X حياتكم المدرسيه X

فاتنه · #41 (**permalink**) 21-01-2012, 10:50 AM

^^^^^^^^
كويس انهم يبدلونها لك
المشكله هذي متفشيه اكثر شئ في المتوسط عندنا ومو بس الماصه حتى جدران المدرسه
طبعا احنا عندنا اللي تشخمط على الماصه او الجدار يخلونها تنظفها
سبحان الله انا مااحب نهائيا اشخمط واذا طلعت ماصه من نصيبي مشخمط عليها اقوم انظفها اخليها تلمع هههههههههه

آلوآقع وآلحيآد · #42 (**permalink**) 21-01-2012, 10:54 AM

^
ههههههههههههههههههههههههااااي اجل تحبين تنظفينهآ وماتحبين تشخبيطين عليها

ما اصدق ما صدق

بعدين مو شرط المتوسط .. ترى انا هذي السالفه حقت الماصه في خامس ابتدائي خخخ

إِنتعآش~ · #43 (**permalink**) 21-01-2012, 10:58 AM

الموآآقف كثير ....

بس الي مستحيل أنسآآه لما كنت 1ث..... وحده من صحبآآتي من أهل نجد

في وسط الحصه وكنآ في أمآن الله مندمجين مع الشرح ......

تنآآدي من ورآي فلآآنه نآظري .... لفيت ..!!

تتوقعون وش لقيت .... ضب صغيروووون ع كتفي

عآآآد تصوروا المووقف اول مره بحيآآآتي أشووف ضب وكآآنت أخر مرره

وأكلناا عقآآب

مع أنوو مآلي ذنب ... بس مدري ليه ..!!!!

شكرا ع الموضوع من جد استمتعت وأنآ أقرآآ

آلوآقع وآلحيآد · #44 (**permalink**) 21-01-2012, 11:09 AM

^

آكيد شيبآنيه هههههههههههههههههههههااااي

بالله وش شعورك والضب على كتفك ؟!

شوفي هالمقطع هههههههههههههههه

إِنتعآش~ · #45 (**permalink**) 21-01-2012, 12:10 PM

^^^^

مو شيبآآنيه ..,

وشعوري مثل الطفل لما انعضت يده فوق ^^

آلوآقع وآلحيآد · #46 (**permalink**) 21-01-2012, 01:15 PM

ههههههههههههااااي

كويس خرشت آوم آوم آوم آمك

الجعفر راجي · #47 (**permalink**) 22-01-2012, 02:50 AM

يخخ الا حركه الكتابه على الطاولات اكرهها ..
اذكر اذا رجعت من المدرسه (بالابتدائي)الجاكيت من جهة الذراع طالع اسود من القلم الرصاص الي على الطاوله

اذكر البنات بالاختبارات النهائيه بسادس يعبون البالونات الصغيره ماااء
واذا مرينا من ثانوية عيال يبدون يحذفون البالونات عليهم ..والعيال يستفزون البنات يطلعون جوال الكاميرا
وقت جوال الباندا يقولون نصوركم ثم كل البنات يدخلون لا يصورونهم هههههههههههاااي

اذكر البنات يطلعون من الدرايش لحد البطن < في الباص الاصفر الكبييير

ومرررت الدوريات في الطريق العام ووقفوا الباص ويركب العسكري يهوش علينا وينصح
مااا تشوفون البنات الا تحت المراتب << طاقتنا ام الركب ..

اذكر مره في المتوسط فيه بنت كتبت على جدار الفصل (الهلال قوي ) جت معلمه العلوم تعطينا نصايح ومحاضرات
وراحت تنادي المساعده تقول شوفي وش مسوين ..
المساعده قالت: لكم الى الفسحه اذا ما مسحتوه شغلكم عندي ..
المهم من العناد بنشووف وش تسوي ولا مسحناه جت المساعد بعد الفسحه قالت يالله كل الفصل تعالوا تحت ..وتدخلنا غرفه كللللها كراسي وطاولات
وانوااااع الغبار .. قالت يالله كل وحده منكم تشيل من الكراسي والطاولات وتوديهن فوق لين ما يخلصن اللي بالغرفه
وتبدأ تطلع الاعذار من البنات اللي تعبانه واللي عندها ربو واللي منكسره يدها واللي مدري اييش إلللخ
بس ما نفعت معها كل هالاعذار وغصب نشييل .. اذكر كنت اسحب الكرسي واوصله للدرج وارجع اسحب ثاني
والمراقبه جالسه فوق تراقب اللي يجون معهم الكراسي
وانا يوم رقيت قالت وين الكرسي قلت رقيته مع الدرج الثاني شوفي

.. اسألي المساعده هي شايفتي اشييل ..!

اذكر يوم كنت بثالث متوسط كان الباب اللي بين المتوسط والثانوي مفتوح بيوم حفل الامهات
وصرنا ندخل لم حووش الثانوي لأن مدرستهم كانت فاااضيه مرره قليلين الطالبات
المهم طلعت مديره الثانوي على شان يطردون طالبات المتوسط لمدرستهم .. انا ما كنت قدامها
كنت بحوش الثانوي الخلفي فجأه يوم جيت للحوش اللي قدام الاقيه فاضي ولا فيه غير معلمات ومديره الثانوي
واشششششخخخخط من قدااامها وانا اركض برووح المتوسطه < يا شيخ من اول كنت اقول الموت مع الجماعه رحمه
لكن هالحين كل بنات المتوسط رجعوهم للمدرسه ما عدا انا ..
المهم وتناديني المديره يابنت وقفي وقفي .. والله ولا التفت لها .. < راس مالي ابي اجيهم السنه اللي بعدها
ما يحتاج تصير خابرتني بالشر ..ورجعت للمدرسه واشوف البنات اللي عند الباب يقولون لي بسرعه بسرعه
حسيت اني هاربه من وحش

الله يا زينها ذيك ايام الهبال ,,مو زي الثانوي الحين طفش على مستوى

اذكر في المتوسط كانت مويه الحمامات مخلصه-وانتم بكرامه-
وفيه المعلمات الحوامل يروحون لحمامات الدور الثالث <ما كان الدور الثالث مستخدم ..مهجووور مرره
وحنا نسيير وراها من يوم تدخل الحمام نكسر الباب عليها من قوة الضرب لاحسينا انها بتطلع ما تشووفون غير غبارنا
قسم ما اادري وش نحس فيييه ..!

[align=center][mark=#FF9999].[/mark][mark=#FF9999] لا إله إلا الله ,, فدا العسكرية

[/mark][mark=#FF9999].[/mark][/align]

المبرمج · #48 (**permalink**) 22-01-2012, 02:58 AM

اقتباس:

المشاركة الأصلية كتبت بواسطة آلوآقع وآلحيآد

^

آكيد شيبآنيه هههههههههههههههههههههااااي

بالله وش شعورك والضب على كتفك ؟!

شوفي هالمقطع هههههههههههههههه

انفاس مبعثره · #49 (**permalink**) 22-01-2012, 11:35 AM

ههههههههههههههههه

الله يسعدكم مواقف جميله مضحكه .. لي عوددده ان تذكرت..خخخ

أم عقاب · #50 (**permalink**) 22-01-2012, 05:08 PM

سقى الله أيامتس يا طفولتي المفعمه بالهجولة

أنا درست روضة و الله تسنه قدام عيني الحين

أتذكر يوم ألعب بالمراجيح وأمعط شوشة الأبله و يوم أشوف ذاك الولد المصري يفتح علبه بلاستيك به بطاطس مقلي والله تسني أشم ريحته تهبل

بالأبتدائي أذكر هجيت من المدرسة أولاه اللي من بريده تراه الابتدائية 25 اللي بالأمن مع زميلتي بيتهم كان ورا المدرسة تدرون وشلون أنا الحين عجزت أستوعب وشلون نقزت !
كان به شجر مير أتعنقط به إلين وصلت للسور وأنط بالشارع مع هالجنيه وأروح لبيتهم وأدخل غرفتهم وش الفايده ما أدري !!!

وعقبه ما سويت شي أبد أبد عقلت و كبرت و تعربنت

أخبر كانت أمي تعطين ريال و أختي ريالين اللي أكبر من ونمر بعد الطلعه على بقالة الرقيبه إيه يا أبو صالح
سقى الله ايامك الله يذكره بالخير

أذكر موقف يوم أول مابدت أختي تتغطى وكنت أنا أصغر منه بسنتين و بعدي توأم بسنتين وحنا راجعين للبيت مشي ماهيب بعيده عنا المدرسة نشوف عقاب بالسماء يطير مير أخوتي التوأم تغبوا بداخل عباة أختي وأنا متمسكتن به لأنهم يقولون يشيل البزران الصغار

وش أقول وش أخلي والله أنكم نكأتم جرحاً غائراً لن يندمل ياحوبنيلتس يابريده