16-02-2008, 06:05 PM
|
|
Banned
|
|
تاريخ التسجيل: Feb 2008
المشاركات: 59
معدل تقييم المستوى: 0
|
|
يوم في حياة موظف 905
السلام عليكم ورحمة الله وبركاته
ولا يحلو الكلام الا بذكر النبي عليه افضل الصلات والسلام :
 ( قصة قبل النوم )
المهم هذاك اليوم الموظف كان زهقان حده ومزاجه مش ولا بد وخصوصا المايك معلق باذنه ....
المكالمة الاولى رجل فاضي ماوراه شغله ولا مشغله
الموظف : الوو..... استعلامات الدليل محمد الـ............ , مرحبا
المواطن : الوو.. ممكن لو سمحت تعطيني رقم تلفون عبد الله سعد فهد
الموظف : وين ساكن اخوي لو سمحت
المواطن : هنا قريب منا
الموظف: وين قريب منكم بالضبط
المواطن : قلت لك هنا قريب منا
الموظف : يا عزيزي انا مادري انت وين ساكن بعد
المواطن : اقول والله ما عندك ماعند جدتي " شكله يدخل شات تناتيف "
طوط طوط طوط
المكالمه الثانيه الصوت الناعم يا ساتر
الموظف : الو....... استعلامات الدليل محمد الـ........ , مرحبا
الصوت الناعم : هلا اخوي ممكن تعطيني رقم بيتزا هت بس مابي فرع لبنسيم دايم تعطوني اياه
الموظف: اي فرع تبغون رقمه
الصوت الناعم :تدري ايش فيه فرع النسيم بايخ لان البتزيا حقتهم توصل بارده ...... وبعدين شكلها خبز تميز
" الموظف فاطس ضحك بس المكالمه مسجله "
الصوت الناعم : يا اخي ليش ما تضحك .. لايكون انت صاحب بيتزا هت مالت عليكم وعلى دمك ....
طوط طوط طوط
المكالمه الثالثه طفل متفرغ وما عنده سالفه
الموظف : الووو.... استعلامات الدليل محمد الـ...... , مرحبا
الطفل : الوووو...... عطني رقم رقم وشسمه . هذا وشسمه ياربييي
ايه حمود بادي فرج
الموظف : طيب خد رقمه ...؟؟؟؟؟
الطفل : لحظه ابي رقم ثاني بعد . ابي رقم هذا وشسمه مانع فالح سامي
الموظف : خد رقمه ؟....." ممنوع اكثر من رقم في المكالمه الواحده ".
الطفل : ابي واحد ثاني هذا رقم ابو نادر عمي سعد .
الموظف : اتصل مره ثانيه ممنوع راكثر من رقم في المكالمه الوحده
الطفل : اقول وجععع.... يوجع بطنك " الفاظ على كيف كيفك " ترا مالك فضل علي اتصل بريالي
الموظف :يخرج من طوره:" اقول اسمع ... طوط طوط طوط "
المكالمه الرابعه صوت ناعم
الموظف : الوو .. استعلامات الدليل محمد الـــ ........ , مرحبا
الصوت الناعم : عوافي اخوي
الموظف : الله يعافيكي يارب ......... " اول واحد يعطيه روح معنويه "
الصوت الناعم : لا انا اقصد ابي مطعم عوافي الي با العليا
الموظف : طيب خدي الرقم ؟....
طوط طوط طوط
المكالمه الخامسه صوت ناعم اوي اوي
الموظف : الووو ... استعلامات الدليل محمد ال..... , مرحبا
الصوت الناعم : مرحبا اخوي ممكن تعطينيرقم تلفون مستشفى العيون للولاده
الموظف : كييييييف ؟..
الصوت الناعم : مستشفى العيون للولاده ....... تسمع يا اصقع
الموظف : يبي صرفها المكالمه مسجله " هذا الرقم غير معلن "
الصوت الناعم : طيب ضف وجهك
طوط طوط طوط
المكالمه السادسه صوت ناعم
الموظف : الووو ...... استعلامات الدليل محمد الـ....., مرحبا
الصوت الناعم : عيوني .....
الموظف : بلا ها الكلام ايش تبغين ........ " عشان المكالمه مسجله "
الصوت الناعم : لا انا ابي محل عيوني للعدسات والنظرات الي في التحليه
الموظف : ايش اسمه عيوني
الصوت الناعم : لا مو عيونك عيوني انا
الموظف : طيب خودي الرقم ؟...
الصوت الناعم : شكرا لعيونك الي كانها عيون بقره هههههههههه
اخرتها بنات يضحكون
طوط طوط طوط
الموظف طلع وترك الدوام . راح يشرب فيمتو على ليمون
|
العرض الشجري
