[align=center]
الغذاء

السلام عليكم ورحمة الله وبركاته

معروف عننا احنا السعوديين اننا نحب شي اسمه اكل او طعام او غذاء او foods واصبح جزء لايتجزأ من حياتنا اليومية ...

اذا فيه مناسبة زواج تكون الدعوة لحضور العشاء بمناسبة الزفاف..

واذا جاك ضيف لازم تعشيه والعشا لازم يكون خروف....يعني تجيب له لحم نياق عيب...والادهى والامر لو جبت له لحم بقر...ما أدري ليه الناس ماتحب لحم البقر...مع ان فايدة البقر اكثر من فايدة البعارين

البقرة ناخذ منها حليب ولبن وزبادي وقشطة وجبنة ومربى وتونة وناخذ قرونها ونصنع منه زرادية ومفك عجل وتحرث الارض وتسقي الزرع وتجلب الماء من الغدير وتذهب للاحتطاب في رابعة النهار ...ونقدر نحط صوتها نغمة في الجوال....واذا كبرت في عمرها تحال للتقاعد....في أي مزرعة لحراثة الارض

اما البعارين لاعبين في سعرها واغلب الظن انها غسيل اموال تهريب الاسلحة وتجارة المخدرات...وفي احسن الاحوال تنصدم على طريق الساحل وتقتل وتشرد السوادنة وتبرك عليه وابن امه اللي يقرب منها ....لماذا انت ايوها الجمل عدواني؟؟؟

نرجع لطاري الاكل والغذاء والطعام...

لما نبي نعبر عن شخص بأنه يصرف على عائلة كبيرة نقول ..وراه كومة لحم!!!!

لما نعجب بطفل صغير ويكون اعجابنا بلغ ذروته نقول .....ودي آكله!!!!!

لما نبي نعبر عن استيائنا نقول ...قشّر بصل!!!!!

لما نبي نسب شخص نقوله :: انت دجاجة!!!!

نسب الدجاج وحنا ناكله.....واصيب الدجاج بانفلونزا الطيور!!!!!

لما نبي نعاير شخص لغباءه نقول انه بقرة....واصيب البقر بمرض جنون البقر!!!!

حتى لما نبغى نقول ان فلان ما يقدر يخرج من البيئة اللي هو فيها نقول::: فلان سمكة....وجانا تسونامي!!!

لو نبغى نعبر عن فلان بأن رقبته طويلة نقول:::قفى فلان زي الخبز الصامولي.....


اصبح الاكل جزء لايتجزأ من ثقافتنا اللي ما قدرنا نحافظ عليها ....

فنجد ان العمالة الوافدة تجيد الطبخ افضل من اهل القرية نفسها....!!!

واصبحت ثقافتنا مستوردة...صرنا ناكل الهبمرقع والعسكريم...وياليتنا نعرف ننطقها بالشكل الصحيح...
وصرنا ناكل الشاورما والكشري والمشلتت والفحسة والرز البخاري....>>>قسم موب افغاني...


وياليت وصل الحد عن استيراد الثقافات...بل تعداها ووصل لاستقبال العادات السيئة اللي هي دخيلة على كل الثقافات ...مثل طيحني ....وتطريز الثياب...والعبايات الفرنسية....

اصلا من متى فرنسا تصنع العبايات فضلا عن ان تلبسها.....وهي اكبر دولة تحارب الحجاب بحجة انه يعتبر رمز ديني...وفي نفس الوقت تسمح بارتداء الصليب...الذي هو ايضا رمز ديني...

ههههههه والمضحك جدا في الامر اننا صرنا نصدر ثقافتنا على مستوى رفيع جدا ....فالمسؤولين عندنا معروفين بالفساد والنصب....

وهاهي اكبر دولتين اللي تعتبر صديقة للعرب وهي روسيا وفرنسا...
تحاكم رؤسائها السابقين في قضايا اختلاسات....ههههههه

هههههه

اكتفي الى هنا خوفا مقص الرقيب الاصلع


[/align]

تغيرت يازعيم . . وتهورت كثير من يوم رمزيتك قلب أحمر ههههههه . .
شـكرا لك وبارك الله فيك... لك مني أجمل تحية .

وعليكم السلام ورحمة الله وبركاته

قاصر وش النوع اللى تستخدمه من الاكل ., شكله طيب .,

يابيي وينك وين اول عزايم ولحم من يحصل ياكل لحم بكم الذبيحه كود يتقاطون اخويا بالدوام يشرون خروف وبالنص النفر الحين بكم لابغيت تذوقه والا جاك ظيف ب55 ريال مافيه ربع الحين
البلشه حتى ضيوفك تشرط مانبي الا لحم يبون يذقونه على احسابنا حتى هم مايحصل لهم اللحم الابالعزايم واقسم بالله مابالغ ان هذا الي حاصل قبل يومين انا زوجي فكرنا بالساردين قلنا تذوقه يمكن حلو واهم شي رخيص بس طلع احليل عجزنا ناكله والحين يقولون رجع فلونزا الطيور الله المستعان شكلها مالانا الا الضبان

يرفع...ويارب مايحذف

صادق شوف أنا أهلي مسافرين الحين

كل ما أحد قالي وش فيك أقول الدنيا مالها طعم ..!!

يعني كنت أذوقـها زمان ..!

بس كيف كان الطعم ،،

إإيه وأحس مافي ريحتهم تتوقع هذي ريحة الطعم

أصلا مدري وش يعني موضوعك ماني مستوعبه شي