بسم الله الرحمن الرحيم
السلام عليكم ورحمة الله وبركاته
يمكن موضوعي مش مهم او عادي لكن صدق انا خفت من موقف صار لي امس
دق الجرس المغرب راح زوجي فتح الباب الا حرمتين قالو الجيران انا استغربة جاين بدون مايعطوني خبر راح زوجي يصلي المغرب يوم جيت اسلم عليهم الا حريم ماعرفهم يقولون حنا جيرانكم بالشارع الثاني
هن اشكالهم من الشام .انا جارتي ماعرفهم اصلا بعرف الا بالشارع الثاني .قالت انا ارمله وقامت تشتكي ان زوجها مات وعليه دين يبون يسدونه ومن هالكلام قلت انا مامعي شي لكن انتضري زوجي لاجاء من الصلاة اقوله رحت اجيب القهوه والشاهي الا قالت ابروح اشوف الجيران وارجع
صراحه ماحط بذمتي لكن كنا اجازه بالقصيم ونفس الجنسيه بطقون البيبان ودخلوا ونفس القصه لكن يبون علاج .
انا خفت لانه قبل كم سنه قريت بالجرايد حرمتين ادخلو على مره وبنته وقتلوهم عشان السرقه
مدري وش اقول هم مارجعوا شكلهم خافوا لاني بديت اسىل وين بيتكم عشان لو حصلي والا لغير نساعدهم لكن تهربة من سوالي طيب مثل هالحالات كيف اتعامل معهم
وقسم بالله اني مارتحة الا لما جاء زوجي
الله يغنينا وياهم لكن اخاف تطور الحاله الى اكبر من كذا ينتشر البلا والا يكون بعد فتره ارجال بعبايات
صراحه احذرو ا ياحريم والله زمن يخوف الواحد يقتل امه وابوه . يمكن انا خوافه والا مبالغه لكن الحذر واجب لانهم مالهم جه نتوجه لها مثل التسول يكونون قدام الناس هذا طريقه جديده لكن ماندري وش بيسون او الي حد يتوقفون
شكرا للجميع