تحيه طيبه

الغرض من كتابه الموضوع هو متابعه اخر المستجذات في برنامج التوظيف النسائي بالخطوط الجويه السعوذيه اللي تم خلاله:
1. استقبال الطلبات الكترونيا خلال شهر اغسطس 2011 الموافق رمضان
2.ثم اعلان اختبار اللغه الانحليزيه قي شهر سبتمبر
4.والاعاده (التوفل) شهر اوكتوبز
5.ثم اخير تم الترشخ لاختبار المعرقه الوظيقيه الذي اقيم عل ذقعتين 8 ديسمبز و 22 ديسمبر ..

اتمنى من المتقدمات اللي دخلو اختبار المعرفه الوظيقيه .. المشازكه قي الموضوع ..

وخاصه في حاله الترشح للمقايله الشخصيه

واسال الله التوقيق للجميع

مرحبا اختي....
انا من البنات الا اختبروا اختبار المعرفة الوظيفية للحاسب وبعدها ما ادري ايش اللي حصل
كنت متابعة اخر الاخبار على منتدى شركتي بس بعد الصيانة الا مو راضية تنتهي انقطعت اخبار الخطوط وما ادري ايش سار مع البنات!

انتي ايش سار معاكي؟ بالله اذا رسلولك اي رسالة او رسلوا لأحد تعرفيه عن المقابلة الشخصية قوليلي بس عشان اعرف انهم خلاص رسلو رسايل للبنات الا نجحوا وما افكر فيهم لأنه بالي مشغول فيهم بشكل مو طبيعي ونفسي اعرف اخرتها معاهم

بالتوفيق يارب للجميع.

بنات كيف اقدم وهل يقبلون اللي معها دبلوم حاسب

فتاة خجولة كان نازل تقديم ايام رمضان على وظائف نسائية والين دحين مو عارفين النهاية معاهم

يقولوا كل فترة راح ينزلو وظائف جديدة

انا اختبرت المعرفه الوظيفيه مع الدفعه التانيه اللي كانت يوم ٢٢ ديسمبر .. وكنت دايما اتابع الاخبار عل منتدى شركتي بس اتقفل .. علشان كده عملت الموضوع ده ..

يا ريت ان شا الله كل البنات اللي اختبروا يشاركوا معانا علشان نتواصل مع بعض .. والله يوفق الجميع .. صارلنا تقريبا ٥ شهور بالضبط .. الله يتمم بخير يارب

باراكودا تفائلوا بالخير تجدوه يارب العالمين نكون انا وانتي وكل البنات ناجحين في الاختبارات ويرسلولنا مواعيد المقابلة
كيف كان اختباركم ؟لأني اتذكر انه البنات كانو حايسين وموعارفين ايش يذاكروا
الله يفرحنا باخبار حلوة من الخطوط يارب العالمين
من جد مرة طولو بشكل مو طبيعي تقولي وظايف في الامم المتحدة وانا ما ادري

بصراحه يوم اختبارنا كان تحفه غير متوقعه ..

قسمونا مجموعتين حسب التخصصات : مجموعه كان فيها تخصصات ( محاسبه / احصاء/ رياضيات/ مالية/ ونظم معلومات اداريه) دي كانت مجموعه ما شا الله كبيره تقريبا عددهم يمكن في حدود ٣٠ بنت
المجموعه التانيه تخصصاتهم ( تسويق/اداره عامه/ اداره اعمال/ علاقات عامه/علوم طيران) انا كنت في المجموعه دي تخصصي تسويق كان عددنا ١١ ..

احلى شي انو سالتنا المراقبه على تخصصاتنا وكنا بس بنتين اللي معانا تسويق والباقي اداره اعمال وعلاقات عامه واداره عامه وبعدين اتفاجآت انها قالت انو ما في تخصص تسويق وسالتنا اذا كنا عارفين ولا لا؟؟ انا هنا تنحت صراحه
وانو الوظيفه هتكون في CRM Customer relationship management

الاختبار كان ١٠ اسئله اختياري في منها معلومات عامه عن الخطوط والمصطلحات المستخدمه في العلاقات العامه و المبادئ العامه لخدمه العملاء ..
الجزء التاني كان ٤ اسئله فيها شرح ٢٥٠ كلمه لكل سؤال.. كلها تقريبا مواقف وايش مفروض تكون رده فعلك وكيف تتصرفي ،، اخر سؤال كان عن نقاط القوه والضعف ..

طبعا كانت كلها بالانجلش ..

من وجهه نظري الاختبار كان حلو ،،

بس اللي خوفني... لما قالت الموظفة انو ما في تخصص تسويق مع انو انا لما سجلت من اول اون لاين كان موجود في القائمه حق التخصصات والاختيارات كانت اجباريه يعني انا ما كتبتها من عندي ..
وبعدين سالتنا كم وحده معاها ماجستير تقريبا كان اغلبنا ماجستير .. فما اعرف الله يستر ان شا الله خير ؟

المجموعه التانيه ما اعرف كيف كان اختبارهم .. ان شا الله وحده من المجموعه التانيه تقلنا كيف كان اختبارهم ..

وبالتوفيق يا رب يكتب لنا الخير ..

اتوكلي على ربنا واستغفري مرررة كتير وفي الليل صلي ركعتين ادعي فيها انها تكون من نصيبك اذا فيها خير وسيبك منهم ومن كلامهم وان شاءالله حيقبلوكي على خير
والله اني مرة ما حليت في اختبار الحاسب وماني واثقة من حلي ولا حتى ربع في المية بس أملي في الله كبير واذا فيها خير حتكون من نصيبي باذن الواحد الاحد واذا مافيها خير الله يعوضني بخير منها يارب.

من جد والله ياريت البنات الا اختبروا في اختبارات المعرفة يشاركوا هنا عالاقل نضيع وقت الانتظار مع بعض ونعرف اخر الاخبار بدلما كل وحدة تقلق لحالها ونجلس نستنى الامم المتحدة الين تتفضل علينا وترسلنا مسجات.

بالتوفيق للجميع يارب

يا رب سآلتك الفرج يا زراق يا كريم .. ارزقنا من فضلك يا رب ..

آمين يارب العالمين... استغفر الله الذي لا اله الا هو الحي القيوم واتوب اليه