الحمدلله والصلاة والسلام على رسول الله وعلى آله وصحبه أجمعين :
السلام عليكم ورحمة الله وبركاته :
أما بعد :
بصراحة يااخوان حاب أخذ رايكم بخصوص فترة الدوام ( أقصد الفترتين الصباحي والمسائي ) لانو فيه واحد من الشباب جته وظيفة بمسى حلو وراتب مغري بس عنده مشكلة الدوام حيث ان الدوام من 8 الى 12 وبعدها بريك 3 ساعات ويعاود الفترة المسائية من 4 الى 8 والخميس والجمعة اوف
فحبيت اخذ راي كل من يشتغل شفتين يعني يعطيني انطباعه
شاكر ومقدر

وعليكم السلام ورحمة الله وبركاته

اقتباس:

المشاركة الأصلية كتبت بواسطة عادل الضحيان واحد من الشباب جته وظيفة بمسى حلو وراتب مغري

نصيحة قل له لا يتبطر على النعمه
ولا فيه أحلى منها يداوم ثم يريح بالبيت ويتغدى بعدها يرجع منعنش

والله الدوام فترتين يكون مبني على حسب عدة أشياء منها قرب مكان العمل من البيت يعني تخيل الدوام في العلياء والبيت في الشفاء رايح وراجع في هالزحمة الي تضغطك من غير ضغوطك في العمل ولاننسا طبعا مخاطر الطريق الي من ضمنها الفلاش الصامت المثبت على الاشارات والمدسوس على الطرقات ): وثانيا اذا كان هالشخص اجتماعي والامتزوج طبعا مايصلح ليه ولاكن اقول اولا واخيراً الخيار بيدك وانت شوف واستخير .
تحياتي

انا سبق اشتغلت شفتين بالصيف

بالنسبة لرائيي الشخصي وانطباعي : سيئ جدا ومتعب وماتنبسط بيومك

بصراحه من تجربه وربي الدواميييييين متعب جدااااااااااااا ويومه كله عمل



هو يستخير وعسى الله يوفقه

جربها كم شهر اذا عجبتك كمل اذا تحس انها اتعبتك استقيل . .

دوم واحد يدوب دومين يصير يومك كلو عمل

.
.

والله انا دوامي من الساعه 8 إلى 12

وبريك من الساعه 12 الى 2

والفترة الثانية من الساعة 2 الى الساعه 6

واجازة يوم الجمعة فقط
.
.

تبي نصيحتي .. ترى كله "حبر على ورق" .. يعني ما أحد من الموظفين ملتزم بفترات الدوام مية بالمية

خليه يروح يتوظف ويترزق الله


يعني انا البريك عندي من الساعة 12 الى الساعة 2 م

لكن في الحقيقة انا اخذها بريك من الساعة 11:30 ص إلى الساعه 4 العصر << حوالي خمس ساعات



مثل ماقلت لك كله "حبر على ورق"

با اختصار وعن تجربة يومكـ كله بيصير عمل وماتخلص من الدوام الا وانت طفشان ومالكـ خلق لشي وفيك النوم

بس بالنسبه دام ان الخميس مافيه دوام الوضع بيهون شوي

بالتوفيق ياخوي