السلام عليكم ورحمة الله وبركاته

قبل فتره قدمت على حافز عن طريق جوال أحد أصدقائي (( الحين جواله الشريحه ضاعت ))
المهم دخلت على بياناتي وجيت اغير رقم الجوال إلى رقم جوالي الحالي بس ما قدرت

دخلت على الاسئلة المتكرره ولقيت انه لازم ارسل رساله لـ 500200

دقيقه

((ماذا يحدث إذا فقدت أو غيرت رقم هاتفي الجوال ؟
جواب:
يمكنك ارسال رسالة نصية قصيرة إلى الرقم الموحد (500200) للمشغلين الثلاثة الاتصالات، موبايلي، وزين متبعاً الصيغة التالية (مبتدئا برقم 2 من اليسار إلى اليمين):
تاريخ انتهاء بطاقة الهوية الوطنية*تاريخ الميلاد*رقم الهوية الوطنية*2
مثال:
رقم الهوية الوطنية: 1047846314
تاريخ الميلاد: 15/10/1404هــ
تاريخ انتهاء بطاقة الهوية الوطنية: 22/1/1436هــ
الصيغة المطلوبة سوف تصبح على الشكل التالي:

14360122*14041015*1047846314*2

بعد ذلك سيتم تحديث رقم الجوال الجديد على النظام وسوف يرسل الرقم السري الجديد عن طريق رسالة نصية إلى الجوال الجديد ورسالة نصية أخرى إلى الجوال القديم مفادها أن رقم جوالك قد تم تغييره في النظام.


المهم علمت اللي قالوا عليه من جوالي بس كل مره تجيني رساله تقول

للتسجيل في برنامج حافز ارسل رقم الهوية ، ولتغيير رقم الجوال في حال وجود بطاقة الرجاء ارسال
2*رقم الهوية*تاريخ الميلاد*تاريخ نهاية الهوية
او في حال عدم وجود بطاقة ارسل
*4رقم الهوية و و وو

ايش الحل ؟؟؟

كذابين مايرسلولك شيء انا لي اكثر من 3 شهور مغير رقم جوالي وابغا احدث رقمي الجديد ولا حدثوا واتصلت فيهم 100 مرة وتوعدك البنت مواعيد كلها كذب والى الان ماحدثوا رقم جوالي الين صرت بس اتصل عليهم اهزئهم وقفل يئست منهم

نفس مشكلتكم
أكثر من خمسين مرة وانا احاول احدث رقم جوالي لانه ضاع لكن يرجعو لي رسالة تقول تأكد من صحة البيانات رغم اني متأكد مليون ف المئة انها صح غيرت لغة الجوال اعطيت غيري يجرب بس ما في فايدة
كلمتهم اكثر من خمس مرات بس طلعو البنات اللي يردون علي مايعرفو شيئ ولا عندهم حل
المشكلة اني ف منطقة نائية اقرب مكتب عمل 200 كم واخاف اصل اهناك وألقاهم مثل البنات ما عندهم سالفة
يعلم الله اني بحاجة هالالفين

وعليكم السلام ورحمة الله وبركاته

لو قدرت تغير جوالك فهذه معجزة الاهيه

نفففففففففس المشكلة تجي رسالة الرجاء التأكد من صحة البيانات وحافز يقول جربو الطريقة مافي غيرها انتظرررررركم

الله المستعان

انا نفس المشكلة

ارسلت عليهم لين طفشت جربت كل الطرق والنظريات واحيان احس انة من كثر رسايلي نظامهم تعطل ..!!!

وتصلني رساله الرجاء التأكد من صحة البيانات .
وحتى ماتطفش من الرسالة احياناً تجيك الرساله الثانية للتسجيل في حافز ....إلخ
ياسلام على التنويع .
والأن وقت الإتصال (( طن طن طن طن طن طن طننننن))

حافز / فلانة الفلاني حافز السلام عليكم
الغلبان / وعليكم السلام
حافز / تفضل اخوي كيف اقدر اخدمك
الغلبان / اختي انا عندي مشكلة في تغيير الرقم رقمي الأول انفصل والأن ودي اغير على رقم ثاني
حافز / طيب اخوي تقدر ترسل رساله
الغلبان / يقاطع كلامها (( طيب انا ارسلت الرساله )) شوي ويدقها يمين
حافز / بكل برود لا اخوي كيف ارسلتها (( تبغى تعقدك على بالها
الغلبان / زي ماهو بالموقع بالضبط
حافز /
1-غير الجوال انجليزي ؟؟ اذا الجواب نعم
2 - طيب ادخلت الرقم من اليسار لليمين ؟؟ برضة نعم
3 - حاولت في جهاز ثاني ؟؟ الجواب قسم بالله نعم
4 - غير الشريحة يمكن ماتنفع !!؟؟ الجواب نعمممممممممممم والله نعممممممممم

اما اذا رد عليك موظف طبعاً ردهم واحد :

الـــــــــــــــنـــــــــــــــظــــــــــــــــ ـــــام فـــــــــيـــــــــــــــــة خـــــــــــــــــــــــلــــــــــــــل

المهم قفلتها عليهم قلت لازم اكلم واحد مسؤول انتوا ماعندكم الا هالسيدي حافظينة
قالوا مافية نرفع لك طلب وصار للطب الأن اكثر من 4 أشهر ....

ولاخبر ولارسايل ولاحتى رنة من حافز .

الله لا يوفقك من كان السبب الله لا يوفقك من كان السبب الله لا يوفقك من كان السبب

هذا مو فساد ايداري هذا مو خياس ايداري

ولا لهم لا فرع ولاشي مثل شركات التحايل والنصب كنها سوق سوداء
او بالعكس هذي الأسواق لها فروع ابرك منهم


والله انا اطلب اي مسؤول يلتفت للمزبلة هذي ويخلصنا لأنها حركات المماطله هذي صارت قديمة

والناس فتحت عيونها مو زي اول

آآآآآآآآه لو اني هكر لأهكر وافقع موقعهم تفقيع

الختام :::
يااخوان جننوهم اتصلوا فيهم وهزئوا مسؤوليهم تهزئي

السلام عليكم ورحمة الله وبركاته
الاخوان اللي ما قدرو يحدثون رقم جوالهم بعطيكم طريقه سريه مجربها انا وتحدث رقم جوالي نبدا :
رقم الهوية الوطنية: 1012345678
تاريخ الميلاد: 11/05/1406هــ
الهوية الوطنية حقت ابوك :1087654321
الصيغة المطلوبة سوف تصبح على الشكل التالي:

1087654321*14060511*1012345678*4
بشرط الارقام تكون انجليزي وترسلها الى 500200 بعد ذلك سيتم تحديث رقم الجوال الجديد على النظام وسوف يرسل الرقم السري الجديد عن طريق رسالة نصية إلى الجوال الجديد ورسالة نصية أخرى إلى الجوال القديم مفادها أن رقم جوالك قد تم تغييره في النظام

واي استفسار انا موجود وان شالله اكون افدكم وتستفيدو

ودعولي بتوفيق

!!!!!!!!!!!!!!

ياجدي جربنا وما استفدنا شي لنا فوق السنة انواع التجارب الفاشلة