السلام عليكم ورحمة الله وبركاته
حبيت أفيدكم بمشروع وطريفة الربح فيه فقط
اما الإجراءات ما اعرف عنها شيئ من تصاريح ورخص
يعني(الزبدة) 
الحين لمن تسمع مكتب نقليات 
تقول هذي شغله لازم تريلات ومصاريف شهرية واعطال
طبعا الكلام هذا بعدين انا بعطيك البداية بدون ولا تريله الين ان شاء الله يصبح عندك اسطول تريلات
من بدري ياجماعة انا في الشرح فاشل بس حبيت افيدكم بالفكرة لاني ماشفت احد تكلم فيها
بس محتاجه راس مال بسيط 50 الف وكل ما زاد افضل
الحين معظم الشركات تحتاج تريلات يوميا تنقل البضاعة بين المدن وياكثر التريلات 
الي اصحابها معطينها السواقين ويبون اخر الشهر مبلغ معين
طبعا السواق ماله الى اقرب مكتب نقليات يدور حملة هذي معروفه طيب انت مكتب النقل كيف تجيب الشغل تروح للشركات وتدور وتعطيهم رقمك
بعض الشركات ياخذ تامين على البضاعة وبعضهم لا التامين ليش عشان السواق لو شرد المهم
مثلا هذي اسعار شركة معينه جدة الرد 350 مكة 500 المدينة 700 الرياض 1200
وفيه شركات اغلى وشركات اقل انت تتوجه لمدير المستودع واغلب المدراء تحصلهم ورطانين
يبغون تريلات بيقلك مثلا ابغى الرياض 1 والمدينة 1 ومكة 1 وتدق على السواقين وتقلهم
الرياض سعرها الاساسي 1200 انت تقول للسواق 1100 السواق بيوافق على طول وطبعا الفكرة كذا
عاد انت لو عجبت الشركات بتتعاقد معاك في شركات تاخذ تامين 100 الف وبعضها 500 وبعضها بقيمة البضاعة عاد في شركات تدفع بالاجل وشركات على طول تعطيك اول باول
والسواقين بعضهم يبس المبلغ اول باول
وبعضهم شهري خلونا نحسب شويئ مثلا عندك سواق يبي اول باول ومصنع طلب منك الرياض وشغله بالاجل شهر وتاخذ حقك
لو حسبناها كل يوم طلب منك الرياض والسواقين الي عندك يبون المبلغ بعد النقل على طول
احسبها 1200*30= 36000 والسواقين نقلوها 1100 يعني 1100*30 =33000
ربحك 3000 من مصنع واحد وصدقني معظم المصانع يبون اقل شيئ في اليوم 15 تريله
على حسب راس مالك كل مازاد كل مازادت نقلياتك ولو تحسبها مافيها خسارة الا لو قدر الله وشرد السواق
او انقلب يعني راس مالك يلف ويرجع اكثر وكل ما كسبت السواقين راح يصيرو بالشهر يعني اخر الشهر ينزل الشيك باسمك وتاخذ حقك وتعطي السواقين حقهم 
نحسبها بشكل اكبر
مصنع طلب منك 3 الرياض ومصنع 2 ومصنع 1 في يوم واحد
1200 *6 =7200 والسواقين يوصلوها بـ1100*6 =6600
7200-6600=600 ريال ربحك في يوم واحد وبس الرياض
ومعظم المصانع يبون يوميا الرياض والمدينة وجيزان واكثر من مدينة عاد احسبها
انا بنزلكم تسعيرة مصنع ومتعاقد مع 3 مكاتب وللحين مو مغطين ويبون اكثر
والشيئ الوحيد الي ناشبلي عنهم راس المال وشخص شغال فيها قلي اشتري تريله
وجيب تامين 100 الف ولك مني كل يوم 3 ردود في جدة حجم الحمولة 30 طن
واسف على الاطالة وانا في الخدمة للشخص الجاد وهذي التسعيرة
جدة 350 مكة 500 الطائف 700 المدينة 700 القنفذة 800 الليث 700 محائل 1100
الباحة 1150 النماص 1400 الخميس 1200 جازان 1300 الرياض 1200 بريدة 1250
القصيم 1250 ينبع 700 الدمام 1400 الجبيل 1500 رابغ 600 تبوك 1450
ويوجد الكثيير موقع المصنع جدة واسف على التنسيق
28-12-2011, 01:56 PM
مكتب نقليات (ربح بطريقة سهلة ) *_^
العرض الشجري
