السلام عليكم ..

أنا في طور الإعداد لفكرة تجارية .. و هي تصنيع منتج معيـّن يباع في مواسم الحج فقط .. و أحتـاج أجهّز له بشكل كبير

بس أني أبي أفهم وش الشروط الي لازم تنطبق أو الأشيـاء الي لازم أسويها عشان استورد من الصين او الهند؟

هل تنطبق عليهم نفس الشروط؟

يعني هل لازم سجل تجاري؟ هل لازم أكلم بلدية و الا ايش السالفة بالزبط ؟؟


ببدأ من الصفر


لا هنتوا

اهم شي استخراج سجل استيراد من الغرفه التجاريه

أخوي بولمار .. محاكيك جدًا عليمي و مبتدئ في هالأمور ... السجل التجاري هو نفسه يعني افتتاح مؤسسة فردية و الا أنا غلطان؟

و هل لازم وجود مقر لي مثلا ؟؟ و الا بس ع الورق و الســلام؟


و هل فيه شروط لهالمؤسسة ؟ يعني مساحة معينة و الا شي زي كذا؟

و هل مثلا كل مهنة أبي أزاولها لازم لها سجل تجاري لحالها؟

مثلا قل أني أبي افتح مثلا بقالة .. و أبي أستورد من الصين و الا الهند .. و أبي أصدر لأمريكا تمور


هل كل شي من هالأشيـاء يبي لها سجل تجاري لحالها ؟ و اسم لحالها ؟؟


لاهنتوا جميعـًا

بارك الله فيك حبيبنا ...

و يا ليت الي عنده معونة او اي شي يعتقد انه يفيدني يقول لي

ليتك وضحت المنتج الي حاب تتعامل معه على العموم
تسمي بالله وتستاجر محل خارج المدن الكبيرة (اسهل بالاجراءات وارخص ايجار ) تاخذه لمدة سنة او اكثر تستخرج الرخصه على حسب نشاطك وتستخرج سجل تجاري تكتب نوع البضايع الي تتعامل معها مع تصديرها وبالاخير تكتب واستيرادها وتشترك بالغرفة التجارية بعدها للخطاط تطبع مطبوعات للمنشأة وختم بعد كذا ان حبيت يكون تعاملك رسمي تفتح حساب مؤسسة وتدخل بعدها بالاستيراد بواسطة الاعتماد البنكي كل هذا ماجربته لكن عايشت من مر بهالتجربة وموفق خير