من المواقف
حصل لي ايام الابتدائي .,
كان فينى عادة مدرى وش اقول عنها .. عادة غبيه .,
إنى لما اشوف شي يضحك او اسمع شي يضحك .,
ما اقدر اسكت اجلس اضحك بشكل هستيري .. ولو سكت لمدة دقايق يمر على ابليس
يذكرني وارجع من جديد انفجر بالضحك .. حتى كل اللى حولي إما يضحكوا وهم ما يدرون على ايش يضحكوا
او انهم يزعلون منى .,
المهم دخل علينا مدرس الله يذكره بالخير الحصة الاولي صف خامس ابتدائي..
وقال من عنده نكته .. بيسوى جوى للحصة خاصة انها الاولي ., ويقوم واحد من الطلاب
ويقول نكته ..بايخه جداُ جداً جداُ ..لدرجة ما تتصورها ..
قال ياستاذ فيه قطار طار ..
الطلاب ساكتين والمدرس ينتظر الطالب يكمل .. قال المدرس كمل .. قال الطالب وبس
انا خبل مت ضحك على بياخة النكته ..قاموا الطلاب يضحكوا
انا مت ع الطلاب ليش ما ضحكوا من اول .. ليش ضحكوا لما ضحكت ..
سكتوا وقال المدرس خلاص نبداء الدرس
انا حاولت اسكت واعض لساني .. حتى اندمج المدرس في الشرح .. وفجئة انفجرت ضحك ..
ولا عاد سكت ..
ورجعوا الطلاب يضحكون .,
طلعنى المدرس برى الفصل .,
وكفر فينى الله يهديه جلدنى حتى غيرت ملامح وجهي ..
ورجعت للكرسي وجلس شوى وانفجر ثاني مره بالضحك ..
ابليسى قوي حسبى الله عليه .. وارجع وانجلد واطلع من الصف بعد .

ايام الدراسه ايام حلووه
من كثر الموقف صعب احدد اي واحد فيهم اي يضحك
كنا شباب طيش مانفكر شعارنا فلها وربك يحلهاا اغلب الدرسه كنت افررك
بس احلا موقف التفررريك مره كنت انا وخوياي مفركين وجلسين با سيب (ممر ضيق) الا وهذا ابوي يمشي ع رجوله و يمر وعيني با عينه انا من الصدمه مدري وش اسوي اقسسم بعز الجلاله مر من عندي ما بيني وبينه شي وماشفني !!!!
وفيه صوره باجوالــي محتفظ فيها للحين بس ما اعرف انزلها انا وخوياي معنا الملفات وقاعدين نتصور با غرفة المديرر من الدلاخه فرحنين ان مفصولين!!
كانت ايامي حلوه بس لو كنا فيها صوفيه يمكن كانت احلا

تذكرت الله يذكرك بالشهاده,, كنت أنا واختي نمشي للمدرسه وكان دايما في الطريق اولاد ملاقيف مايعدي يوم ونسلم من شرهم المهم كنا في المتوسط وتعرف غطوه وعبايه المهم أختي ماكانت تعرف تربط الغطوه زين والاولاد يتريقون علينا ظبطي غطوتك ومن هذا الكلام والا يحذفون أختي بالكوره من وراها وطاحت في حفريا ت على العمال الي فيها وقام العمال شالو أختي وظبطو غطوتها وقالو روحو بيتكم وقامو على الاولاد الي ميتين ضحك وقمت أسبسب في أختي حتى وصلنا البيت .... وشكرا على موضوعك الرائع..

ماأدري حطيت حرتي فيها ولانهم كانوينتبهولنا بسببها لانها ماتعرف تمشي في العبايه

يازين ايام المدرسه
اتذكر كان علينا اختبار جغرافيا وانا اعشق الجغرافيا حليت باقصى سرعه وكان عندي ثقه انه كل الاجوبه صح لما جتني الورقه بعد مصححتها المعلمه الا انا كاتبه عند السوال يستدل الناس الجهات عن طريق النجم القطبي انا كتبة الدب القطبي عاد المعلمه كاتبه اي دب يافلانه مع العجله وبصراحه احب عالم الحيوان من كثر ماتابعه ههههههههههههه وشكرا

الله يااازييين أيااام الدرااااسة ليتها ترجع لي ذكريات دراسية كثييييير
كنت شوي مشاغبة ولساني شوي طويل راح اذكر لكم موقف حصل لما كنت في ثاني ابتدائي
طبعا خلصنا الدرس والمعلمة قالت جيبوا الدفاتر اصححها المهم نوقف سرا ورا بعض عند طاولة المعلمة
وفاتحين الدفاتر عالصفحة المطلوبة المهم انا واقفة في أمان الله تجي بنت توقف قدامي انا وجهي صار
كذاوش سويت هزعت (نزلت راسي)على كتفها وعضيتهاااا البنت ماتت صياح وانا بريييئة
راحت شكتني للمعلمة وجتني وقت الفسحة قالت ليش صيحتي زميلتس قلت والله هي جايه قدامي
محد قال لها ردت عيب عليك هذي زميلتك ليش ماقلتي لها وخري مكاني قلت اخاف اقول وماتوخر فعضيتها
عشان توخر بسرعة
لي عودة مع مواقف أخرى
بصراحك موضوع جناااان