السلام عليكم ورحمة الله وبركاته
اعذوروني ماحصلت عنوان مناسب
انا في راسي فكره من فتره وكل فتره اطور فيها واكشف شئ جديد بس تحتاج لصبر وتحمل قوي والنتيجه هي للاشخاص وللمجتمع ككل وتغير مفهوم الناس عن الشاب السعودي وكفائته ورقيه الى هي عباره عن انه يكون شئ خاص لسعودين الحين اكثر الاشياء التجاري للهنود واليمنيه والبنقلادشين من محلات ومحطات وغير من الاقبال الكبير ولاحتياجات لها مثلا محطه يتشارك مجموعه بدفع قيمتها بالتساوي ويكون العاملين فيها هم اصحاب المحطه ويتقسم العمل بينهم ناس في البنشر ناس في تعبئه الوقود ناس في البقاله الخ...
وكل شخص من الى في المحطه ينشر الخبر بين اخوياه وربعه وجماعته ويعبون من عندهم مثلا مدينه الرياض لو كان في كل حي محطه كبيره طبعا بيطيح مستوي المحطات والمحطه هذي بترتفع بس لازم مساعده من شباب الرياض يعني انه مايعبي الا في هذي المحطه بحث يفيد اخوه ويكون دهنا في مكبتنا ماهو لازم محطه سوبر ماركت كبير او اي شئ ثاني.
طبعا في بدايه الامر بيتعرضون لنقد وتحطيم واستهزاء بس وش سبب هذا هو افكارنا الى خلت غيرنا يستفيد من خير بلدنا احنا لو نتخلص من عقبه وحده الى هي فكره كلام الناس لو قلت لشخص شئ قال عيب انا ولد فلان انا وانا وانا الخ... وجماعتي وغيره من الكلام الدارج بين الناس ولي وقف قدام ناس كثيره وحطمهم نفسيا طيب بالله عاجبك حالك الحين لو تفكرون بكلامي بشكل واقعي كل شخص بيتغير حاله من الى
طبعا الكلام ماهو خاص لشباب بس لا حتي البنات بس البنات شغلتهم صعبه تحتاج دعم من التجار الكبار لانه لازم يكون مجمع نسائي مثل مجمع بشرى الى بالرياض مخرج 14
اعذورني ماقدرت اوضح لكم الرؤي كامله بشكل اوضح لان الافكار ملخبطه شوي ولا فيه شئ صعب ولا مستحيل نحتاج همه وتشجيع لبعض ومعاونه بعض
تحياتي للجميع بالتوفيق للكل.................................

حلوه فكرتك واذا تنفذت بتعجب الناس أكثر وبيشجعونها
ومثل المحطات اللي ذكرته مميز لأن المحطات الحاليه خرابه واذا بغوا يحسنون شكلها حطوا لمبه ملونة

للاسف اذا الشباب الي معاهم كم الف ينافخون و يلعنون القوانين لانها ألزمتهم بتوظيف سعودي او هو نفسه يشتغل في المحل
اظني صعب يهضمون مثل هالفكرة

و الله اعرف عيال صغار ايتام اكبرهم توه خلص الثانوي ورثوا بقالة والدهم و صاروا هم يشتغلون فيها و بنغالي يوصل الطلبات
اهل الحي كلهم متعاطفين معهم و ينظرون لهم باحترام و انهم رجال ما شاء الله عليهم

ما جابنا ورا الا تفكيرنا بكلام الناس مع انه لو تسفه كلام المحطمين شرط يجونك ثاني يوم يمدحونك و يتمنون انهم سووا مثلك

الفكرة قوية و تطبيقها في مشاريع كثيرة

السلام عليكم ورحمة الله وبركاته

قادم وبقوه

الفكره ممتازه ولكن
نخذها حبه حبه
محطه شامل متازه
تفتح ابواها 6 صباحا وتغلق 12 ليلا
التوقيت حط تحته الف خطا
لانك تكلم عن شاب سعودى لهم التزاماته
ليس اجنب مقطوع من شجره؟
افترض عدينا التوقيت
وصبرو الشباب وكافحو
بعد كم سنه يكون يرتاحون او يكون عندهم رصيد لاباس به
من 10 الى 15 سنه
اعمارهم لما بدو المشروع من 20 الى 25
طبعا الفره هذى صعب الزواج فيها مع العمل المتواصل
وهذى نقطه مهمه
اذا النقاط اللى ذكرتها صحيحه
اظن من الصعب علينا نتكيف معاها
بقولك فكره احلى برد ثاني
تحياتي للجميع

يمكن الفكره هذى اظمن واقل تكلفه
واقل وقت
لكن لازم الدوله تساهم بالفكره هذى
ابدا فى المدارس والكليات والجامعات
لو المقصف المدرسي
فى كل مدرسه يسلم لشابين سعوديين
اوثلاث وعلى حسب عدد طلاب المدرسه
كان عندهم دخل يومي وعنده وقت وفراغ للعمل فيه
وقس على هذا
المستشفيات سوبر ماكرت او محل ورد
وباقى الدواير الحكوميه
هذا راي ممكن يكون صح وممكن يكون العكس
مودتي للجميع

بالتوفيق ان شاء الله

بصراحة أظني فهمت فكرتك .. وهي تدور براسي من زماااااان

ودايم أقول المفروض مثلا أحد التجار الكبار يفتح عدة محطات مبدئيا مثلا 4 محطات مرة وحده ويوظف فيها سعوديين فقط ويظهر هالشي للناس بالاعلانات وغيره ان محطاتنا مشغولة بطاقم سعودي 100% والشعب برضه يتناقلون الخبر بينهم ويساهمون في دعم هالمحطة ويعبون من عندها.


لكن واجهتني مشكلة الي ذكرها أخوي "اخر كلام" بالنسبة للسعودي وارتباطاته مو مثل الاجنبي !
لكن برضه قلت لو عندنا تجار ورجال أعمال مخلصين وحطو هالهدف براسهم ممكن يقسم العمل شفتات كل 8 ساعات وكأنه عمل حكومي وبنفس الوقت الراتب ما يقلله عليهم كثير بحكم انهم ما اشتغلو 24 ساعة مثل الاجنبي لانه حاط بباله الفوارق الي بينه وبين الاجنبي.




الفكرة حلوة وصدقوني حاجز العيب والخجل بينكسر لان هالمحطة الي انا بشتغل فيها كل الي فيها سعوديين وفرعنا الثاني الي بالرياض نفس الشي والثالث الي بمكه و و و .. وأيضا الناس عارفة ومعلنين هالشي اننا سعوديين.


بس نحتاج تجار ورجال أعمال هم وطنهم وأبناء وطنهم قبل همهم .. ويكون عندهم الجرأة والقوة انه يتنازل عن جزء من المكاسب الي يحصل عليها الان وهو موظف أجانب لكن يقول لعيون وطني وابناء وطني انا ممكن أتحمل خسارة مو فقط أتنازل عن ربح.

الفكره حلوه والتنفيذ سهل بس يبي له شوية جدية بالأول نعم بتسير فيها بعض التغرات لاكن مع الوقت بتكون شئ بقمة التميز والرقي ...
أنا أقترح بالأول أن يتقاسم الشباب العمل يعني مثلاً محطة الوقود نحتاج أنها تعمل 24 ساعة ونحن عندنا إرتباطات لكوننا عند أهلينا فيتقسم العمل بالطريقة على3 كل واحد 8 ساعات مع تنازل الشباب ببادئ الأمر عن بعض الرواتب لين يمشي الحال وبعدها والله بتكون دخلها غييييير لكونها بتكسب الصداره كونها سعودية وكل الشعب والله بيدعمهااا !!
هذه لو مع الشباب رأس مال وهم من يأسس المشروع بتكون والله لها طعم غيييير ....

أقترح أن يشترك مجموعة من الشباب ويضعوا فكرتهم وكم المبلغ المتوقع إجتياجة وكمان يكتبون بينهم عقد رسمي على الجدية بالعمل ويتم تقديمة على أحد ولاه الامر والله أن فيهم الخير واعتقد أن المشروع بيلاقي الدعم وحتى وإن كان بشكل إستثمارى يعني دعم بمشاركة او بقرض حسن.

والله الموفق,,,