السلام عليكم ورحمة الله وبركاته

انا من أبناء هذا الوطن الغالي
على قلوبنا وحيث انني لم يسبق لي القبول في الجامعه وانا حاصل على نسبه الثنويه 70.59 عام 1432هـ..
والقدرات 66 ..
ولم يسبق لي الحصول على منحه دراسيه ..
ولا استطيع ادرس على حسابي الخاص..
وابي متسبب كبير في السن..
وابي من مستفيدين الضمان الاجتماعي ولكن البطاقه مرهونه بسبب الدين الذي عليه
و الحاله الماديه سيئه جدآآ..
ووالله ثم والله اني منحرج وانا اكتب ولكن لا اعلم ماذا افعل ..؟؟
ارجو من الله ثم منكـ المساعدةًَ..
والي ما يقدر على مساعدتي يعطيني الحل..؟
وشكرآآ..

هلا اخوي ..

انا مثل حالتـك ..
وأبوي كبير بالسن ,, ولكن شالوه من الضمان الإجتماعي .. مدري ليه ؟
وراتبه قليل ما يكفينا اصلإ ..
على انه خدم في اكثر من قطاع
وزارة الصحه .. وزارة الداخليه .. والمباحث .. والاستخبارات .. ومدري ليه شالوه من الضمان

ولكن طلعت سياره وصرت كداد

ودخلها زين ..

بس متعبه ..

وماني عارف كيف اكمل دراسة جامعيه ..

اتمنى من يفيدنا انا والاخ صاحب الموضوع

والله انة الحال قريب من بعضه انا فصلت من جامعة الملك سعود قبل سنة بسبب الحالة المادية السيئة وقبل شهر كنت اداوم في جامعة الامام ونظارتي مكسورة مافية مسامير تمسك الاطار وطفران وماعندي سيارة

[align=justify]
بس اقولك حاول لاتعتمد على القبول الالكتروني روح اللادارة نفسها للقبول والتسجيل في اي الجامعة وانشبلهم زي ما خوي نشبلهم والحين ان وهو في الجامعة وللة الحمد ....
[/align]
وعندك المعاهد التدريب المنتهية بتوظيف مثل معهد الرياض للتقنية والبلاستيك وغيرها والله يوفق

المشكله يقولك الشباب السعوديه ماله في التعليم !!! < بسبب انه ينجبر يشتغل ي وطنآ الغالي ولاكان درسنآ

ليتني اجنبي كان افضل المهم ،

اخوي مالك الا انك تحاول تقدم في الترم الثاني في الجامعات القبول الالكتروني لوماانقبلت ادخل انتسآب مافي حل غيره

تحيآتي

حبيت افيدكم ...جامعة الامام اذا فتح التسجيل روحوا لم مكتب المدير الجامعة ويدخلكم الجامعة انا اعرف كثير دخلوا عن هالطريقة راحوا اولياء امور البنات لم مكتبه ونصهم دخلوا الترم الاول والباقين دخلوهم الترم الثاني ...اهم شي انهم حاليا يدرسون....الله يوفقكم وييسر اموركم جميعا,,,هذا من ناحية البنات فاتوقع قسم الرجال بتكون اسهل...

شوف هذا الموضوع اذا انت من الرياض


برنامج الدار العربية للطباعة والنشر (للتدريب والتوظيف)

https://www.btalah.com/t381074.html


1- التخصصات التقنية :-
· دبلوم الالكتروميكانيكيا (سنتين)
· دبلوم الطباعة والتغليف (سنتين)
· دبلوم فنون التصميم (سنتين)


2- التخصصات الإدارية :-
· دبلوم المبيعات (سنتين)
· دبلوم السكرتارية (سنتين)



شرط القدرات والنسبة مطابقة لك

توكل على الله وقدم عندهم يمكن رزقك عندهم

واذا تحسن وضعكم كمل دراستك لو انتساب + وظيفة بيدك



فيه جريدة الاسبوعية والمبوبة واللي زيها فيها وظايف كثير تدريب وتنتهي بتوظيف لكن للرجال


والله يرزق الجميع من واسع فضله وكرمه

اسمحلي اخوي انت الي جنيت على نفسك
انت شاايف حالتكم المادية ليه ماشديت حالك بالدراسه جايب نسبه 70 والاسئله من المدرسه نفسها
دايم الواحد يخطي ومايندم خير في النهايه
المهم قدم في كل مكان عسكريه شركات اي شئ
وبالتوفيق لك

[QUOTE=الضروف صعبه;5517908]السلام عليكم ورحمة الله وبركاته

انا من أبناء هذا الوطن الغالي
على قلوبنا وحيث انني لم يسبق لي القبول في الجامعه وانا حاصل على نسبه الثنويه 70.59 عام 1432هـ..
والقدرات 66 ..


بهالنسبه تقدر تنقبل بجامعة الامام بكل سهوله اعرف كثير اقل منك بالنسبه وانقبلو فيها
توكل على الله وروح قدم الله يعينك

سجل في جامعة الملك فيصل تعليم عن بعد وقدم لهم طلب إعفاء من الرسوم وأحضر لهم ورقة مصدقة من الضمان الإجتماعي

أسئل الله أن يفرجها عليكم جميعاً