو مكانك .. أستأذن من صاحبة أي مناسبة إنك تصوري بعض الصور الي تعكس أداءك ..
و تحطيها بالمنتديات و توريهم ترتيبك و شغلك .. و تتكلمي عنه .. و تقنعينهم .. و بالصور تغنيك عن ألف كلمة


ربنا يوفقك


الصبر ثم الصبر ثم الصبر

إذا شغلك تمام أختي .. و واثقة من هذا الشي ..

نصيحتي لك .. حطي عرض و قولي ( إذا لم ترضَ عن الخدمة المقدمة من قبلنا ، بإمكانك استرداد أموالك كاملة ) ..

طبعـًا هذا العرض بيعطيك مصداقية أكثر و ثقة أكثر فيك .. يعني بيخلي الشخص يفكر مية مرة فيك .. و في الأخير يجرب معك ..

طبعـًا أنا أقول إذا أنتي واثقة من الخدمة المقدمة منك .. مو تنكبين نفسك و تنكبينهم .. طبعـًا صدقيني إذا الخدمة مرضية راح يتفاعلون معك إيجاابـًا .. و بيعجبون اكثر و أكثر .. إلا إن طلعوا لك ناس تعبانة و سيئة فالشكوى لله .. و هذولا قليل ..

بس صدقيني العرض هذا راح يكون عامل جذب للزبون .. و بيكون عامل دفع لفريق العمل معك بإنه يشتغل بإخلاص و تفاني ..

و بمجرد بس تنجحي في هالشي راح ينتشر اسمك بسرعة و كل الحريم بيقولون ( نجرب ، و لو ما عجبنا ناخذ فلوسنا ) .. طبعـًا بتواجهي أشـكال سيئة .. تقول لك و الله ما استفدنا و كذا و لكن هذولا قليل


فكري زين و الله يوفقك