السلام عليكم ورحمة الله وبركاته
كيفكم ياخوان














طبعا الحمد لله تيسرت الامور معي بالمقابله اللي صار معي باختصار

طلعت من الشقه بدري عشان الزحمه وانتم عارفين زحمة الرياض
وصلت لمدينة التدريب حول 7 الا عشر وانتضرنا لين فتحو البوابه تقريبا الساعه 7 ونص وصفونا طابور وجاء العسكري يشوف الاوراق انتبهو اهم شي تكون شهادة الثانويه مختمه من ادارة التعليم مو من المدرسه بعدها شال منا الاوراق وقال خشو
الصاله انتظرنا بالصاله وقاعد ينادي بالاسماء نادى باسمي اعطاني ورقة تعهد انك في الدوره طالب وتستلم مكافاه مقدارها ( 900 ) ريال وتكون مدت الدوره سنه وتكتب اسمك ورقم هويتك وتوقع من ناحية الرخصه مو ضروريه مره اذا عندك رخصه يحط لك علامة صح ع الرخصه مافيه عندك رخصه يحط ك علامة خطا اهم شي انها مو ضروريه
بعدها تنتظر لين ينادي باسمك مره ثانيه نادى باسمي شلت الملف وخشيت المقابله
اهم شي في المقابله تخليك عادي لترتبك ولاتخاف خشيت وسالني اسئله مره سهله هم اهم بالمقابله يشوفون نطقك بس الاسئله :-
كم عدداركان الاسلام ؟ اكيد عددها خمسه ومعروفه
اقراء سورة الناس
من هو وزير الداخلية ؟ الامير نايف بن عبد العزيز
ماهي عاصمة قطر ؟ الدوحه
ماهي عاصمة عمان ؟ مسقط
طبعا هاذي هي الاسئله اللي سالني ايها بالمقابله
بعدها قال حافظ رقم الطلب قلت يس طبعا رقم الطلب الا هو الرقم اللي يجي في طلب الالتحاق فوق ع اليسار مكون من سته ارقام سالته عن الدوره قال شهر 7 بالكثير

هذا كل ماحصل معي المقابله واي استفسار انا حاضر

موفقين بإذن الله ... لكم مني أجمل تحية .

الله يوفقك ياخوي
وعقبال الدورهـ و التخرج
موفق بإذن الله ... لك مني أجمل تحية .

لاهنت اخوي عالتوضيح ومشكوور وعقبال القبول النهائي والدوره

بس استفسار بسيط بخصوص شهادة الحاسب وين صدقتها منه

وهل التصديق ضروري

ابي اساالك اخوي لزم اصل الثانوية ولا بس مصدقة اهي وشهادت الحاسب
وقول لنا شنو الشي اللى متشددين فيه ونبهنآ لن موعدنا قريب

السلام عليكم ورحمة الله وبركاته

طيب ياعاطل زمان


شهادة حسن السيره والسلوك لازم تصدق انا روحة وزارة التربيه والتعليم يقولون لغيناها

؟؟؟؟؟ وش الحل


وكمان التعهدات الي بدفتر الألتحاق الي 4 خانات تعهدات وتوقع تحت على اليمين تكتب اسمك وتوقيعك

بس على اليسار مكتوب تصديق ؟؟؟
الأسم :
الرتبه :
الجهة :
التوقيع :

هاذي اسيبها فاضيه للقبول والتسجيل ولا اصدقها من الشرطه ؟؟؟؟؟

ططييب اخووي ماقالوو لك بعد هالمقابله انت انقبلت ولا لا وكيف اعرف اني انقببلت ومتى الفرز ومتى الدورره *

الله يوفقك اخوي

عقبال القبول النهائي

شكرا ع التوضيح

لاهنت هل المقابلة مع ضباط ؟؟

موفق بإذن الله ... لك مني أجمل تحية . عقبال القبول النهائي

طيب وش قآلو لك بندق عليك ولآ بنرسل رسآلة ولآ عطوك تآريخ بَ الفرز النهآئي متىآ.؟؟ يَ ليت تخبرنآ